Popular Bible Verses from PHP 1

Share

इंगा या परमेश्वर मी लोना शिंगार फनुलाद सुरुवात शेशा वाड आदी येशु ख्रिस्त वच्चे दिनमु नंताक पुर्णत्वक येकेन फोई इल्ला नाद पक्का विश्वास उंडाद.

निन इल्ला प्रार्थना शेस्तान की, वगा-मेगार इचांग मिद प्रेम, ज्ञानला इंगा बुद्धीला वाढास्का फोवाला, दिनिचांग की, येम शिंगार उंडाद आदी मिक तेल्वाला इंगा ख्रिस्त वच्चे दिनमु इचांग मीर निर्मळ इंगा निर्दोष उंडाला.

येनटीक की ना इचांग जगाशेद इदी ख्रिस्त इंगा सच्चेद इदी फायदा उंडाद.

नाक यप्पुड पण मिद ध्यानाम वस्ताद आप्पुड निन मना परमेश्वरकी धन्यवाद इस्तान.

आनेद अर्थ इल्ला उंडाद, की मीर ख्रिस्त सुवार्ताक शोभाशी इल्ला नडना; आंटे जरी निन वच्ची मिमलान भेटास्ते का धुराम उंटे, तरी नाक मी बद्दल इल्ला इना दावाला की, मीर सुवार्ता विश्वास इचांग लढाशेदेंक एकजुट उंडार इंगा मजबुत उंडार.

येनटीक की इदी नाद इच्छा इंगा आशा उंडाद की, निन यादुच माटाता शिग्गु फडाक फोयान तर पुर्ण हिम्मतता, इप्पुड पण, निन जित्ता उंटे का सच्ची फोते ना फयता ख्रिस्तद गौरव कावाला.

येनटीक की इदी कृपा फक्त मिक वान मिंदा विश्वास फेट्टेदेंक लेद, तर ख्रिस्तन तीकेल वान इचांग दु:खल सहन शेशेदेंक पण इच्चीनेद उंडाद.