Popular Bible Verses from 5. Mose 10

Share

Nu horcht, jie Israeliten, no waut de HAR jun Gott von junt velangt: Ieet däm HARN junen Gott un doot waut hee velangt; siet am goot; deent am met jun gaunzet Hoat un june gaunze Seel; un hoolt däm HARN siene Jebooten un Väaschreften, dee ekj junt vondoag fa jun ieejnen goot jäw.

De HAR jun Gott es Gott äwa aule Jetta un HAR äwa aule Haren; hee es groot un stoakj. Eena mott staunen äwa am. Hee trakjt kjeenem väa, un lat sikj nich bekjeepen.

Siet nich lenja ieejenkoppich. Jehorcht mie bat opp daut latste, un bewiest daut jie mie jehieren; soo aus jie derch daut Beschnieden wiesen, daut jie mie jehieren.

Hee sitt no daut rajcht fa de Weisen un de Wätfrues, un hee räakjent de framde, daut hee dee Äten un Kjleeda vesorcht.

De HAR es daut eensje met waut jie junt puchen, hee es jun Gott. Hee haft Dinja fa junt jedonen, dee toom wundren un staunen sent, soo aus jie jeseenen haben.

Jie sellen däm HARN junen Gott ieren un am auleen deenen. Siet am tru, un moakt jun Vespräakjen opp een Eit bloos en sienen Nomen.

Däm HARN junen Gott jehieren aule Himmel un uk de Ieed un aules waut doatoo jehieet.

Un nu, siet oppnäment to de framde; denkjt doaraun, daut jie uk emol framde en Ägipten wieren.