GENESIS 49

Jakoban a fate awm dân tûr a sawi

1Jakoba chuan a fate chu a ko khâwm a, “Nakin hnua in awm dân tûr ka lo hrilh ang che u, lo kal khâwm rawh u,” a ti a.

2“Jakoba fate u, lo kal khâwm ula,

ngaithla rawh u,

In pa Israela thu hi ngaithla teh u.

3Nang Reuben, ka fa tîr, ka chak ka vânglai fa,

Mi dang aia chungnung leh zahawm i ni.

4Tui lian anga awm hle hle thei lo,

Mi dang aiin i chungnung tawh lo vang,

I pa khumpui i kaia,

Ka khum i tihbawlhhlawh avâng khân.

5Simeona leh Levia hi unau phîr ang mai an ni,

Dân bawhchhiat hi an hna a ni;

6An remruatah ka tel lo vang a,

An punkhâwmnaah kei chu ka awm ve lo vang.

An thinur a, tual an that a,

An nawm an mâkin bâwngchal thate an chhat.

7An thin a chhiat êm avâng leh

An thin a ram êm avângin

Jakoba zîngah ka sem darh ang a,

Israel-te zîngah ka tidarh ang.

8Juda, i unauten an fak ang che;

I hmêlmate chu an ringah i rêk ang a,

I unaute i hmaah an kûn ang.

9Juda zawng sakeibaknei tuai,

Sa seh zo hlim, pûka lawi,

Bawka zi awr awr ang hi a ni;

Tu man an titho ngam lo va, #Num. 24:9; Thup. 5:5.

10Lal tiang a thlah lo vang a,

A thlahte pawh an lal reng ang a,

A ke kâr ata#49:10 ‘A thlahte pawh an lal reng’ tihna a ni. rorêltu tiang a insawn hek lo vang.

Silo-a a lo kal hma chu miten a thu an awih ang.

11Grep hruiah sabengtungno a thlung a,

A no ṭha chi chu grep rah tui ber kûngah.

A kawr uain-ah a chiah a,

grep tui senin a puan a su.

12Uain avângin a mit a sen rûm a,

Hnutetui avângin#49:12 ‘Uain aiin a mit a sen a, Hnutetui aiin a hâ a vâr’ tih theih a ni. a hâ a vâr.

13Zebulun chu tuifinriat kamah a awm ang a,

Lawng rual tân chawlhhmun a ni ang,

A ram chuan Sidon a ri ang.

14Isakara chu sabengtung chak tak,

A puak phurh tûr kâra a bawk reng ang hi a ni,

15A chawlhna hmun chu ṭha a ti a.

phur tûrin a hnungzâng a tihniam a bawih angin an chhawr ta.

16Dana chuan a mite ro a rêlsak ang a,

Israel hnam dang ang bawk an ni ang.

17Dana chu kawngsîra rûl ang a ni,

Rûlrial, kalkawng laia mi chu.

Sakawr ke a chu a, hnung lamah a chungchuang a sêp thla.

18Aw Lalpa, min chhandam hlân kan va han nghâkhlel em!

19Gada chu sumdâwng rualin an bei ang a,

A bei lêt ang a, a ûm nek ang.

20Asera chu a chênghnâwng hle ang,

Lal ei tlâk thil tui a nei rei rui ang.

21Naftali hi zukpui tla chhuak

No duhawm#49:21 ‘Naftali hi thing ṭawi, zâr mawi tak tak nei ang hi a ni’ tih theih. tak nei ang hi a ni.

22Josefa hi ram sakawr tui awmna rama sabengtung no,

tlâng panga ram sabengtung tla#49:22 ‘Josefa hi tuikhur bula thing, bang bula zâr, rah duh tak ang a ni’ tih theih a ni. ang a ni.

23Thal kâptuten an bei a,

Thal nên an ûm nek mai.

24Mahse, a thalngul chu a che ngai lo.

A ṭuan lah a ṭha,#49:24 ‘Mahse, an thal chu a che thei lo, an kut pawh a khûr’ ti ang deuhvin LXX lamah a chuang. Jakoba Mi Chaka

thahrui leh Israela Lungpui,

Vêngtua vâng chuan.

25I pate Pathian chu a ni pui ṭhîntu che,

El-Sadaia a ni, malsâwmtu che.

Chung lam aṭanga malsâwm ruah,

Lei hnuai aṭanga malsâwmna tuihna,

Ran vulh leh fanauva hmuingîlna chu.

26Thil pâr leh buh vuia malsâwmna,

Tlâng hlun malsâwmna#49:26 Heb. ‘Ka pute mal min sâwmsakna ai chuan i pa mal sâwmsakna chu a chak zâwk a ni’ tih theih. te,

Tlâng sânga thil duhawm tinrêng te,

Josefa lu chungah awm rawh se,

A unaute zînga thlan chhuah lu chungah chuan.

27Benjamina hi chinghne koham ang a ni,

A sa seh chu zîngah leh tlaiah a tlân reng mai,” a ti a.

Jakoba thih leh an phûm thu

28Chûng mite chu Israel hnam sâwm leh pahnihte chu an ni; anmahni thlah nân chutiang chuan an pa chuan thu a sawi a ni; a mal malin a âwm tâwk zêlin mal a sâwmsak a. 29An hnênah hetiang hian thuro a chhiah bawk, “Ka laichînte hnênah min hruai lawk dâwn tawh a. Ka pate phûmna pûkah min phûm ve ang che u. Chu pûk chu Hit mi Efrona lova awm a ni. 30Makpela hmuna pûk, Mamre zâwn, Kanan rama mi, Abrahaman Hit mi Efrona hnên aṭangin thlân atân a lei a nih kha. 31Chutah chuan, Abrahama leh a nupui Sari chu an phûm a, Isaka leh a nupui Rebeki pawh an phûm a; kei pawhin Leaii ka phûm a ni.#Gen. 35:9,10,29. 32Chu pûk leh a bula lo chu Hit mite ta lei a nih tawh kha,” a ti a.

33Jakoban a fate thu a chah zawh chuan khumah a ke a hlâng kai a, a hnuk a chat ta a; a laichînte hnênah hruai a ni ta a. #Tirh. 7:15.

Currently Selected:

GENESIS 49: MIZCLBSI

Highlight

Copy