Popular Bible Verses from Ɛsedɔ 10

Share

Yâwɛɛ è ŋɔ́nɔ mò Mose mà ǹyɛɛi, “Lí Gâloŋ pɔ́ naa, ŋa ǹíi su kpànaŋ da ŋɔtíi kɛ́-ƃelai a gɛɛ ŋ̀ɛi-kɛ-maa-ŋai ŋí kɛ́ dísama. A gɛɛ ŋɔ́nɔ í pɔ̂ri môi ílônii dîa da ílônii-díwɔ̂ lonii berei ŋá ŋáwala-wâlai lɛ̀ la dîa a tãi ŋá ŋ̀ɛi-kɛ-maa-ŋai ŋí kɛ̀ la dísamai. Kákelee ka pâi gɔ́lɔŋnîi a gɛɛ ńyãa ƃa Yâwɛɛ.”

Nya ƃe Yâwɛɛ è mò Mose mà ǹyɛɛi, “Íyee sãa ŋ̀elei su a gɛɛ tuna-ya kpini é tóo Ize lɔii su gwaa kélee.” Nya ƃe Mose è ǹyée sãa ŋ̀elei su, tuna-ya kpini su pîlaŋɔɔ é tóo Ize lɔii su a ɣele kûu saaƃa. Ize-ŋai dífe kɛ́ ní pɔ̂ri díkîe-ni kâai, kpaa máŋ dí kula dípɛrɛ-ŋai mu a ŋ̀ele kûu saaƃai. Kɛ́lɛ kwaa ponoɔɔ è kɛ̀ ƃɛ́i Eezuɛ-ŋai dí kɛ̀ naai.

Nya ƃe Mose è ŋɔsia-wurii sãa Ize lɔii mɛi. Nya ƃe Yâwɛɛ é gɛ́ fãa é kula vóloi-ƃelai pere é tɛ́ɛ Ize lɔii su a maa fóloi tí da maa kpinii. Tãi ɣele-wala è kɛ̀ lai, vãai è pá a gotó támaa. Gotó-ŋai dí Ize lɔii gwaa kélee mɛi pɛ̀lɛ. È kɛ̀ a gotó kpulu su kɛ́tɛ a nyii núu da fé niî wɔ́lɔ da káa ní kpaa máŋ nyii pâi ŋɔ́nɔ kulâi.