Popular Bible Verses from Hechos 4

Share

Xew k'u ruk' ri Jesús kariqitaj kolob'etajik, ma na jinta chi juna b'i'aj che ruwachulew ya'tal lo chike ri tikawex cha' ruma ri' kojkolob'etajik —xcha'.

Echiri' xkik'is u'anik orar, ri luwar pa kimolom wi kib' xb'arb'atik y konoje xkik'ul ruchuq'ab' ri Santowilaj Ruxlab'ixel ri Dios y jek'ula' na kakixi'ij ta k'ana kib' kakitzijoj Ruch'a'tem ri Dios chikiwach konoje ri winaq.

»Ek'u wo'ora, Qaqaw, kil la ri xib'ib'al kipa raj chakib' la ki'anom; ya'a k'u la ri chuq'ab' la chike rike cha' na kakixi'ij ta k'ana kib' kakitzijoj ri Ch'a'tem la.

»E pacha' ri kub'i'ij Ruch'a'tem ri Dios: E rab'aj k'aqital kan kuma raj yakal ja, e ab'aj wa' lik xajawaxik cha' katiki' lo ri ja kacha'. Ralaq e alaq pacha' wa e aj yakal ja yey ri Jesús e ri Ab'aj.

Ek'u raj wach re ri tinamit xkilo ri Pedro y ri Juan na kakixi'ij ta k'ana kib' ketzijon puwi ri Utzilaj Tzij, tob' wa' wa'chijab' na e ta tijotal pacha' rike yey xa ne e kuk'il rachijab' e aj chak re ri tinamit. Lik xkam k'u kanima' ri' chike y xkimaj usuk' e janipa taq ri kaki'ano y ri kimajom ri Pedro y ri Juan, e ruma ri xek'oji' ruk' ri Jesús, ri kitijonel.

Konoje k'u ruk'iyal hermanos, ri xkikoj rub'i' ri Cristo, lik u'anom xa jun kanima' y xa jun kina'oj; y na jinta junoq chike ku'an re che ri k'o ruk', ma rub'itaq ke xu'an re chinima ronoje.