JOHANA 13

Zirtîrte ke sil

1Kalhlên Kût dâwn a ni a, Isuan he khawvêl chhuahsana, Pa hnêna a kal hun a thleng ta tih a hria a; ama mi khawvêla awmte chu a hmangaih a, a tâwp thlengin a hmangaih a ni. #Jn. 11:55; 12:23. 2Tin, zanriah an kîl a, Diabola chuan Simon Iskariota fapa Juda chu Isua mantîr a lo tum rilrûktîr#13:2 Mss ṭhenkhatah, ‘Isua mantîrtu atân a ruat,’ tih a ni. tawh a.#Mk. 14:10. 3Isuan, Pain engkim a kutah a dah tih leh Pathian aṭanga lo chhuak a ni a, Pathian hnênah a kal dâwn tih a hria a, 4a zanriah kîl lai chu a tho va, a kawrfual a hlîp a, inhrûkna puan a la a, a veng a. 5Tin, maihûnah tui a bun a, zirtîrte ke a sîl ta a, inhrûkna puan chuan a hru zêl a.

6Simon Petera hnên a lo thleng a, Petera chuan, “Lalpa, nang meuhvin ka ke i sil ang maw?” a ti a. 7Isuan a chhâng a, “Ka thiltih hi tûnah i hre lo; nimahsela, nakinah i la hria ang,” a ti a. 8Peteran a hnênah, “Ka ke zawng i sil tawp lo vang,” a ti a. Isuan a chhâng a, “I ke ka sil loh chuan eng mah mi ṭâwmpui thei lo vang,” a ti a.#Deut. 12:12. 9Simon Petera chuan a hnênah, “Lalpa, chuti chu, ka ke chauh ni lovin, ka kut leh ka lu pawh hi le,” a ti a. 10Isuan a hnênah, “Inbual tawh chu a ke chauh lo chu sil a ngai tawh lo, a pumin a fai alâwm. Nangni in fai e, in za erawh chuan a ni lo,” a ti a. 11Amah mantîrtu tûr chu a hre si a; chuvângin, ‘In za chuan in fai lo,’ a ti a ni.

12An ke a sil zawh chuan, a kawr dah kha a ha a, a ṭhu leh ta a, an hnênah, “In chunga ka thiltih hi a awmzia in hria em?#Lk. 22:27. 13Nangnin, zirtîrtu leh Lalpa mi ti ṭhîn, in ti dik e, ka ni rêng a. 14Kei Lalpa leh zirtîrtu mahin in ke ka sil chuan, nangni pawh in ke in insilsak tûr a ni. 15In chunga ka tih anga in tih vena tûrin entawn tûr ka siamsak che u a ni e. #1 Pet. 2:21. 16Thu dik tak ka hrilh a che u, bawih a pu aiin a ropui lo, tîrhkoh pawh a tîrtu aiin a ropui hek lo. #Mt. 10:24; Lk. 6:40; Jn. 15:20. 17Chûng chu in hre ta a, in zawm chuan in lâwm ang.

18In zaa thu ka sawi lo; ka thlante chu ka hria; amaherawhchu: “Ka chhang eitu chu ka hmêlma a lo chang ta,” tih lehkha thu kha a lo thleng tûr a ni. 19Tûnah a lo thlen hma hian ka hrilh che u hi, a lo thlen hunah ani chu ka ni ngei tih in rin theih nân. 20Thu dik tak ka hrilh a che u, ka mi tirh lo lâwmtu chuan keimah mi lâwm a ni a, kei mi lâwmtu chuan mi tîrtu a lâwm a ni,” a ti a. #Mt. 10:40; Mk. 9:37; Lk. 9:48; 10:16.

Mantîra a awm tûr a sawi lâwk

(Mt. 26:20-25; Mk. 14:17-21; Lk. 22:21-23)

21Isuan chûng thu chu a sawi zawhin a rilru a mangang a, “Thu dik tak ka hrilh a che u, in zînga mi pakhatin mi mantîr ang,” a ti a. 22Tu ber nge a tih hre lovin zirtîrte chu an inen ta hlawm a.

23A zirtîrte zînga pakhat, Isuan a hmangaih chu, Isua hnaih berah chaw kîlin a ṭhu a. #Jn. 19:26; 20:2; 21:7,20. 24A tu ber nge a tih hriat nân zaizîrin Simon Peteran ani chu a zawhtîr a. 25Tichuan, chu mi chu Isua âwm nghêngin a va thle phei a, “Lalpa, tu hian maw?” a ti a. 26Isuan a chhâng a, “Chhang them ka chiaha ka pêka chu a ni ang,” a ti a. Chutichuan, chhang them chu a chiah a,#13:26 Mss ṭhenkhatah ‘a la chhuak leh a’ tih a tel. Simon Iskariota fapa Juda chu a pe a. 27Judan chhang them a lâk hnu chuan a chhûngah Setana a lût ta a. Isuan a hnênah, “I tih tûr chu ti thuai rawh,” a ti a. 28Chuta ṭhuho zînga tu mahin chu chu eng vânga a hnêna sawi nge a nih an hre lo. 29Ṭhenkhatin, Juda chuan tangka ip a kawl avângin Isuan, “Kût atân thil kan mamawhte lei rawh,” a ti emaw, “Mi retheite hnênah englo pêk tûr,” a ti emaw an ti a.

30Juda chuan chhang them chu a la a, a chhuak ta nghâl a; zân a ni tawh a.

Thupêk thar

31A chhuah tâk hnu chuan Isuan, “Tûnah chuan Mihring Fapa chawimawiin a awm ta, amahah Pathian pawh chawimawiin a awm ta. #Jn. 17:1; 12:33.

32“Amahah Pathian chawimawia a awm chuan, Pathianin ani pawh a hmaah#13:32 Mss ṭhenkhatah ‘Pathianin ani pawh a hmaah a la chawimawi ang a,’ tih hi a tel lo. a la chawimawi ang a, a chawimawi nghâl bawk ang. 33Naute u, rei lo tê in hnênah ka la awm rih a, nangnin mi zawng ang a, ‘Ka kalna tûrah in lo kal thei lo vang,’ Juda-te hnêna ka tih ang khân tûnah nangni hnênah pawh ka tih hi. #Jn. 7:34.

34“Thupêk thar ka pe a che u; inhmangaih tawn rawh u; keiin ka hmangaih che u angin nangni pawh inhmangaih tawn rawh u.#Jn. 15:12,17; 1 Jn. 3:23; 2 Jn. 5. 35In inhmangaih tawn chuan mi zawng zawngin ka zirtîrte in ni tih chumiah chuan an hria ang,” a ti a.

Peteran a phat tûr thu a hrilh lâwk

(Mt. 26:31-35; Mk. 14:27-31; Lk. 22:31-34)

36Simon Peteran a hnênah, “Lalpa, khawiah nge i kal dâwn?” a ti a. Isuan a chhâng a, “Tûnah chuan ka kalna tûrah mi zui thei lo vang a, nakinah mi la zui ang,” a ti a. #Jn. 21:18; 2 Pet. 1:14. 37Peteran, “Lalpa, eng vângin nge tûnah pawh ka zui theih lo vang che? I tân chuan thih ka huam asin,” a ti a. 38Isuan a chhâng a, “Ka tân thih i huam maw? Thu dik tak ka hrilh a che, nangin vawi thum mi phat hma loh chuan âr a khuang lo vang,” a ti a.

Currently Selected:

JOHANA 13: MIZCLBSI

Highlight

Copy