Popular Bible Verses from Luku 14

Share

Aŵantu ŵonse ulukwisa kuli neŵo, utaafitilwa-po ŵawisi naŵanyina, nemukasi wakwe, neŵana ŵakwe, neŵakwaŵo, neŋkasi syakwe, icine nemweo wakwe umwine, uyo tesi akaŵe musambile wanji.

Aŵantu ŵonse utaapinta-po umutaliko wakwe umwine ukulukundonda, tesi akaŵe-po musambile wanji.

Pakuti aŵantu ŵonse, ulicindika, akapufiwa; neulipufya naye akacindikwa.

Peŋka pakuti pali fyefyo, pali mweŵo mwense utaaleka-po ifintu fyakwe fyonse, tesi akaŵe musambile wanji.

Pakuti, pali mweŵo mbaninani, pakufwayo'kwiŵaka iŋanda itali, utaataŋgo'kwikala ukulukupenda ifyamakweŵo ati kani ifi ndi nafyo fyakukumana ukwikonsya? eŋgesa-kwiŵaka ica pansi ceŋka nekufilwa ukwisilisya; naŵaŵo aŵalukutamba nekutatika ukumuseka, ati: Uyu-muntu alitaticile ukwiŵaka, sombi taesiŵile ukwikonsya!

Sombi pakwansika ifyacitenje, uŵete awapeŋgele nefilema neŵalukusunta nempofu; eli ukasyuka: pakuti ŵo taŵakwete ifyakukubwesesya; pakuti weŵo ukalambulwa pampindi yakuŵuka pamfwa awaluŋgeme.

Umucele lomba uliweme, sombi kani umucele waleka ukukuma kwauo, mbanikundo ukakumisiwa? Toelelwe iŵala neli mupili waŵufumba; ŵalauposa lukoso. Uyo uli nematwi akumfwa ŋgaomfwe.