Popular Bible Verses from Ioane 4

Share

O le Atua o le agaga lava ia; o ē tapua‘i ‘iā te ia, e tatau ‘ona tapua‘i atu ai i le agaga ma le fa‘amaoni.”

‘Ae o‘o mai ona aso, ‘ua o‘o nei fo‘i i ai o ē tapua‘i fa‘amaoni latou te tapua‘i i le Tamā i le agaga ma le fa‘amaoni; auā o lo‘o sā‘ili le Tamā i ē tapua‘i fa‘apenā ‘iā te ia.

A o lē e inu i le vai ‘ou te avatu ‘iā te ia, e lē toe fia inu o ia e fa‘avavau; a o le vai ‘ou te avatu ‘iā te ia, e ‘avea i totonu ‘iā te ia o le vaipuna, e puna i luga i le ola e fa‘avavau.”

‘Ua tali atu Iesu, ‘ua fa‘apea atu ‘iā te ia, “‘Ana e iloa le mea foa‘i fua a le Atua, ma lē ‘ua fai atu ‘iā te oe, ‘‘Aumai ‘iā te a‘u, se‘i ‘ou inu;’ pe ‘ua e ole mai ‘iā te ia, ‘ona foa‘i atu lea e ia ‘iā te oe o le vaiola.”

‘Ua fetalai atu Iesu ‘iā te i latou, “O la‘u mea e ‘ai, ‘ia ‘ou faia le finagalo o lē na ‘auina mai a‘u, ma fa‘ai‘u lana galuega.

‘Ua fai mai le fafine ‘iā te ia, “Le Ali‘i e, e leai sa‘u mea e asu a‘e ai, e maulalō fo‘i le vai‘eli; ‘e te maua ‘ea ifea lenā vaiola?

‘Ua fai mai le fafine ‘iā te ia, “‘Ua ‘ou iloa o le a maliu mai le Mesia,” (o lē ‘ua igoa ‘iā Keriso). “Pe a maliu mai o ia, e fa‘ailoa mai mea uma ‘iā te i matou.” ‘Ona fetalai atu lea o Iesu ‘iā te ia, “O a‘u lava lenei, o lē tautala atu ‘iā te oe.”

“‘Inā ō mai ia; ‘inā va‘ai i le tagata ‘ua ta‘u mai e ia ‘iā te a‘u o mea uma lava ‘ua ‘ou faia; pe lē o le Keriso ‘ea lea?”