ZEKHARIAH 4
4
Zho Ngaoyu Angouna: Meivabvü Khaibu ae Oliv Süübe
1Eye cha-a buyu rakivamai nanou dakhaive zhiyu mailiye kaishuyu büa Eye kaishu haibüa chae, 2“Ne dai ngaoe?”
Enou chila peie, “Sana nou soukhai touyu meivabvü khaiyu buh ali ngaoe, alia sünavei pe hinou meidzü bvü ali bue; sühisü meivabvü anai bue, alia meivabvü ali hinou meitaoyu mü anai bue. 3Alia meivabvü khaiyu pe hinou Oliv süübe ahai bue, alinou bakha zhoulo ae ali nanou bakha nalo nou bue.” 4Süthaisü Eye cha-a buyu rakivamai nahisü “A paopuwo, haihai daie,” tea Enou noue.
5“Ne haitao hai daie touyu sümowu?” teanou rakivamai nanou Eye cha-e. “A paopuwo, E haitao hai sümoe” tea Enou chila peie.#4.5 Phoure 10b-14 haitao hai chime akhai hinou haihi pokhewure, daolouzü ko nasü panou shozü nou süloure donoue.
10b“Meivabvü anaitao hai deiphao teitei ngaoyu Mapao vei nghithou-e,” tea Rakivamai nanou Ahi paoe.
11Süthaisü Enou puh hi noue, “Meivabvü khaiyu buh nalova ae zhoulova nou buyu oliv süübe ahai hai daivanoue? 12Alia meidzü pa kükoure donou sana nou soukhai touyu dzüpaip ahai pe hinou oliv baokao ahai buyu hai daivanoue?”
13Puhnou ahi paoe, “Haitao hai daie touyu ne sümowu?” “Sümoe, A paopuwo” tea Enou chila peie.
14Süthai puhnou paoe. “Mai haina ahai hai deiphao teitei hi panou Mapao vei vah soure donou theadzü napei khaitouyu nahai-e.”
Zerubbabel hi Ramai nou Paohpeiyu
6Rakivamai nanou ahi paoe, “Mapao vei chipao haitao hai Zerubbabel ye donoue: Nevei pfüchi alia khouko vanou veilou laimoe, ana Avei Rako vanou veilou bailai. 7Kaozhou ashi nou ne hi deichi büa neye ve khuyuma, ne nghoujü nou hata bailai. Neye panou Rathoki nasü soushu loulai, nenou akhai chuh na pokou khothou louyu phaki, maisou nou ‘Daizhou koute veisa! Daizhou koute veisa’ teanou shalai.”
8Süthai-a Mapao vei chipao ali hai ahi ve haibüa paoe. 9“Zerubbabel nou Rathoki vei beikhei sü khopeie; alia puh ye panou haina hai souche loulai. Süthaisü Khoukhoulai Mapao Enou puhye seivewe touyu neletao nou süloulai. 10aDaotu souta-a ngaoyu maitao nou chathai talai, ana Zerubbabel nou Rathoki nasü thaokhai timoa soua buyu ngaoloua puletao nou le asalai.”
Currently Selected:
ZEKHARIAH 4: POUMBSI
Highlight
Share
Compare
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
