Popular Bible Verses from Luku 12

Share

Ŋgamulukupembelela namweŵo; pakuti pampindi iyo iyi tamukalaŋguluka Umwana waMuntunsi akesa.

Naŋgawe'fyo kamuŵufwaisya Uŵufumu bwaŵo, peŋka nefintu ifi nafyo fikalundwa-po kuli mweŵo.

Kaŵili ŵalilaŵile kuŵantu ati: Cenjeleni, mulukulikanya fyonse ifyawuŋkumbwamawoni; pakuti umweo wamuntu tauli mukufula kwafintu ifyo ifi akwete.

Pakuti uko ukuli amaŵoni enu, ekuli nemitima yenu.

Nakaŵili pali mweŵo mbaninani, pakulukuŵamba mumutima, uwisi ukulunda-po pamweo wakwe ikubita?

Peŋka ŵalilaŵile kuŵasambile ŵaŵo ati: Pakuti pali fyefyo, ndukumweŵeni ati: Tekulukuŵamba mumitima pakuti pamweo, ifyafyefyo ifi mwakulukulya; neli nipakuti pamiŵili yenu ifyafyefyo ifi mwakulukufwala.

Sombi nemisisi yonse iyamumitwi yenu ilipendelwe. Tekutina, mweŵo muli ŵamakweŵo akucila napatuseŵa utwinji.

Tekulukutina, wetaŋga lini ni; pakuti ukumupeleni mweŵo Uŵufumu ekutemwa kwaŵaWisinwe.

Kamulaŋguluka ifyawacikwaŋgala, ati taŵaŵyala-po, neli kuteŵula-po; ŵopele taŵakwete-mwakuloŋgela neli ŵutala; sombi ŵaLesa ŵalaŵateŵeta! Kansi mweŵo tamulicilile ukwakuti amakweŵo napafyuni!

Lomba tekulukufifwaya-fwaya ifyo ifi mukalya, neli nifyefyo ifi mukanwa; kaŵili tekulukuŵamba mumitima.

Sombi kani ŵaLesa ŵalafwike'fi ifyani fyamumpaŋga, ifiikele lelo, ŋgamailo nekuposwa mwisiko; tanje cine ŵakamufwikeni mweŵo, mweŵakucetekela kunini.

Sombi tapali-po icintu icifimbilwe icitacikaŵoneka, neli cifisilwe icitacikesibwa.