Popular Bible Verses from Hechos 3

Share

»E uwari'che tzelej tzij alaq chwach ri Dios y ya'a k'u ib' alaq puq'ab' cha' kakuytaj ri mak alaq y cha' ri Qajawal Dios kuya uxlanem y utzil chomal chupa ri anima' alaq.

Pero ri Pedro xub'i'ij che: —Na jinta saqil puaq wuk' y na jinta ne q'ana puaq wuk'; no'j k'u ri k'o wuk' kanya che'la. Chupa rub'i' ri Qanimajawal Jesucristo ri aj Nazaret, yaktaj la y b'ina la —xcha che.

Ek'u ri Pedro xuchap che ruq'ab' uwikiq'ab', xuyako y chupa la' la joq'otaj xkowir ri raqan y ruqul raqan. Y rachi xch'oplin chikaj, xtak'i'ik y xujeqo kab'inik. Junam k'ut kuk' ri Pedro y ri Juan, xok b'i pa ri Rocho Dios, kab'inik, kach'oplanik y kuyak uq'ij ri Dios.

»E ruma ri kub'ulib'al k'u'xaj ruk' ri Jesús, xkowir ri raqan wa' wa'chi kil alaq y eta'am ne alaq uwach. Yey ruma wa kub'ulib'al k'u'xaj ruk' ri Jesús xkunutaj wa'chi pa saqil wi jela' pacha' katajin onoje alaq che rilik.