1 KORINTHMAI 8
8
Bashara hi Popeiyu Touso vanou Chi Nouyu
1Chuo neletao nou bashara hi popeiyu touso vanou rüpeiyu süna vanou phalai.
Puletao nou paoyu büa haisü chekhaoe, süolouzü, “Eletao hrülainou tsü bue.” Ana haibüyu tsü sünanou mai aliye sü panou khaophu souwe; ana leshi nanou soudupa peiwe. 2Maitalinou puh hai hatali süe tea cholouzü puhsü puhnou sürepha koutea sümohie. 3Ana Ramaiye leshiyu puhye sü Ramai nou süwe.
4Sübüyu thaisü, bashara hi popeikhai touyu touso touyu vanouwo louzü: Ehnou süwe, süolouzü “bashara hai deiphao hinou cheche-a bumoe,” ana Ramai ali kheithe baimoa kukhe lia hae. 5Daiolouzü raki hi moa deiphao hi “rakhemai,” tea kuyutao bukhaia— ea chekhao-a sübüyu rakhemai ea paopu khemai alaosou bukhaia, 6Eletaoye donou louzü Puo, Ramai puh likheithe bubaie. Puh hinou ha teitei vebaie ea Eletao sü puhye donou hribaie, alia Mapao alikhei süolouzü Jisu Khrista bubaie. Puh vanou na teitei sü souloue ea puh vanou Eletao sü hribaie.
7Ana mai hrülainou acheche hainasü sükhai peimoe. Mai kamainou bashara hai chechenou hriwe tea chopha souloua zhou koutea puletao nou haibüyu touso touyu kisü puletao nou chechenou bashara vei touso touvuzü baiwe tea chowe; puletao vei lekhetsü sü lelou hoe, alia puletaoye sü touso sünanou souzhai peiwe tea chowe. 8Sütoukhaia, tousonou Eletaoye panou Ramai hi nghipuyu hae; Eletao nou toumo-a shipuyu lia hae, moa Eletao nou tou-a veipuyu lia hae.
9Sütoukhaia leikeilo, molouzü nevei do souyu hainanou lü hinou lelou hoyu maitaoye panou phi sülou shulai. 10Daiolouzü maitalinou, tsü buyu neye bashara vei rathoki arübuh hinou toua buyu ngaolouzü, sünanou puhye sü puhvei lekhetsü sü lelouhokhaia, bashara hi popapeikhai touyu touso toure donou southou khuvei peilai mowu? 11Alia sübüa nevei tsü sünanou Khrista nou puhye donou thaipeiyu lelou hoyu ne thaihou jürai hainaye sü souhare. 12Sübüa neletao thaihou jüraimai pei hi mah soupeiyu ea lelou hoyu puletao vei lekhetsü zhupeiyu süsü neletao nou Khrista pei hi mah soukhaiwe. 13Südonou touso nou Athaihou jüraiye mah southou peilouzü, Athaihou jüraiye panou mah hi kaodulou more donou Esü hakia sou toupu khailai more.
Currently Selected:
1 KORINTHMAI 8: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.