Popular Bible Verses from João 16

Share

Hau koalia buat sira nee ba imi, atu imi bele iha dame iha Hau. Iha mundu nee imi sei hetan susar. Maibee aten brani ba; Hau manaan tiha ona mundu.”

Maibee bainhira Espíritu lia loos nian mai, Nia sei lori imi tama ba lia loos hotu. Tanba Nia sei la koalia hosi Ninia aan rasik, maibee Nia sei koalia buat hotu nebee Nia rona. No Nia sei foo sai ba imi kona ba buat sira nebee atu mai.

Too agora imi seidauk husu buat ida hodi Hau nia naran. Husu ba, no imi sei simu, hodi imi nia ksolok sei sai nakonu.

Maski nunee Hau dehan lia loos ba imi: diak liu ba imi katak Hau baa. Tanba se Hau la baa, Ajudadór sei la mai ba imi. Maibee se Hau baa, Hau sei haruka Nia ba imi. No bainhira Nia mai, Nia sei foo hanoin ba mundu kona ba sala, moris loos no julgamentu.

Nunee mos agora imi laran susar. Maibee Hau sei haree fali imi, no imi nia fuan laran sei haksolok. No la iha ema ida mak bele hasai imi nia ksolok hosi imi. Iha loron nebaa, imi sei la husu Hau buat ida. Tebes, tebes, Hau dehan ba imi, buat hotu nebee imi husu hosi Aman hodi Hau nia naran, Nia sei foo ba imi.

Tebes, tebes, Hau dehan ba imi, katak imi sei tanis no halerik, maibee mundu sei haksolok. Imi sei laran susar. Maibee imi nia laran susar nee sei sai haksolok.