THILSIEMBUL 36
36
Esau Suonte
(1 Kh 1.35-42)
1Ziehaw hi Esau, (Edom le kiti) suonte chuh ahiu hi. 2Esau in a zite chuh Kanaan gama nungakte laka a neih ahi a; Hit mi Elon chun Ada, Hit mi mah Zibeon chapa Ana chanu Oholibamah leh,#Tsb 26.34 3Ishmael chanu Nebaioth suohpihnu Basemet ahiu hi.#Tsb 28.9 4Adah chun Eliphaz chuh Esau a hinsak a; Basemet chun Reuel a hing a; 5Oholibamah chun Jeush leh Jalam leh Korah a hing a. Ziehaw chuh Esau in Kanaan gama chapa a neih te chuh ahiu hi.
6Chun, Esau chun a zite leh a chapate leh, a chanute leh, a In a mi chengcheng leh a ganchate leh, a neih chengcheng leh, Kanaan gama a sum lamdawk haw chuh a puo a, a nau Jakob kawm apat chun gam dangah a chieh ta a.
7A thil neih teu chuh a tam taluo a, um khawm theilo ahiu hi; a ganguol teu ziekin a malzinna gam u chuh a kiting puoh ngâla. 8Khutichun Esau chuh Seir tâng achun a chênga; chun Esau chuh Edom ahi.
9Chun, ziehaw hi Seir tânga Edom te suonpa Esau suonte chuh ahiu hi. 10Ziehaw hi Esau chapate min ahi; Eliphaz, Esau zi Adah chapa leh Reuel, Esau zi Basemet chapa ahi. 11Chun, Eliphaz chapate chuh Teman, Omar, Zepho, Gatam leh Kenaz ahiu hi. 12Chun, Timna chuh Esau chapa, Eliphaz mei ahi a; amah chun Eliphaz chuh Amalek a hinsak a, ziehaw chuh Esau zi Adah suonte chuh ahiu hi. 13Chun, ziehaw hi Reuel chapate chuh ahiu hi; Nahath, Zerah, Shamah leh Mizzah te chuh. Ziete chuh Esau zi Basemet suonte chuh ahiu hi.
14Chun, ziehaw hi Zibeon chapa, Ana chanu, Esau zi Oholibamah chapate chuh ahiu hi. Amah chun Esau chuh Jeush leh Jaalam leh Korah a hinsak hi.
15Ziehaw hi Esau chapate laka lawiupate chuh ahiu hi. Esau chapa upapen Eliphaz chun zie chite hi a hun suon hi: Teman, Omar, Zephi, Kenaz, 16Korah, Gatam leh Amalek te ahiu a, ziehaw hih Esau zi Adah suonte chuh ahiu hi.
17Chun, ziehaw hi Esau chapa Reuel suonte chuh ahiu hi; Nahath, Zerah, Shammah leh Mizzah te ahiu. Ziete chuh Edom gama Reuel suona phung upate chuh ahiu a; Ziehaw chengcheng hi Esau zi Basemet suonte chuh ahiu hi.
18Chuleh, ziehaw hi Esau zi Ana chanu Oholibamah chapate chuh ahiu hi: Jeush, Jalam, leh Kora te hi. Zie phung cheng chengte hi Esau apat a suonte chuh ahiu hi. 19Ziehaw chuh Esau chapate chu ahiu hi, ziete chu amau laka phung upate chuh ahiu a: Esau chuh Edom ahi.
Seir Suonte
(1 Kh 1.38-42)
20Ziehaw hi Hor mi, Seir chapate zie gama umte chuh ahiu hi. Lotan, Shobal, Zebeon leh Ana te, 21Dison, Ezer, Dishan te hi; ziehaw hi Edom gama Seir chate Hor mite laka pawt lawiupate chuh ahiu hi.
22Chun, Lotan chate chuh Hori leh Heman ahiu a, Lotan suohpihnu chuh Timna ahi.
23Chun, ziehaw hi Shobal chate chuh ahiu hi; Alvan, Manahath, Ebal, Sepho leh Onam chite te ahiu hi.
24Chun, ziehaw hi Zibeon chate chuh ahiu hi, Aiah leh Ana te hi. (Zie Ana hi ahi thaleka a pa sabiltung a chin lai a tui lum nak haw mudawkpa chuh). 25Chun, ziehaw hi Ana chate chuh ahiu hi; Dison leh Ana chanu Oholibamah ahi. 26Chun, ziehaw hi Dison chate chuh ahiu hi, Hemdan leh Eshan, Ithran leh Cheran te hi.
27Ezer chate chuh Bilhan, Zavan leh Akan ahiu.
28Ziehaw hi Dishan chate chuh ahiu; Uz leh Aran hi.
29Ziehaw hi Hor te apat a pawt lawiupate chuh ahiu hi: Lotan, Shobal, Zibeon leh Ana te hi. 30Lawiupa Dison, Ezer, Dishan te hi ziehaw chu Seir gama lawiupa dân banga pawtte chuh ahiu hi.
Edom Lengte
(1 Kh 1.43-54)
31Ziehaw hi leng himhim in Israel suonte chunga a vaihawm mau a, Edom gama vaihawm a pang lengte chuh ahiu hi. 32Chun, Beor chapa Bela chun Edom gam ah vai a hawma; a khawpi min chuh Dinhabah ahi. 33Chun, Bela chuh a thi a Bozrah khuo a um Zerah chapa Jobab chun a thasang in vai a hawm ta a. 34Chun, Jobab chuh a thi a Teman haw gama um Hushan in a thasang in vai a hawm ta a. 35Chun, Hushan chuh a thi a, Bedad chapa Hedad, Moab phul a Midian haw thatpa khan a thasang in vaiahawm ta a; a khawpi min chuh Avith ahi. 36Chun, Hadad chuh a thi a, Masreah mi Samlah chun a thasang in vai a hâwm ta a. 37Chun, Samlah chuh a thi a, Euphrates luipi panga Rehoboth khuo a um Shaul chun a thasang in vai a hawm ta a. 38Chun, Shaul chuh a thi a, Akbor chapa Baalhanan chun a thasang in vai a hâwm ta a. 39Chun, Akbor chapa Baalhanan chuh a thi a, Badar chun a thasang in vai a hawm ta a; a khawpi min chuh Pau ahi a, a zi min chuh Mehetabel ahi a, amah chuh Mezahab chanu Mared chanu ahi.
40Ziehaw hi a Inkuon bang zel leh a chênna mun uh bang zel leh, amin uh bang zel in Esau suona lawiupate min chuh ahi; Timna, Alvah, Jetheth, 41Lawiupa Oholibamah te, Elah te, Pinon te, 42Kenaz te, Teman te Mibzar te, 43Magdiel leh Iram te ziehaw hi Edom lawiupate chuh ahiu hi (zie chuh Esau, Edom pa) a gam luoh nau a a chênnau bang zel chuh ahi.
Currently Selected:
THILSIEMBUL 36: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
