Popular Bible Verses from Ioane 6

Share

‘Ua fetalai atu Iesu ‘iā te i latou, “O a‘u nei le areto o le Ola; o lē sau ‘iā te a‘u, e lē fia ‘ai lava ia; o lē fa‘atuatua fo‘i ‘iā te a‘u, e lē toe fia inu lava ia.

O le agaga lea e tupu ai le ola, e lē aogā le tino i se mea; o ‘upu ‘ou te fai atu ai ‘iā te ‘outou, o le agaga ia, o le ola fo‘i ia.

‘Aua tou te galulue i mea e ‘ai e pala, a o mea e ‘ai e tumau i le ola e fa‘avavau, e foa‘iina atu ‘iā te ‘outou e le Atali‘i o le tagata; auā ‘ua fa‘aalitinoina mai o ia e le Atua le Tamā.”

O lenei fo‘i le finagalo o lē ‘ua ‘auina mai a‘u, ‘ia maua le ola e fa‘avavau e i latou uma o ē va‘ai i le Atali‘i, ma fa‘atuatua ‘iā te ia, ‘ou te toe fa‘atūina fo‘i i latou i le aso gata‘aga.”

‘Ua tali atu Iesu, ‘ua fa‘apea atu ‘iā te i latou, “O lenei le galuega a le Atua, ‘ia ‘outou fa‘atuatua ‘iā te ia ‘ua ‘auina mai e ia.”

O i latou uma ‘ua foa‘iina mai ‘iā te a‘u e le Tamā, e ō mai i latou ‘iā te a‘u; o ia fo‘i e sau ‘iā te a‘u, ‘ou te lē tulia lava i fafo.

‘Ona tali mai lea o Simona Peteru ‘iā te ia, “Le Ali‘i e, a matou ō ‘ea ‘iā te ai? O ‘iā te oe ‘upu o le ola e fa‘avavau.

O a‘u o le areto ola na alu ifo mai le lagi; pe a ‘ai se tasi i lenei areto ‘ona ola ai lea o ia e fa‘avavau, o le areto fo‘i ‘ou te avatua, o lo‘u tino lea, ‘ou te avatua ma ola o le lalolagi.”

E lē mafai e se tasi ‘ona sau ‘iā te a‘u, pe a lē tōsina mai e le Tamā ‘ua ‘auina mai a‘u; ‘ou te toe fa‘atūina fo‘i o ia i le aso gata‘aga.

auā o le areto mai le Atua, o le mea ‘ua alu ifo mai le lagi lea, ma ‘aumai le ola i le lalolagi.”

O a‘u o le areto o le ola.

‘Ona tago lea o Iesu i areto, ‘ua fa‘afetai, ‘ona tufatufa lea i ē o lo‘o nonofo. ‘Ua fa‘apea fo‘i ma i‘a, ‘ua avatu faitalia i latou. ‘Ua mā‘o‘ona lava i latou, ‘ona fetalai ane lea o ia i ona so‘o, “‘Ia fa‘apotopoto toe ‘aiga, ne‘i i ai ni mea e māumau.”

‘Ua taualo i latou, pe tolu pe fa maila, ‘ona iloa atu lea e i latou o Iesu, o savali lava i luga o le vai, ‘ua latalata atu fo‘i o ia i le va‘a; ‘ua latou fefefe ai. A ‘ua fetalai atu o ia ‘iā te i latou, “O a‘u lava lenei; ‘aua tou te fefefe.”