EZEKIEL 45
45
Tyadei hi Mapao vei Zha
1Neletao nou teidei dadezhiyu phaki, zha ali hai Mapao vei soure donou dade kupa khaipeio. Sünasü sashoyu hai kilomitar kiahai-da noulai ae jha duyu nou kilomitar kiroulai. Teidei sütao hai sheeyu teidei ali soulai. 2Füdei hai hinou sa-jha deitoua miter 250 hai Rathoki soure donou pokupa peilai, ae süpehao teitei hi dei sakhai-a miter kaingou hai dua nou khailai. 3Teidei haitao hinou dei dali süsü sa shoyu kilomitar kiahai-da ae jha duyu nou kilomitar angou hai Rathoki soure donou alia sheesheelai buhtao southoure donou soukupa khailo. 4Israel maivei teidei hinou teidei haitao hai Rathoki hinou Mapao vei kuvah soua buyu napao maitao donou pokupa khaipeilai. Hai hinou puletao vei ki ae rathoki sü southoulai. 5Teidei dalitao hai Rathoki hinou kuvah souyu Levi maitao vei soure donou pokupa peilai. Sühisü puletaoye panou hrüre donou nuhdu khesü soushu loulai.
6Süthaisü sheeyu teidei hinou zha ali, süsü sa shoyu kilomitar kiahai-da ae jha duyu nou kilomitar ahai-da hai Israel mai taralia panou tave hrüre donou soukupa khaipeilai.
Veo Nahpoutu vei Dei
7Füdei hai veo nahpoutu donoua soukupa khaipeilai. Puhvei teidei hai sheeyu teidei vei teinghi loulova deirai hinou poa Mediterranean Zai vei teinghi loulova koutelai; ae teinghi palova hai Israel maivei teinghi palova deirai hi koutelai. Israel maivei khü ali hi füdei hai zha dadezhi peiyu raibüa peilai. 8Israel maivei teidei hinou zha haina sü Israel maiye khasa-a hrüre veo nahpoutu hisü peilai, sükulouzü puhnou Israel maiye souchorolai moe, ana Israel maitaoye sü panou lahkuku vei füdei hinou kaona-a hrüa bailai.
Veo Nahpoutu nou Tare Zhaitao
9Ramai Mapao nou paoe, “Israel maiye khasa-a hrüyu maitaore, neletao hai mahmo soupou lere! Neletao vei zhaipou ashi ae maiye souchoroyu sü bailo. Acheche ae kaozü vah nasü soulo. Avei maitaoye puletao vei teidei hinou hutapu khaiso. Haisü Ramai Mapao Enou ne hisü paoe.
10“Mai hrülai nou sühdoukhao ae dourai sü chechetou tea nou polai:
11“Theyu na poa sühdoure ephah ae dzü doure bath hai raitou toulai. Maisou nou teisa tare hai homer nou talai. Douyutao sü haibüwe:
Homer 1 = ephah 10 = bath 10
12“Neletao vei sühdouyu sü haibülai:
Gerah 20 = shekel 1#45.12: shekel: Ezekiel vei teile hi haina vei sühcho hai gram 11.4 bue.
Shekel 60 = mina 1
13-15“Neletao nou haizhai hinou posheela khesü peilai:
Southou: neletao nou chachi louyu hinou 1/60
Sühthou: neletao nou chachi louyu hinou 1/60
Oliv theadzü: neletao nou ngaolouyu hinou 1/100
(Haitao hai bath hinou doulo: 10 baths = homer 1 = kor 1)
Zhaotu: zhaotu kaih-hai hinou zhaotu 1
“Neletao nou thoudzü vei posheela, kikhaorü meidei-a posheela peiyu, ae chavei lathao-a buloure donou kikhaorü posheela peiyu hai khesü neletao vei mahmo khailoure donou pove sheela peilai. Ramai Mapao Enou haisü kharochi peiwe.
16“Teidei hi hrüa buyu mai hrülai nou posheela haitao hai Israel mai teidei khasa-a hrüyu veo nahpoutu hisü pove peilai. 17Puhnou soure vahtao hai meidei-a posheela peilai, thoudzü vei posheela, khouh ashu vei khonüh hi, Soteithe zhou posheela ae khonüh teitei hi hai posheela khesü soupeilai. Puhnou mah vei posheela, thoudzü vei posheela, meidei-a posheela, ae chavei lathao-a hüloure vei posheela hai khesü Israel maivei mahmo khailu loure donou posheela sü soupeilai.”
Khonühtao
(Tap 12.1-20; Lev 23.33-43)
18Ramai Mapao nou paoe, “Neletao nou khouh ngaorai khoukha ali zhou hai Rathoki sousheere donou chaa hayu chode ali hai posheela peilai. 19Napao nou mah vei posheela peikhai touyu hainavei souzhe daotuli hai poloua Rathoki vei kikhu dekatao hi, posheelabu vei kainghou adai hi, chikubu lüvai talouyu rokhubomü hisü napeilai. 20Khoukha anai zhou-a kou sübütoua sümo ngaomoyu hinou mahmo soukhai touyu maitao donou posheela haisü soupeilai. Haibüa nou nenou Rathoki sü shee-a khaipeilai.
21“Khouh arai navei khoukha kiadai zhou hai neletao nou Tachopa nüh hai nütalai. Teithe anai koute hai mai hrülai nou kheih thoumoyu raokhao nou toua bailai. 22Nüh nütayu teithe anai zhou hai veo nahpoutu nou puhvei mah donou ae maikhe maiye donou chode ali hai posheela peilai. 23Nüh nüyu teithe anai koute hai puhnou chaa hayu chode anai ae zhaotsü anai hai meidei-a posheela peilai. Süpei hinou mah vei posheela soua teithetsü sü teithe anai koute hai nghitu alili hai posheela peilai. 24Chode ali ae zhaotsü ali posheela peiyu hisü kutao sühcho kianai ae oliv theadzü sühchovou asü hai koa nou posheela peilai.
25“Sahpao Nüh hai khouh anai navei khoukha kiangaou zhou nou nütawe, sühisü puhnou teithe anai koute hai posheela khesü raibütoua posheela peilai, süsü mah vei posheela, meidei-a posheela peiyu ae kirouh alia oliv theadzü vei posheelalo.”
Currently Selected:
EZEKIEL 45: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
