IRPHUTNA 10
10
Nova nâihai irchi
(1 Tsn 1.5-23)
1Khan, Nova nâihai Sema, Hama le Jafeta hai irchi chu hiang hin a ni. Tuilian zoia chu nâilete an hong neihaia.
2Jafeta nâihai chu Gomera, Magoga, Madaia, Javana, Tubala, Meseka, le Tirasa hai an ni. 3Khan Gomera nâipasalhai chu Askenaza, Rifata le Togarma hai an ni. 4Khan Javana nâipasalhai chu Elisa, Tarsisa, Kitima, le Dodanima-hai an ni. 5Annihai ata irthoka hin kêng, Jentail ramchârna hmuna an ram omna hrang hmun chita an indara; an chong hmang ang hrang le an nam om hrang ang chitin an om tâk.
6Khan Hama nâihai chu Kusa, Mizraima, Puta le Kanaana hai an ni, 7khan Kusa nâihai chu Seba, Havila, Sabta, Raama le Sabteka hai an ni, khan Raama nâihai chu Seba le Dedana an ni. 8Khan Kusa khan chu nâipasal Nimroda kha a neia, ama hi irnênga hin mi hrâttak a hong ni tâka. 9Rengpa makunga sa kâp hrâttak a nia; khasikin, “Rengpa makunga sa kâp hrâttak Nimroda ang a ni,” an iti ngai kha a ni. 10Khan, a rêng chang phutna ram chu Sinar ram Babel khua, Erek khua, Akad khua le Kalne khuahai a nia; 11kha ram ata a suak zoiin, Assuria rama a lûta, Ninevi khua, Rehobot-ir khua, Kala khua, 12Ninevi le Kala khua kâra Resen khua a chuana. (Resen khua hi khua inthang tak a ni.)
13Khan Mizraima khan Lud hai, Anam hai, Lebab hai, Nafta hai, 14Pathros mihai, Kaslu mihai. Hi mihai hi Filistia le Kaftor mihai irchihai an ni.
15Khan, Kanaana khan nâilutîr Sidona a neia, Hetha khom a nei nôka; 16Jebus hai, Amor hai, Girgas hai le 17Hiv mihai, Arka hai, Sin mihai, le 18Arvad hai, Zemar hai, Hamath mihai an hong irzira: kha zoiin chu Kanaana namhai chu an irthek indarh zoi tâka. 19Khan, Kanaana hai ramri chu Sidon khua ata Gerar sim tiang pang Kaza khua dênin; Sodom le Gomora le Adma le Zeboim sim tiang Lasa khua dênin a ni. 20Hihai hi kêng Hama irchihai an ini, an nam omdân hrang angin, an chong hmang hrang angin an nam le an irchi om hrang angin an om ta.
21Khan Sema, Ebera nâihai irchibul, Jafeta upa khomin nâi a neia, 22Sema nâihai chu Elama, Asura, Arpaksada, Luda, le Arama hai an ni. 23Khan Arama nâihai chu Uza, Hula, Gethera, le Masa hai an ni. 24Khan Arpaksada’n chu nâipasal Sela a neia; khan Sela’n nâi Ebera a neia. 25Khan Ebera’n nâipasal hni a neia: inkhat irhming chu Pelega#10.25: Pelega ti omzia hi Hebraiin ‘khoi, irsen’ tihna a ni. a nia, a dam laiin a ram kha senin a oma; a sangpa irhming chu Joktana a ni. 26Khan Joktana’n nâi Almodada, Selefa, Hazarmavetha, Jera le 27Hadorama, Uzala, Dikla le 28Obala, Abimaela, Seba le 29Ofira, Havila le Jababa hai a neia: hihai murdi hi Joktana nâihai chu an ni. 30Khan an omna chu Mesa ata nisua tiang Sefar lam panna lam a nia. 31Hihai hi kêng Sema irchihai an ini, an nam om hrang dân angin, an chong hmang hrang lam angin, an irchi om hrang le ram om hrang angin an oma.
32Hihai hi Nova irchihai le nam omhai an ni, an irchihai angin, an irchihai laia, tuilêt zoi ata irnêng chunga chi tin nam tin a hong indarh a ni ta.
Currently Selected:
IRPHUTNA 10: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
