Popular Bible Verses from 5. Mose 11

Share

Jie sellen june Kjinja dee lieren. Rät doavon wan jie tus setten, un wan jie oppem Wajch gonen un wan jie junt dol lajen un wan jie oppstonen.

Nämt dise Wieed to Hoat, hoolt dee en june Seel; binjt dee aun de Haunt opp een Zadel, un aum Stiern en een Henjsel.

Wan jie de Jesazen hoolen woaren, dee ekj junt vondoag jäw, daut jie sellen däm HARN junen Gott goot sennen un am deenen met daut gaunze Hoat un de gaunze Seel, dan woat hee junt Räajen to de rajchte Tiet jäwen. Hee woat junt dän tiedjen un dän loten Räajen jäwen, soo daut jie jun Jeträajd arnten kjennen un jun Wien un june Eelj nenbrinjen kjennen.

Siet däm HARN junen Gott goot, un hoolt emma waut hee junt oppjeft en siene Jesazen un Entscheidungen un Väaschreften.

Nu horcht. Ekj sat junt vondoag ver eene Wol. Well jie eenen Säajen ooda eenen Fluch haben? Jie kjrieen eenen Säajen wan jie däm HARN junen Gott siene Jesazen hoolen, dee ekj junt vondoag jäw. Un jie kjrieen eenen Fluch, wan jie dise Jesazen, dee de HAR jun Gott junt jeft, nich hoolen woaren, un junt von dän Wajch wajchdreien dän ekj junt vondoag jäw, un aundre Jetta deenen dee jie nienich ea jekjant haben.

Denkjt aun dee wan jie derch de Däa gonen un wan jie derch daut Puat gonen, soo daut june Doag un de Doag von june Kjinja muchten velenjat woaren en daut Launt woont de HAR opp een Eit vespruak, daut hee june Vodasch daut jäwen wudd, opp soo lang aus de Himmel äwa de Ieed bliewen.

Paust opp daut jie junt nich veleiden loten, un nich von däm rajchten Wajch rauf komen, un jie met eemol aundre Jetta deenen un ieren.