Popular Bible Verses from Luku 13

Share

Kamwesyo'kwakuti ukwinjila pamulyaŋgo uce; pakuti ndukumuŵuleni ati aŵenji ŵakafwayo'kwinjila-mo, sombi taŵakesiŵa-po.

Lomba mwali nemwanakasi, uwali nemupasi uwakulwala-lwala imyaka ikumi naisanu muli isanu naitatu; alioŋgomene, taesiŵile-po ukwinuka neli panini. Lomba ŵa Yesu, ili ŵamubwene, ŵalimwitile, nekulaŵila kuli ye ati: Wemwanakasi, wakakululwa kukulwala-lwala koŵe!

Peŋka ŵalitintilepo iminwe yaŵo pali ye; naye, impindi iyo yopele, alilunjicilwe, nekulukulemya ŵaLesa.

Lomba umfweni, pali neŵapelele-ko aŵakaŵa ŵakutaŋga, newakutaŋga aŵakaŵa ŵakupe la-ko.

Ili ŵaima'kale aŵene wananda, nekwisalako kumulyaŋgo, namweŵo nekutatiko' kwimakana posonde, nekulukukoŋkonsya paciŵi, nekulaŵila ati: MweŵaSikulu, twiswileni-ko! naŵo nekumwasukeni ati: Nsimwisini-po uku mwafumine!

Ndukumuŵuleni ati, Koku; sombi kani tesi mukaaluluke, mwense mukonalwa koti nifyopele'fyo!

Sombi naŵo ŵakalaŵila ati: Nsimwisini-po uku mwafumine; fumeni-po pali neŵo, mweŵo mwense mweŵakucite'fiŵipile!

Peŋka ŵalilaŵile ati: MboŴufumu bwaŵaLesa ŵulipalene nendo? Syani nakuŵupalanya? Ŵuli koti lusaŋgu lwasinapi, lopele umuntu aŵulile, nekuposa mwiŵala lyakwe; peŋka lwalimenene, nekuŵa muti ukulu; nefyuni fyamwiulu fyalukwikala kufinsokela fyalulo.