Popular Bible Verses from João 15

Share

Hau mak uvas huun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida.

Hela iha Hau, no Hau iha imi. Hanesan uvas sanak la bele foo fuan mesak, maibee tenki hela iha uvas huun, nunee mos imi la bele foo fuan, só imi hela iha Hau.

Se imi hela iha Hau, no Hau nia liafuan hela iha imi, imi bele husu saida deit nebee imi hakarak, no ida nee sei halo ba imi.

Laos imi mak hili Hau, maibee Hau mak hili imi. Hau foo knaar ba imi katak imi tenki baa no foo fuan, no imi nia fuan sei hela nafatin. Buat hotu nebee imi husu hosi Aman hodi Hau nia naran, Nia sei foo ba imi.

La iha domin boot liu nee, katak ema foo ninia moris tanba ninia belun sira.

Sanak hotu iha Hau nebee la foo fuan, Nia hasai tiha. No sanak hotu nebee foo fuan, Nia hamoos hodi bele foo fuan liu tan.

Ida nee mak Hau nia ukun fuan, katak imi hadomi malu hanesan Hau hadomi imi.

Nunee Hau nia Aman hetan glória bainhira imi foo fuan barak. Ho ida nee imi sei hatudu aan katak imi mak Hau nia disípulu sira.

“Hau mak uvas huun lo-loos, no Hau nia Aman mak toos nain.

Se ema ida la hela iha Hau, toos nain sei soe nia hanesan sanak ida no nia sai maran. Depois ema halibur sanak sira nee, soe ba ahi laran no sunu tiha.

Hau koalia buat sira nee ba imi hodi Hau nia ksolok bele hela iha imi, no imi nia ksolok sei sai nakonu.

Se imi halo tuir Hau nia ukun fuan sira, imi sei hela nafatin iha Hau nia domin. Hanesan Hau mos halo tuir Hau nia Aman nia ukun fuan sira, no hela iha Ninia domin.

Hau manda buat sira nee ba imi, hodi imi sei hadomi malu.

Se imi hosi mundu, mundu sei hadomi imi nudar sira nian. Maibee imi laos mundu nian, tanba Hau hili ona imi sai hosi mundu, nunee mundu odi imi.