ROM AbEng jetthuk
AbEng jetthuk
Pol ma Rom wah mihnyan hehnâng raangwah siti pa Rom wah Asâthem heh tânâng Pol chohmîn hokrãng themawa eka lempa khoakhêm kohrãng raangwah. Pol ma Rom wah Kristan heh demnâng poatthe johmoat diko thinma chohsû lahma Spein nâng katrãng themawa wah. Pol ate dedema Kristan putedâlem jetlahma Kristan heh roandôngko ere putedâlem pa chenroh kepmin a ereheh hethhô rãng raangeka. Are titab ko Pol atema chenroh putedâlem eka ere jabkhab heh raangeka.
Pol ma Rom wah Asâthem hehnâng salem kohlahma atema thinnâng ate rangsoam ngin heh thôkoh wah, erediko Pol ma are sitipa chenjunko raangeka ere mongthem pa thôkoh wah: “Nginkongsen pumma mihnyan heh Joban ma atedede demnâng chenroh toangtang dangthuk eka erepa khesok eka: erepa khebengma athôan tôko putedâlem junma jôba Joban demnâng toangtang dangeka” (1.17).
Erediko Pol ma ate mongthem ngin heh thôkoh wah. Chentô mihnyan nyuchha, Jews ngale Jews ledangte hehmin anga nga Joban demnâng toangtang dângmin, chenrãngma ngako chentôpa papchaan khenko khoakthe tuta. Jisu Krista nâng putedâlem junko mihnyan heh Joban demnâng toangtang dangeki. Erediko Pol ma Jisu Krista demnâng roam junko roandông nyan choheki ngama jetthuk ehi, erepa Joban demnâng anyan ngak pekmîn junko choheki. Putedâlemte mihnyan heh Joban demnâng nome choheki ngale Joban ma pap ngale ritchaan wah pesiet ehi. Nyapkha 5-8 tôko Pol ma Joban Niemarang ngale putedâlemte mihnyan heh roandôngko Joban Ju chaanchoh nginpa raangeka. Erediko Moattat chhoante hehma Jews ngale Jews ledangte heh Joban ma mihnyan nyuchha rãngma themawa eka mongthem ko chenroh jienroam eka ngama mokrit ngin heh raangeka. Pol ma athôanko Jews hehma Jisu dakwak ekapa chentô mihnyan nyuchha hehma Joban mînchenchaan pa Jisu Krista junma tâchoh rãng Joban mongthem ngama khesok lahma raangeka, ngale Jews hehma Jisu roantangma dakmah ngama Pol ma dâlem eka. Khedithôanko Pol ma Kristan roandôngpa chenroh dângmin a erepa raangeka, ajahthem pa mihnyan ahan heh demnâng chenroh hun achhâmin lihma sôngmin a ereheh raangeka. Atema are mongthem pa Joban nâng soangraang eki ngama thonghun lahma kepeka, ngale Kristan hehma diak ajaa rãngma, erediko wathema watherãng moatlemsen moat akat ngin, ngale hung arin khenwah thônghun ngin heh raangeka. Ngale Pol sitipa atedede ngewah jabkhab ngale Joban nâng rô jabkhab heh jablahma thôanraang eka.
Arekowah heh aroh phenraang eka
Abeng jetthuk ngale mongthem (1.1-17)
Mihnyan nyuchha ma khope lemeka (1.18—3.20)
Joban junma khope choh ngin (3.21—4.25)
Krista junma roandông nyan choh (5.1—8.39)
Isrial mihnyan heh Joban mongthem khenko (9.1—11.36)
Kristan heh jat apat (12.1—15.13)
Athôan ngale Pol dede ngewah salem koh jabkhab (15.14—16.27)
Currently Selected:
ROM AbEng jetthuk: NOKTBSI
Highlight
Copy
Compare
Share
Want to have your highlights saved across all your devices? Sign up or sign in
Nokte Naga NT - NIEMNYAN
© The Bible Society of India, 2014.
Used by permission. All rights reserved worldwide.