MAIPEI PHOUYU 12
12
Miriam ye Tudee Peiyu
1Moses nou Kush maipfü nayu donou Miriam ae Aaron nou puhye sü paoshire. 2Puhai nou haibüa paoe, “Mapao nou Moses hi likhei cha-a baiwu? Puhnou ahai hia kea movu?” Puhai nou raoyu sü Mapao nou chouloure. 3(Deiphao hi Moses büa tainouyu mai kukhe ali-a ha-e.)
4Lichokhai timoa buyu teile hinou Mapao nou Moses, Aaron ae Mariam hi paoe, “Neletao mai asü nou Sahpao hi veyu hai Enou jüpawe.” Puletao nou Sahpao hisü vere, 5ae Mapao nou teihao deka hinou Sahpao vei bomü hisü kouloure ae “Aaron! Mariam!” tea kuloure. Puhai nou nghoujülo takou loure, 6ae Mapao nou haibüa paoe, “Chuo Enou paore achi sü keilo! Neletao hi buyu rachipaola peiyu maitao hisü Enou zho kounou ngao-a baiwe ae puletao hisü zhiho mekou hinou Enou kea-a baiwe. 7Ana Enou avei kilai Moses hisü tyakua nou chawe; avei Israel mai hrülaiye sü puhye panou khore donou puh bah hi Enou khouko sü thaothou peikhai toue. 8Südonou Enou puhye sü zhuhaohao nou ve cha peie, nada nou chamoa puhye Enou dukhya nou keawe; puhnou avei khao-zhai hai ngaore! Nehai nou avei kilai Moses ye paoshiyu sü ngaopi mowu?”
9 Mapao nou puhai pei sü rarou loure ae puhnou ratayu thai, 10teihao nou Sahpao hinou patayu thaibü, Miriam vasü loukhaora taoloua puhvei vasou veishi hai vüra büa kaapha toure. Aaron nou Miriam ye zhuyu phaki, Miriam hai loukhaora soua nou ngaoloure. 11Aaron nou Moses hi paoe, “Oh apaopuwo, ahai nou tsüche moa nou mah soukhai touyu donou haibüa panou veahoyu sü ngaosho. 12Honapaiye panou thaiyu mai ali büa vasou dalilo hai hanou touloua pfü pou hinou nakouyu mai ali büa soupeiso.”
13Südonou Moses nou kra-a Mapao hi paoe, “Oh Ramai, honapaiye sü souvei peio!”
14 Mapao nou haibüa chila peie, “Honapai pah hi hakinou puh puo nou taidzü süsho peilouzü, honapai hai teithe anai koute hraongu pfüa bulai movu? Honapaiye panou fühao vei vakou sapaloua teithe anai koute bukhaio ae süthai nou honapaiye sü fühao hi sa-a dakhai velo.” 15Miriam ye sü vakou sapaloua teithe anai hai bekhaiwure ae puhye fühao hi sa-a dakhai vemo koute hai maikhe mainou tamoe. 16Süthaisü puletao nou Hazeroth thaowua tapoa nou Paran vei vaohro hisü velou fühao soua buloure.
Currently Selected:
MAIPEI PHOUYU 12: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.