PAWTDAWNA THU 20
20
Thu Sawm Piakna
(Dan 5.1-22)
1Ziaphatchun, Pathian in ziate zosia hi a gen tai:
2Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.
3Keima tilo Pathian dang him him la nei lo diu ahi.
4 #
Pdt 34.17; Thp 19.4; 26.1; Dan 4.15-18; 27.15 Chung lam van ah um hi hen la, nuai lam ah um hileh; ahiloleh, leinuai ah tui lak ah um hitaleh, bang thil hiziang leh le, a kibatpi a hem milim la kisiam lo diu ahi.
5 #
Pdt 34.6,7; Kis 14.18; Dan 7.9,10 Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.
6Himaleh, keima ei hepi ah, ka thupiak zawmte suan chu, a sâng a sângte chung ah lungsiatna chuai lo hilang zing ka hi.
7 #
Thp 19.12
Lalpa la Pathian min chu la sua tempot lo diu ahi; a min sua tempot taphot chu Lalpa’n thiamchang ah, suachâksak lo ding ahi ngal a.
8 #
Pdt 16.23-30; 31.12-14 Sabbath ni thiangtho tak ah mat ding ahi ti hezing in.
9 #
Pdt 23.12; 31.15; 34.21; 35.2; Thp 23.3 Ni guk sung in nasêm in la tin, la sep ding zosia chu la sepzaw ding ahi.
10Himaleh, a ni sagi ni hi Lalpa la Pathian Sabbath ni ahi: zia ni hin nang, la chapa, la chanu, la suakpa leh la suaknu, la ganchate leh la huang sung ah chêng malzin inle, kuama’n na la sep lo diu ahi.
11 #
Thl 2.1-3; Pdt 31.17 Ni guk sung in Lalpa’n lei leh van, tuisuagiat leh a sung ah um zosia hi a siam zo ah, a ni sagi ni’n a la chawlsan tâk ziakin, Lalpa’n Sabbath ni chu maljawl in, a suthiangtho ta ahi.
12 #
Dan 27.16; Mat 15.4; 19.19; Mar 7.10; 10.19; Luk 18.20; Eph 6.2; Eph 6.3 La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.
13 #
Thl 9.6; Thp 24.17; Mat 5.21; 19.18; Mar 10.19; Luk 18.20; Rom 13.9; Jak 2.11 Tual that kin.
14 #
Thp 20.10; Mat 5.27; 19.18; Mar 10.19; Luk 18.20; Rom 13.9; Jak 2.11 Zawntat kin
15 #
Thp 19.11; Mat 19.18; Mar 10.19; Luk 18.20; Rom 13.9 Gucha kin
16 #
Pdt 23.1; Mat 19.18; Mar 10.19; Luk 18.20 La Invêngte kãl ah hiatpitu diklo in pang kin.
17 #
Rom 7.7; 13.9 La Invêngte thil nei awtcha kin; la Invêngpa ji a hem, a suakpa a hem, a suaknu a hem, a bawngchal a hem, sabiltung a hem a thilneite him him la ên lo ding ahi.
18 #
Heb 12.18,19 Mipi zosia’n van-gi leh kawlphete leh pengkul git leh tâng meikhu tuam haw chu a muu in, lau ah kithing in, gamla deu in a ding tau a.
19Mosi kiang in, “Nang in ka kiang un thu gen in, ngai ziang ing kau: Pathian vang ka kiang un thu gensak kin, thi kha’ng kau,” a tiu a.
20Mosi’n mipite kiang ah chun, “Lau kiu in, Pathian nang uh patep ding ah hung ahi, ama lau umna chu la mau ah a um zing ah, gitlona la bawl lona ding un a ti ahi,” a tia.
21Ziaphatchun, mipite chu gamla deu tak in a ding ua, Mosi chun Pathian umna tâng thim sâ tak umna lam chu a nai a.
Mâichâm Bawl Ding Dan
22 Lalpa chun Mosi kiang in, “Zia gual hin Israelte kiang ah la gen ding ahi a tia: Van ah kipat nang ka hun kihopi hi nang un la mu tau a.
23Keima kibatpi dingin dangkathik ah kisung pathian la siam lo diu a hia, sana ah pathian limle la siam lo ding uh ahi:
24Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.
25 #
Dan 27.5-7; Jos 8.31 Ahi’n, suang mâichâm lei siam piak ding ahileh vang, suang kisêk him him la mat lo ding ahi; sek a hem la mat chun mâichâm chu hi’buak ding ahi ngal in.
26Ka mâichâm chu kalbi ah kal to dingin la siam lo ding ahi; zia chung ah chun la jamaw la latsak lo ding ahi ngal in,” ti in.
Currently Selected:
PAWTDAWNA THU 20: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
