PAWTDAWNA THU 24
24
Thuthunna Thisan Chu
1Ziaphatchun, ama’n Mosi kiang in: “Nang tawh, Aron tawh, Nadab tawh, Abihu tawh, Israel upa sawm sagi tawh Lalpa kiang in hung to unla, galkâng deu in ei hun biau in.
2Mosi bep in Lalpa hun nai intin; a dangte’n a hun nai lo diu ahi; mipite chunle a hun zui to lo ding uh ahi,” a tia.
3Tichun, Mosi a hung ah, Lalpa thugen tawh a thuguat zosiate chu mipite a hil ah: mipite chun kigual tak in, “Lalpa’n a gen zosia chu bawl ing kau,” ti’n a hun dawnhu tau a.
4Mosi chun Lalpa thugen zosia chu a zikdok ah. Jingkal matak in a tho ah, tângbul ah chun mâichâm pakhat a siam ah, Israel nam sawm leh ni tawh kituak in, khuam sawm leh ni a phut a.
5Israel mipite lak ah tangvalte chu a sawl ah, amau chun hâlmang thillat tawh kichamna bawngchal Lalpa âng in a hun lân ua.
6Mosi’n gan thisan kimkhat chu a la, kuangdal sung in a koi ah; chuleh, gan thisan kimkhat dang cheng chu mâichâm a the’khum a.
7Ziazaw chun, thuthung lekhabu chu a la, mipi zosia het in a simdok ta’n; amau chun, “Lalpa’n a gen zosia chu bawl in, a thu le awi ing kau,” ti’n a hun dawnhuu a.
8 #
Mat 26.28; Mar 14.24; Luk 22.20; 1 Ko 11.25; Heb 10.29; Heb 9.19,20 Mosi’n thisan chu a la, mipite chu a the’khum ah, a kiang un, “Lalpa’n a gen dungzui ah, nanghaw tawh kikâl ah thisan ah thuthung a siamna hi en un,” a tia.
Tâng Chung ah Pathian Kiang A Tunnau
9Ziaphatchun, Mosi, Aron, Nadab, Abihu tawh Israel upa sawm sagite chu a chia to tau a;
10tichun, amau cheng chun, Israel Pathian chu a mu tau a. A keng pêk nuai ah chun sapphire suang mantam ah kisiam lampi kizutnâm khat a la um ah; a thian dan chu van thiang sing seng tawh bang ahi.
11Israel nam puitute chung ah chun Pathian in a khut a tha pua’; amau chun Pathian chu a mu tau a: Chuleh, a neu in, a dawn tau hi.
12 Lalpa chun Mosi kiang in, “Tâng ah hin ka kiang ah hung kal to in la ei la ngak in; chuleh, amau haw la thuhilna ding ah Dan leh thupiak ka zikna suangpêkte le hun pia ding ka hi,” a tia.
13Tichun, Mosi’n a kithuapipa Joshua pui in a kipandok ta, Mosi chu Pathian tâng ah chun a kal to tai.
14Upate kiang ah chun, “La kiang lam ua ka hung kit masiau zia tak ah hin a la um zing un: Aron tawh Hur la kiang un a um ua, kuale thubuai nei taphot in amau kiang lam a la zuan ziang uh hen,” a tia.
15Chun, Mosi chu tâng ah chun a kal to ta’n; chuleh, sûmpi’n tâng chu a hun khû tai.
16 Lalpa lopi’na chu Sinai tâng chung ah chun a um den ta; sûmpi’n tâng chu ni guk sung a khû ah: A ni sagi ni chun ama’n sûmpi lak ah kipat chun Mosi a hun ko tai.
17 Lalpa lopi’na kilang chu Israelte mit mu in tângvûm ah haltuina mei gual mai ahi.
18 #
Dan 9.9
Mosi chu sûmpi lak ah chun a lut ah, tâng a chun a kal to in: Mosi chu tâng ah chun sun sawmli leh jan sawmli a vachâm tai.
Currently Selected:
PAWTDAWNA THU 24: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
