Popular Bible Verses from PHP 2

Share

इंगा स्वार्थला लेकाते घमंडला येमीच शेयाकुंडा, पण नम्रतागोन इंगोगोरनी मना काना शिंगार समजायना. मीर यवारुच स्वतादे फायदा सुडाकुंडा, तर इंगोगोरदी पण सुडना.

मिद स्वभाव आल्ले उंडाला यल्ला येशु ख्रिस्तद उंडाद.

यवाड परमेश्वर स्वरुपला उंडी पण, परमेश्वर बरोबरीक उंडेद मना फायदा उंडाद इल्ला समजायालेद, तर स्वतान खाली शेशा, आंटे मनशी समानताला आय्यी, दासदी स्वरुप धारण शेशा, इंगा मनशी रुपला प्रकट आय्यी वाड स्वतान नम्र शेशा, इंगा वाड साव, आदी पण क्रुस मिंदुडदी साव सहन शेशा; इड नंताक आज्ञापालन शेशी वाड स्वतान नम्र शेशा.

येनटीक की वाड परमेश्वरे उंडाड यवाड वान इच्छाता मिद इच्छा पुर्ण शेस्ताड, इंगा मी शिंगार इच्छा इचांग फनी शेस्ताड.

दिनिचांग परमेश्वर वान आंदार काना उंच शेशा, इंगा वानकी आदी फेर इच्या याद आन्नी फेरलाला श्रेष्ठ उंडाद. दिनिचांग की, स्वर्गला, पृथ्वी मिंदा इंगा पृथ्वी किंदा, प्रत्येक मोकाल येशुन फेरता टेकायाला, इंगा परमेश्वर आब्बान गौरव इचांग, प्रत्येक न्यालका कबुल शेयाला की येशु ख्रिस्तने प्रभुड उंडाड.

येम पण मीर शेस्तार, आदी कुरकुर इंगा वादविवाद शेयांदे शेयना; दिनिचांग की, इ कुटील इंगा भ्रष्ट आय्यीने मंदी नडमा मीर निर्दोष इंगा निष्कपट परमेश्वर निष्कलंक बिळ्ळु इल्ला कावाला, आ मंदी नडमा मीर जीवनदी वचन मुंदारकी शेशी सुपेताप्पुड येलगु लेका दुन्यामला कमस्तार.

दिनिचांग हे ना प्रिय मंदी, मीर यवार नेहमी आज्ञापालन शेस्का वच्चीनार, येरस्केन इंगा नडगुकेन मी तारण इचांग फनी शेस्केन उंडना, फक्त निन देगार उंटान आप्पुडे लेद, तर विशेष शेशी आप्पुड पण यप्पुड निन मी देगार लेकुंटान.