Popular Bible Verses from Juan 15

Share

Anin in rkan ja jun mocaj uva, ja cꞌa rixix ix tak rukꞌaꞌ. Xa nak ta chewe wi xa jun nuban wqꞌuin in wi anin xa jun nban ruqꞌuin jariꞌ junan ruqꞌuin ja rkꞌaꞌ uva ja buena nwachini. Queriꞌ nbij chewe como majun nak ta nixcowini neban ja wi ma jun ta neban wqꞌuin.

Xa jun tebanaꞌ wqꞌuin in xa jun nban anin ewqꞌuin chakajaꞌ. Caniꞌ tre ja rkꞌaꞌ uva ja wixta ma jun ta rbanon ruqꞌuin ja rkan jariꞌ mta moda xtiwachin ta. In queriꞌ chewe ixix chakajaꞌ, ja wi ma jun ta neban wqꞌuin jariꞌ mta moda xtiwachin ta ja rutzil xin Dios pa tak ewanma.

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

Ja tok matapokonaj natcam pa quicuenta ja rawamigo jariꞌ bien kꞌalaj chi congana neꞌawajoꞌ, mta jun ajoben riꞌil ja queriꞌ chi ta.

Arjaꞌ nkupijel ja rkꞌaꞌ uva nojelal ja mta rwach nuyaꞌ, ejeꞌeꞌ cꞌariꞌ ja winak ja chaka ecꞌoloc wqꞌuin. Pro ja rkꞌaꞌ uva ja nwachini jariꞌ njoskꞌix rmal ja Nataꞌ utzcꞌa chi nwachin más.

Caniꞌ nbanon anin chewe nij ixnwajoꞌon wiꞌ queriꞌ cꞌa tebanaꞌ ixix chakajaꞌ tewajoꞌ ewiꞌ, jawaꞌ jun mandamiento nyaꞌ can chewe chi neban.

Ja wi buena nwachini ja rutzil xin Dios pa tak ecꞌaslemal jariꞌ nya̱ꞌ rukꞌij ja Nataꞌ cumal ja winak emwal in triꞌ nixtzꞌat wiꞌ chi ni katzij wiꞌ chi ix ndiscípulo.

Cꞌacꞌariꞌ xcꞌambej tzij chiquewach, quewaꞌ xbij chique riꞌ: —Wqꞌuin anin nelto wiꞌ ja cꞌaslemal ja katzij chi cꞌaslemal, anin in junan ruqꞌuin ja rkan jun mocaj uva. Ja cꞌa Nataꞌ arjaꞌ junan ruqꞌuin ja nbano cuenta ja uva in njoskꞌij.

Ja winak ja ma jun ta nqueban wqꞌuin queriꞌ nba̱n na chique ja caniꞌ nba̱n tre ja rkꞌaꞌ uva, nkupixel in nchakiji cꞌacꞌariꞌ nmo̱l ruchiꞌ in nporox pa kꞌakꞌ.

Nojel ja cꞌa xinbij kaj chewe riꞌ utzcꞌa chi xtiqꞌuejeꞌ ta pa tak ewanma ja quicotemal ja cꞌo pa wanma anin. Xinbij chewe utzcꞌa chi xtinoj ta ja quicotemal pa tak ewanma.

Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

Nojel awaꞌ ja cꞌa xinbij chewe riꞌ utzcꞌa chi newajoꞌ ewiꞌ.

Ja wixta ix cachbil ja winak ja xa ruqꞌuin rwachꞌulew yukul wiꞌ quecꞌuꞌx jariꞌ lokꞌ ta nixquenaꞌ ariꞌ. Pro jariꞌ ma ix cachbil ta como anin xixnuchaꞌ chiquicojol in xixnpartiꞌij rmalcꞌariꞌ tok itzel nixquetzꞌat.