MAIPEI PHOUYU 34
34
Israel Maivei Deiraitao
1-2 Mapao nou kharochi hai nasü Israel mai hi paopeio tea Moses hi paoe, “Neletao nou Kanaan teidei, Enou neletao hi peilaiyu teidei hi loulouyu phaki, neletao vei deirai khesü haikulai. 3Khelova vei deirai hai Zin radeiki hinou Edom maivei dei sasü koulai. Haisü teinghei palova Athai Zai vei kai hinou poa talai. 4Süthaisü neletao vei deirai hai khelova shoukouloua Akrabbim hinou Zin talakou Kadesh Barnea hi koutelai. Süthaisü reilova teinghei loulo khe Hazaraddar kheloua Azmon hi koulai, 5sühinou dakhai poa Ejipt maivei deirai deikho hi kouloua Mediterranean Zai kainghou hi koutelai.
6“Teinghei loulova deirai hai Meditarranean Zai hi noulai.
7“Reilova deirai nou Meditarranean Zai hinou Hor Deichi hi koute, 8ae Hor Deichi hinou Hamath vei Ludu ae sühinou Zedad hi koute, 9ae sühinou Ziphran, alia Hazar Enan vei akhai hi koutelai.
10“Teinghei palova vei deirai hai Hazar Enan hinou poa Shepham koutelai, 11süthaisü Shepham hinou khelo kou Harbel, Ain vei teinghei palova, ae Galilee vei Zai teinghei palova buyu deichitao hi koulai, 12süthaisü Jordan Rei vei khelova nou Athai Zai hi koutelai.
“Haitao hai neletao vei deirai soulai.”
13Moses nou Israel mai hi paoe, “Teidei haitao sü Mapao nou khü akü-a datao hi peire teidei-e, ae teidei hai rako pozhuloua zha zhilo. 14-15Reuben ae Gad maitao alia Manasseh vei khü dali hai Jeriko vei palova buyu Jordan rei vei teinghei palova nou puletao vei teidei hai ngaoloure.”
Teidei Dadezhi Peire Maitao
16 Mapao nou Moses hi paoe, 17“Napao Eleazar ae Nun nahpoutu Joshua nou maikhe maiye teidei hai dadezhi peilai. 18Süpei hinou khü chekhei hinou süthai-apei mai chekhei hai panou puhye soukha peire donou dothoulo.” 19-28Mapao nou mai haitao hai dopaloue:
| Tyahrü | Süthai-apeio |
|---|---|
| Judah | Jephunneh nahpoutu Kaleb |
| Simeon | Ammihud nahpoutu Shelumiel |
| Benjamin | Khislon nahpoutu Elidad |
| Dan | Jogli nahpoutu Bukki |
| Manasseh | Ephod nahpoutu Hanniel |
| Ephraim | Shiphtan nahpoutu Kemuel |
| Zebulun | Parnakh nahpoutu Elizaphan |
| Issakar | Azzan nahpoutu Paltiel |
| Asher | Shelomi nahpoutu Ahihud |
| Naphtali | Ammihud nahpoutu Pedahel |
29Mai haitao hai Mapao nou Israel maitaoye Kanaan teidei sü panou zha dadezhi peire donou dopa louyu maitao-e.
Currently Selected:
MAIPEI PHOUYU 34: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.