Popular Bible Verses from Juan 13

Share

Cꞌo jun cꞌacꞌa mandamiento nbij can chewe riꞌ, tewajoꞌ ewiꞌ. Caniꞌ nbanonto anin chewe nij ixnwajoꞌonto wiꞌ queriꞌ cꞌa tebanaꞌ ixix chakajaꞌ ni tewajoꞌ wiꞌ ewiꞌ. Jariꞌ ja cꞌacꞌa mandamiento nyaꞌ can chewe. Ja wi queriꞌ neban wi newajoꞌ ewiꞌ triꞌ cꞌa nixtzꞌa̱t wiꞌ cumal canojelal ja winak chi ni katzij wiꞌ chi ix ndiscípulo, neꞌe ja Jesús.

Anin in Ewajaw, in Emaestro chakajaꞌ pro ma xinpokonaj ta xinchꞌaj ja rewakan in queriꞌ cꞌa chewe ixix chakajaꞌ rjawaxic chi matepokonaj nechꞌaj ja rewakan chibil tak ewiꞌ. Jun ejemplo awaꞌ xinyaꞌ chewach riꞌ chi queriꞌ neban ixix chibil tak ewiꞌ ja caniꞌ xinban anin chewe.

—Xa matichꞌobtaj amwal camic ja nmajon rbanic chawe pro nerilaꞌ na jun kꞌij tok nchꞌobtaj na amwal, neꞌe ja Jesús tre.

Ni katzij wiꞌ ja xtinbij chewe riꞌ, jun ilinel ¿la nim ta cꞌa rukꞌij chwach ja rajaw in jun banol takquil la nim ta cꞌa rukꞌij chwach ja takyonel rxin?

Ja wi nchꞌobtaj emwal ja cꞌa xinbij chewe riꞌ jariꞌ congana quiꞌil chewe pro ja wi nenimaj.

Cꞌacꞌariꞌ yictajto pa mesa, ja cꞌa tziak ja rcojon trij ja rtziak jariꞌ xlasaj can, xucꞌam chic jun tziak ja caniꞌ nquecoj ja rilinelaꞌ in jariꞌ xucoj chic xeꞌ rupan. Cꞌacꞌariꞌ xchomij jun palangana yaꞌ in xumaj rchꞌajic cakan ja rdiscípulo. Ja cꞌa tok nchꞌajtaji nusuꞌ tre ja tziak ja rcojon xeꞌ rupan.