Popular Bible Verses from Luik 8

Share

But tha seed that faad on guid grun, that's laik fowk that ir warthie an guid, an gie ear til tha wurd o God; the' houl ït ïn thair hairts, til ïn tha enn the' reap a rich hairst.

An tha seed that fell amang tha thoarns, that's laik fowk that hears tha wurd o God, an the' cairrie on fer a weethin; but ïn tha enn, aa tha warl's bothers, tha catter an tha guid times staps thaim growein up strecht an sonsie.

Tha seed on tha roak stans fer tha yins that gie ear til God's wurd an tak ït ïn wi a gled hairt, but ït haes nae ruit an daesnae houl wi thaim. Fer whan haird times cum alang, the' gie up an the' hae nae mair mine o ït.

“Whar ïs yer faith?” he axt thaim. An the' wur feart, an the' wunnèrt, an the' saed tae yin anither, “Whut kine o a man ïs thïs, that can mak e'en tha wun an tha waves dae as he bïds thaim!”

Tha seed that faad doon nixt tha pad stans fer tha fowk that hears tha wurd, but then alang cums tha Deil, an he taks ït oot o thair hairts, sae that the' ir stapt frae believin an cannae be saved.

Fer thair's naethin hïd, that wull no be toul; an thair's naethin püt awa, that wull no be brocht oot ïntae tha apen.

Tha wumman, seein that she cudnae hide, cum an faad doon afeart an trimmlin at hïs feet. An afore tha hale fowk, she toul whut fer she haed toucht hïm, an hoo she haed bin makkit weel at yinst. Then Jesus saed, “Dochtèr, yer faith haes hailt ye. Fair ye weel!”

Hïs follaers went up tae hïm an waakent hïm. “Dominie, dominie!” the' caad oot, “we'll be droont!” An Jesus ris, an he chackt tha blowstèrin wun an waves. Aa at yinst tha wun drapt, an tha stoarm wus ower.