JOEL 1
1
1Pithuel nahpoutu Joel hi Mapao vei chipao haibüa ve-e:
Thoudzü Soushi peiyu donou Maikhe Mainou Levea Dopfüyu
2Hai choulo, nele tsümaitao,
keilo, teidei haihi hrüa buyu mai hrülai!
Neletao vei teile hi moa neletao vei puopao mai teile hi haibüyu vepa homoe?
3Haihai nele nahmaitao hia paokhaio,
alia neletao nahmai panou puletao nahmai hi paopeio,
alia puletao nahkhemai panou bonakha hi paopeio.
4Khazü haiki nou toushoyu khesü, khatsüku nou touloure,
Khatsüku nou toushoyu taosü, rou khazü nou touloure,
Khazü nou toushoyu haia, khaikhre nou touloure.
5Zhaoh shozhia buyu maitao, kaishulo, alia krakhaio;
alia dopfü khaio, zhaoh shozhia buyu mai hrülai,
daiolouzü zhaoh soure darkhashi sü neletao hinou polaiwure.
6Daiolouzü tyahrü kukhe nou A teidei hisü reih souvere,
Puletao hai khouko pfüsho-e alia puletao hai chohao louho soue,
Puh huh hai kipeikhaodu huh büe,
alia hei veiyu hai kipeikhaodu huhnü büe.
7Puletao nou Etao vei darkhabe khesü souhare,
alia doushibe khesü toukhai loure,
Sükao-a tousha loure alia sübotao-a jüde laire.
8Khapu soulai tea nouto khaitouyu poutu thaiyu donou loupai nou dopfüa krayu büa dopfülou khaio.
9 Mapao vei ki hi touso na posheela khaitouyu khesü hare.
Mapao vei naanou soubuyu napao maitao sü levea dopfüa bure.
10Ludou khesü shitare, deisü dopfüre;
daisounou tiyuo routhou sü souhare,
zhaoh sü thetare, theadzü sü hatare.
11Levea khaio, lutata-a laimaitao,
dopfü khaio, darkha peida soulai maitao,
daiolouzü southou, shithou alia dou hi chachi loure thou sü hare.
12Darkhabe khesü kitare, doushibe sü hatare.
Vajüshithou, nghashi alia phoshi,
ae ludou hi buyu süübe veishi nou kita khaire.
13Oh napao maitaore, soukousah banoulo alia dopfülou khaio,
kouli likhaio, rathoyu ki hinou vah soua bumaitao!
Rathoki hi veloua nou kheimathe dopfüa bulouo!
Daiolouzü poa sheela laiyu thoudzü khesü Ramai vei ki hi hazhi toure.
14Maisou ye kuve jüloua tovai rei-a lüh khaio,
tsükhemai alia teidei hai hi hrüa buyu mai hrülai nou Ramai Mapao ki hi save jülouo,
alia Mapao hisü kra khokhaio.
15Iyaho! Mapao vei teithe sü nghitei tire,
Khoukhoulai Mapao nou soushi souha laiyu teithe sü velaire.
16Etao vei nghingao hinou touso,
alia savayu khesü Ramai vei ki hinou hatare mowu?
17Taimou khesü deikhe hinou maohare,
na pojükhaiyu ki khesü hare;
thoubao khesü shitare,
daisounou tiyuo thou sü hare.
18Kikhaorütao hai-a choro-a rare!
Heiphao hi poudai hayu donou chokhome sü veare;
alia zhaotu khe-a veasho tare.
19Oh Mapao, ne hi Enou kra-a khowe,
daiolouzü rükou heiphao khesü meinou deiwure,
alia dou hi süübe khesü meinou taokhaire.
20Rekhaona koutea ne hi kra-a bure,
daiolouzü reitou dzü khe-a thetare,
alia heiphao teitei hai meinou dei khaiwure.
Currently Selected:
JOEL 1: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.