PAWTDAWNA THU 21
21
Suak Bawl Ding Dan
(Dan 15.12-18)
1Ziate hi mipite ma-âng ah la taklat ding dan thuguatte chu ahi:
2 #
Thp 25.39-46
Hebrai mi pawsal la suak ding ah la chawk phot leh, kum guk sung la na sêm intin, a kum sagi’na tak leh bat nei lo ah la pawtsak ding ahi.
3A chang ah hung lut ahileh a chang in pawt kit intin, ji nei ahileh a ji tawh a pawt kit ding ahi.
4A pu’n ji a neisak ah, chanu chapa a nei tâk ahi chun, a ji tawh, a chate chu a pu â hi’n tin, ama bep a pawt ding ahi.
5Himaleh, suakpa chun, “Ka pu, ka ji leh ka chate ka hepi hi, suak lo gual ah zalen in pawt pua’ng ka,” a ti chun;
6a pu chun vaihawmte kiang in pui intin. Ama chu kotbiang a hem, kotbul a hem chun hun pui in a. Chuleh, a pu’n muithal in a bil vihawm piak intin; tichun, a pu na chu a dam sung sia sêm ta’n a.
7Mi pakhat in a chanu chu mi suak ding ah a zawk chun, zia suaknu chu suak pawsalte gual in pawt thei pua’n a.
8Suaknu chun ama hualtu a pu chu a suklungkim zaw lo chun, a tatdawsak kit thei ding ahi; a chung ah a bawl ding gual ah a la bawl nop lo ziakin a suaknu chu gam dang mite kiang in a zokdaw theilo ding ahi.
9A chapa ji ding ah a hual ahileh ama chanu gual gual in a bawl ding ahi.
10Ji dang a neibe leh a nêk leh dawn, a nîk leh puan leh a jipi hi’na a thuneina a sukkiam piak lo ding ahi.
11Zia thil pathumte hi a bawlpiak lo leh suak ahi’na kipat bat nei lo in pawtdok thei intin, sum bangma a sên lo ding ahi.
Thagum Suate Gawtna Dan
12 #
Thp 24.17
Kua’nle mi a satlup chun, ama chule tha ding ahi.
13 #
Kis 35.10-34; Dan 19.1-13; Jos 20.1-9 Ahi’n, kua’nle tup mawng hilo ah Pathian in ama bawl ding him him a la bawl khaksak ahi chun, a tailutna ding, a bitna mun ding guat piak ing ka.
14Ahi’nla, tup mawng ah dawha phalo nei ah that ahileh vang, ama chu thalup dingin ka mâichâm ah kipat in la puidaw ding ahi.
15Chuleh, kuale a nu a hem, a pa a hem vaw taphot chu thalup ngei ngei ding ahi.
16 #
Dan 24.7
Kuale mi gu ah zuak mang a hem, a khut ah kol nalai a hem chule tha ngei ngei ding ahi.
17 #
Thp 20.9; Mat 15.4; Mar 7.10 Kuale a nu a hem, a pa a hem hânsia lawkhum taphot chu tha ngei ngei ding ahi.
18Chuleh, mi pani a kinak ua, pakhat in a langpa suang ah a se a hem, a khuttum ah a chup a hem ah, thi ziang lo maleh lupna ngak in um ta leh;
19hung tho kit zo ta hen la, tiangkhut mang in hung vakdok zo kit ta leh, ama chung ah khut thapa chun, a damlo sung nikhawtha chu pia’n tin, a dam thianna ding tiang liau intin; tichun, a chung thiang bep in a.
20Mi pakhat in a suakpa a hem, a suaknu a hem chu mol in vua hen la thi ta leh, suak neipa chu gawt tei tei ding ahi.
21Ahi’n, a suak chu ni khat a hem, ni ni a hem hing nalai ah thi ahi’chun, a suak neipa chu gawt lo ding ahi: a suak chu a nei thilte lak ah simkhawm ahi ngal a.
22Chuleh, mi kisualte lak ah pakhat in nupi gâi pakhat sukha hen la, a nau chu seta leh, a nu chung ah siatna dang bangma umlo maleh, a pawsal in a phût dungzui ah vaihawmte’n a bithiak zat zat uh a sukha pen chun a liau ding ahi.
23Ahi’n, siat zawk diak na’n a zui chun, hinna thasâng ah hinna a piak ding ahi.
24 #
Thp 24.19,20; Dan 19.21; Mat 5.38 Mit thasâng ah mit, ha thasâng ah ha, khut thasâng ah khut, keng thasâng ah keng,
25meikâk thasâng ah meikâk, beliam thasâng ah beliam, jep thasâng ah jep a piak ding ahi.
26Chuleh, mi pakhat in a suakpa a hem, a suaknu a hem mit sukha hen la, a mit chu sia ta leh, a mit siat ziak ah chun suak chu pawtsak intin, a zalensak mai ding ahi.
27Mi pakhat in a suakpa a hem, a suaknu a hem ha chu sutha kha ta leh; a ha ziak ah chun suak chu pawt sak intin, a zalensak ding ahi.
Nei leh Lam Chungchâng ah Dan
28Bawngchal in mi pakhat a sîtlup chun, zia bawngchal chu suang ah se’lup ding a hia, a sa chule nêk lo ding ahi; ahi’n la, bawngchal neipa chu a thiang ding ahi.
29Ahi’n, zia bawngchal chu tu’ ma le mi si sek ahi ah, zia chu a neipa kiang ah le gen hi’napi ah, a bawngchal chu ching diak lo ah, mi hun si’lum ahi’chun, bawngchal chu suang ah se’lup ding a hia, a neipa le tha ding ahi.
30Bawngchal neipa chu that lo ah, a hinna kitatdawna ding ah liausak ding ahi’chun, a kiliausak jat jat chu a piak mai ding ahi.
31Tangval a hem, nungak a hem khat phil taleh, zia thutanna dungzui ah hin bawl piak ding ahi.
32Bawngchal chun suakpa a hem, suaknu a hem khat si ta leh, bawngchal neipa chun suak neipa chu dangka shekel sawmthum a piak ding ahi; chun, bawngchal chu se’lup ding ahi.
33Mi pakhat in kawkhûk sit lo a hem, a khûk chaw a sit bawl lo a hem in nusia hen la, bawngchal a hem, sabiltung a hem khat ke’lut ta leh,
34kawkhûk neipa chun liau intin, gancha neipa chu sum a piak ding ahi; a gancha ke’lum pen chu a kawkhûk neipa a chan ding ahi.
35Chun, mi pakhat bawngchal in midang bawngchal a sukliam ah, bawngchal liam chu a hung thi chun, bawngchal hing chu zok hi’n tin, a man chu a kihop diu a hia; chuleh, bawngchal thi’pen sa chule a kihop mai ding uh ahi.
36Himaleh, bawngchal chu tu’ma lam ah le gancha siveu sek ahi ti a neipa hiatsak ahi’nung ah le, ching diak lo ahi’chun, ama chun bawngchal thatheng in bawngchal dang pia’n tin, bawngchal thisa luang chu a kichan ding ahi.
Currently Selected:
PAWTDAWNA THU 21: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
