Popular Bible Verses from Mateo 27

Share

Entonces a las tres de la tarde cay aru e Jesús taca inte' nuxi nuc y che: —Elí, Elí, ¿Lama sabactani? che e Jesús. E ojroner era war che: “Nidiosiret, Nidiosiret ¿tuc'a tua' achoqui awacten era?”

Y tama e momento era e nuxi b'ujc xe' ch'ur macuir e templo xe' jax umajquib'ir ut e altar tajchpa tari tichan esto tut e rum. Y chincha tunor or e lugar era y e nuquir tun tajchpa ixin. Y pasc'a ut meyra mujrob' tua' e chamenob' tama e lugar era. Y meyra tin e erachob' tut e Dios xe' c'apa chamayob', sutpa b'ixc'ob' tama e día era.

Y nacpat era sutpa aru e Jesús otronyajr taca inte' nuxi nuc y de allí chamay.

Y ayan inte' capitán romano xe' war ucojco e Jesús taca cora soldadob', y conda uwirob' e nuxi yujcb'ar y tunor lo que war anumuy era, b'actob' meyra y chenob': —E winic era jax ani Uyunen e Dios, che e soldadob' era.

Pues entonces tama uyuxin e día ecsib'a tunor ut e q'uin tama tunor or e lugar era y quetpa b'an cocha e acb'ar tama inte' tiempo de tres hora.

Entonces e Pilato sutpa uyub'i tua' e gente otronyajr y che: —¿Y tuc'a ic'ani tua' inche taca e Jesús xe' arob'na que jax e Cristo? che e Pilato. Entonces ojronob' tunor e gente y chenob': —Ch'ub'anic tut e cruz, chenob' tunor e gente. Entonces sutpa ojron e Pilato y che: —¿Y tuc'a cay uche e winic era tua' cachamse? che e Pilato. Pero jaxirob' intaca sutpa aruob' otronyajr y chenob': —Ch'ub'anic tut e cruz, che sian e gente.