MAIPEI PHOUYU 33
33
Ejipt hinou Moab hi Velouyu
1Israel mainou Ejipt hinou meme soupoa Moses ae Aaron nou süthaisa-a tapayu phaki puletao nou shoshonou fühao soua buyu sü haitao-e. 2Mapao nou kharochi peiyu thaifüa puletao nou tave fühao soua buyu teitei sü Moses nou rükhai toue.
3Israel mainou Ejipt teidei thaowua khouh arai navei khoukha kiangou zhou, Tachopa Nüh nülouyu thainesho hai ta-e. Mapao vei vupeiyu hinou puletao nou Rameses nuhdu nasü Ejipt maisou ngheingao hinou khuveisho-a nou tare. 4Süteile hi Mapao nou Ejipt maiye nah naraio mai hrülaiye southa khaitouyu khesü puletao nou daovuh-a nou bue. Haibüa soupeiyu hai Ejipt maivei ramaitao jünou Mapao nou khoupu hie touyu sü soungao peie.
5Israel maitao nou Rameses sü thaokhaiwua Sukkoth hinou ve fühao soua bue. 6Süthai hai puletao nou radeiki kainghou hi buyu Etham touyu buh hinou fühao soua chao-e. 7Puletao nou Etham hinou tapoa nou Baal Zephon vei teinghei palova buyu Pi Hahiroth hilo dakhaikou Migdol nghia buyu buh hinou fühao soua bue. 8Puletao nou Pi Hahiroth hinou tapoa Zai Ho tachopa Shur radeiki hisü kou-e; ae puletao nou Ethan vei radeiki hinou teithe asü tapoa kou Marah hinou fühao soua bue. 9Puletao nou Marah hinou tapoa dzünghou kiahai buyu ae habe rainai buyu Elim hi ve fühao soua bue.
10Puletao nou Elim hinou tapoa nou ve Zai Ho vei pehao hinou fühao soua bue. 11Sühinou puletao nou tapoa ve Sin radeiki hinou fühao soua bue. 12Süthaisü puletao nou Dophkah, 13süthai hai Alush hinou fühao soua bue. 14Süthaisü puletao nou Alush hinou tapoa maikhe mainou dzü ngaokelou hoyu Rephidim hinou ve fühao soua bue.
15-37Puletao nou Rephidim hinou tapoa Hor Deichi hi veyu hisü buh haitao hinou fühao soua nou bue: Sinai Radeiki, Kibroth Hattaavah (moa Tounü Sonü vei Khüh), Hazeroth, Rithmah, Rimmon Perez, Libnah, Rissah, Kehelathah, Shepher Deichi, Haradah, Makheloth, Tahath, Terah, Mithkah, Hashmonah, Moseroth, Bene Jaakan, Hor Haggidgad, Jotbathah, Abronah, Eziongeber, Zin vei Radeiki (süsü Kadesh hie), ae Edom maivei dei kainghou hinou buyu Hor Deichi.
38-39 Mapao nou kharochi peiyu thaifüa napao Aaron hai Hor Deichi vasü taopa tare. Puh hai po 123 payu phaki, Israel mainou Ejipt teidei thaowua tapayu po raidai kou khouh angou vei khoukha arai zhou puh sü thaitare.
40Kanaan maivei teidei khelo nou buyu Arad hi veo nou Israel mai hai laire touyu ko sü chouloure.
41-49Hor Deichi hinou Moab maivei deikho hi velou louyu koute hi Israel mainou buh haitao hinou fühao soua bue: Zalmonah, Punon, Oboth, Moab teidei hinou soushi khaitouyu Abarim, Dibon Gad, Almon Diblathaim, Nebo nghia buyu Abarim Deichitao, ae Beth Jeshimoth alia Akasia Deikho ahai kohinou fühao soua bue.
Jordan Tachopare donou Paodou Peiyu
50-51Jeriko nghia buyu Moab maivei deikho Jordan reipe hinou Mapao nou Moses hi kharochi haitao hai Israel mai hi paopeio tea paoe, “Neletao nou Jordan tachopa Kanaan maivei teidei hi loulouyu phaki, 52teidei sühi hrüyu mai hrülai hai hulaikhai touwo. Chuh nou ae hu nou soukhai touyu bashara veishi ae puletao nou rathoyu buh teitei hai souha laikhai tou-o. 53Teidei sü neletao nou poloua füsholo, daiolouzü Enou teidei sü neletao hi peiwure. 54Dei sü rako pozhuloua nou khü khü nou dade zhilo, ae mai pouyu ae chiyu thaifüa füdeitao hai zha zhilo. 55Ana neletao nou teidei sühinou hrüyu maitaoye hulai loumo louzü, shokhaitoua buyu maitao nou neletao hisü ngheithou hi nghou louyu büa ae tha hi shuh nou khükhai touyu büa neletaoye sü souchoro peilai. 56Hakinou neletao nou puletaoye hulai loumo louzü, Enou puletaoye souhare donou tsüchoda khaitouyu nasü neletaoye nou souha-a bailai.”
Currently Selected:
MAIPEI PHOUYU 33: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.