Popular Bible Verses from Ioane 5

Share

E moni, e moni, ‘ou te fai atu ‘iā te ‘outou, o lē fa‘alogo mai i la‘u ‘upu, ma talitonu ‘iā te ia na na ‘auina mai a‘u, ‘ua ‘iā te ia le ola e fa‘avavau; e lē o‘o fo‘i o ia i le fa‘amasinoga, a ‘ua o‘o atu o ia mai le oti i le ola.

‘Ua silasila atu Iesu ‘iā te ia o ta‘oto; ‘ua silafia fo‘i ‘ua leva ‘ona ‘iā te ia o le ma‘i, ‘ua fetalai atu ‘iā te ia, “‘E te fia mālōlō ‘ea?”

“E su‘esu‘e ‘outou i Tusi, auā ‘ua ‘outou manatu tou te maua ai le ola e fa‘avavau; o Tusi fo‘i ia o lo‘o molimau ‘iā te a‘u; ‘ae lē mafafai ‘outou ‘ina ō mai ‘iā te a‘u, ‘ia ‘outou maua ai le ola.

‘Ua fetalai atu Iesu ‘iā te ia, “‘Inā tu ia i luga, ‘ave ia lou moega, ma ia ē sāvali.” ‘Ona mālōlō loa lea o le tagata; ‘ua ‘ave lona moega, ma ‘ua sāvali. O le sapati fo‘i lea aso.

‘Ona fetalai atu lea o Iesu ‘iā te i latou, ‘ua fa‘apea atu, “E moni, e moni, ‘ou te fai atu ‘iā te ‘outou, e lē mafai e le Atali‘i ‘ona fai o se mea, na o ia lava; a o mea na te va‘ai atu i le Tamā o faia; o mea fo‘i e faia e ia, o lo‘o faia fo‘i ia lava mea e le Atali‘i.