EPH 6
6
आम्मा आब्बाड इंगा बिळ्ळु
1हे बिळ्ळालाला, प्रभुला मी आम्मा-आब्बानदी आज्ञापालन शेयना येनटीक की इदी योग्य उंडाद.
2-3“मी आब्बानदी इंगा आम्माद मान फेटना,
दिनिचांग की मिद शिंगार कावाला इंगा मिद पृथ्वी मिंदुडदी आयुष्य वाढायाला.”
अभिवचन इच्चीनेद इद्दे पहिला आज्ञा उंडाद.#अनुवाद 5:16; निर्गम 20:12.
4इंगा हे आब्बागारलाला, मीर मी बिळ्ळाक कोफाम एका दाकुंडा पण मीर वारनी प्रभुन शिस्तला इंगा शिक्षणला वाढाय मतना.
मालक इंगा दास
5हे दासलाला, मी दुन्यामलोन मालकुनदी आज्ञा मनला कपट फेट्टान्दे, येरस्केन इंगा सन्मानता आल्ले पालन शेयना यल्ला मीर ख्रिस्तद आज्ञा पाळास्तार. 6यवाराना मिमलान सुस्तार आंका लेकाते मिक मंदीन खुश शेशेद आंका मीर फनी शेयाकुंडा तर ख्रिस्तन सेवकला लेका फनी शेयना यवार मन आंची परमेश्वरदी इच्छा पुर्ण शेस्तार, 7इंगा आदी सेवा मनशीद लेद तर प्रभुनदी उंडाद इल्ला समजाशी पुर्ण मनता शेयना, 8येनटीक मिक यरका उंडाद, यवाड यल्ला शिंगार फनी शेशी, दास उंटे लेकाते स्वतंत्र उंटे, प्रभुन तीकेल वानकी प्रतिफळ शिक्की.
9इल्ले हे मालकुलाला मीर, वारनी धमकाय मतेद इडशी, मी दासला जताक आल्ले वागायना, मिक इदी यरका उंडाद की, इद्दार मालकुड#6:9 मालकुड परमेश्वर पण स्वर्गला उंडाड इंगा वाड यवारदीच पक्षपात शेयाड.
आत्मिक युद्ध शस्त्रल
10हे आक्का तम्मुळ्ळालाला आखरीक नाक इल्ला आनेद उंडाद की मीर, प्रभुला इंगा वान शक्तीला आत्मिक रुपता ताकतवर कांडा. 11शैतान योजना मुंदार नीला फडी शकायाला, आंका परमेश्वरी आन्नीच शस्त्रल फेटकोंडा. 12येनटीक की मनाद जगडाम रक्ताम इंगा फय जताक लेद, तर सत्ताधीशलु, अधिकारील, इ अंधकार अधिपती जताक इंगा मोडामलोन दुष्ट आत्माल जताक उंडाद. 13दिनिचांग वाईट दिनमुलाला मिक सामना शेया दावाला आंका परमेश्वर इच्चीनेय पुर्ण शस्त्रल तिस्कोंडा. आंटे मिक आंता शेशीनेंका टीकाशी निलवाला 14तर मंग स्थिर नीला फडना, सत्यद पट्टा मी नडमुलाक कटकोंडा, नितीमत्वद कवच फेटकोंडा. 15शांती सुवार्ताता तैयार शेशीनेय जोडाल काळाला येस्कोंडा. 16इटलाकाना फेद्दाद माटा इदी उंडाद की विश्वासदी ढाल मी शेतल्या तिस्कोंडा, दानता मीर आ दुष्ट तीकेल आंपीनेय आन्नी आग्गी बाणलु आरपी शकास्तार, 17इंगा तारणदी मुकुट इंगा पवित्र आत्माद तलवार, याद परमेश्वरदी वचन उंडाद, आदी तिस्कोंडा, 18प्रत्येक प्रार्थना इंगा विनंतीता प्रत्येक वेळला पवित्र आत्मा मदतता प्रार्थना शेयना इंगा मजबुतीता उत्तरदी दावा सुडना इंगा आंता परमेश्वर मंदी इचांग प्रार्थना शेयना इंगा तैयार उंडा. 19इंगा ना इचांग प्रार्थना शेयना, यप्पुड निन नोर तेरशान आप्पुड हिम्मतता सुवार्ताद रहस्य शप्पेदेंक नाक शब्दल शिक्काला, 20निन, वान इचांग बेड्यालता कट्टीने वकील उंडान, इंगा नाक वान बद्दल माटलाडा बेक आल्ला हिम्मतता माटलाडा दावाला.
पौलदी आखरी दंडाम
21हे ना आक्का तम्मुळ्ळालाला मीर पण ना बद्दल निन यल्ला उंडान इंगा निन येम शेस्तुनान इदी मिक तेल्वाला आंका, प्रिय तम्मुड इंगा प्रभुलोन विश्वासयोग्य सेवक तुखिक इड मिक आन्नी माटलु शप्पी. 22निन वान मी तीकुड दिनिचांग आंपीनान; की मिक ना बद्दल तेल्वाला इंगा वाड मी मनलाक शांती इयाला.
23परमेश्वर आब्बाड इंगा प्रभु येशु ख्रिस्त तीकेल इप्पुड आक्का तम्मुळ्ळाक विश्वासता प्रेम इंगा शांती शिक्काला. 24यवार मना प्रभु येशु ख्रिस्तन मिंदा अमर प्रेम शेस्तार, वार आंदार मिंदा परमेश्वरदी कृपा उंडाला.
Currently Selected:
EPH 6: WNT
Highlight
Copy
Compare
Share
Want to have your highlights saved across all your devices? Sign up or sign in