JONAH 2

Khahpou khevai nou Jonah nou Veachi paoyu

1Süthaisü Jonah nou puhvei Mapao Ramai hi khahpou khevai nou veachi haibüa paoe,

2“E veahoa buki Mapao hisü veachi paoa nou khoe,

Enou khoyu veachi sü puhnou keipeie;

Rabedushao teikhai hinou Enou kra nou khoe,

alia sühi koutea Puhnou Apai sü keipeie.

3Daiolouzü Puhnou Eye zai thou hisü laithouwure,

zai touchü hisü laithouwure,

alia zai dzü sünou Eye sühao loure;

Apehao teitei hisü dzünou sühao khailoure.

4Süthai Enou paoe, ‘Eye sü ne nghoujü nou polaire;

chuo kabüa nou nevei rathoki nasü ngaopu khailou laige?’

5Dzünou Eye sü holoure,

thoushoyu zai dzünou Eye sühao loure,

zai hi pouhou taonou Apei hisü holoure.

6Deichi phikhai hi delouyuma,

deinou Eye belouyuma,#2.6 deinou Eye belouyuma: Haina hai athai maivei deiphao paowe (phoure 2.2 hi zhukhaio).

Nenou Eye sü dei kaorao thou hinou popa peie,

Oh Mapao A Ramai.

7E veahoa zhitalai touyu phaki,

Enou Mapao ye licholoue;

Enou Nehi veachi paoa khoyu phaki,

Avei veachi sü Nenou keipeie.

8Hamako hinou bashara ye thoyu mainou puletao vei acheche nasü thaore.

9Ana avei kaloyu paisüla noupu Neye poa sheela peie.

Enou paokhai touyu nasü souche peilai.

Khailu peiyu nasü Mapao likhei baie!”

10Süthai Mapao nou khah hisü Jonah ye zai pe hinou pa rüpapeio teanou kharochi peie, sübüa nou khah nou puhye sü zai pe hi pa rüpa khaipeie.

Currently Selected:

JONAH 2: POUMBSI

Highlight

Compare

Copy

Popular Bible Verses from
JONAH 2