Popular Bible Verses from Ɛsedɔ 11

Share

Yâwɛɛ è mò Mose mà ǹyɛɛi, “A lɛɛ a tɔ̀ŋ-kpɛ-maa tɔnɔ nyii ŋa pâi pâi la Gâloŋ pɔ́ da Ize lɔii su-ƃelai. Nàa pôlu ma a pâi kálɛɛ̂i naa ká lí. A pâi máŋ kákelee kákpɛ̂i ǹɔii su.

Ize-ŋai dílônii-sinaai maa-ŋuŋ-ŋai kélee da pâi saâi. É síɣe Gâloŋ ǹóŋ-surɔ̂ŋ maa-ŋuŋ nyii pâi seêi bɔ́ɔ ŋá ŋɔkâloŋ-see-sɛŋ ŋái mâ da yée mu-nɛnii nyii a tíi kɛ̀ mɔlɔŋ sia kɔ̂lii mai mâ, é tóo mála-ŋai, moli ŋai da niŋa-ŋai dílônii-sirɛ maa-ŋuŋ-ŋai kélee dîa. Díkelee da pâi saâi. Wɔ́lɔ su kɛ́tɛ a pâi toôi Ize lɔii gwaa kélee ma nyii da fé niî wɔ́lɔ too ní naa kpaa máŋ nyii da a pâi ŋɔ́nɔ toôi naai.

Gɛɛ tíi, Yâwɛɛ è mò Mose mà ǹyɛɛi, “Gâloŋ fé pâi ŋ̀óli tɔɔ̂i íwoo ma. Mɛni ma ŋá ŋɛi-kɛ-maa támaa kɛ̂i Ize lɔii su.”