PAWTDAWNA THU 37
37
Thuthung Thingkuang Siamna
(Pdt 25.10-22)
1Bezalel in thinggi thing in thingkuang a siam ah; a dung lam tong ni leh a kim, a vailam tong khat leh a kim ah lian a hia; a sân dan chu tong khat leh a kim ma ahi.
2A sunglam leh a pawlam sana thiang tui a luan khum ah; sana thiang in a geikawl le a siam a.
3A keng pali ah bul chiat dingin sana bil pali a siam ah; a sik langkhat ah bil pani, a sik langkhat lam ah a bil pani ma um dingin a siam a.
4Thinggi thingjawl a jawnna dingle a siam ah, zia jawlte chu sana tui a luan khum a;
5a jawnna molte chu thingkuang pang ah a bil sung a chun a thunlut ah, thingkuang jawnna ahi ngal hi.
6Ja’ngaina chutpha le sana thiang in a siam ah; a dung lam tong ni leh a kim, a vailam tong khat leh a kim in a siam hi.
7Chuleh, sana ah kisêk Cherub panile a siam ah; ziate ni chu ja’ngaina chutpha mong langtuak ah um dingin a siam ah;
8a mong langkhat lam ah cherub khat, a mong langkhat lam ah cherub khat ma; ja’ngaina chutpha tawh sakhat ah kimat dingin a mong langtuak ah um ding cherubte chu a siam hi.
9Cherubte chun ja’ngaina chutpha lia dingin a chung in a thau a jak gêl un. Cherubte chu ki-ângngat tua in, ja’ngaina chutpha chu a mai lam uh a ngat gêl ui.
Vaithum Koina Dawkan
(Pdt 25.23-30)
10Ama’n thinggi thing in dawkân pakhatle a siam ah; a dung lam chu tong ni, a vailam tong khat, a sân dan tong khat leh a kim;
11sana thiang a luan khum ah, a geikawl dingin sana thiang le a bawl a.
12Chuleh, a geikawl khutpêk tia ah lian a siam ah; zia geijul ah chun sana geikawl le a siam nalai hi.
13Zia â ding ah chun sana kol pali le a sung ah, zia a kolte chu a ning chiat ah, a keng palite ah chun a bul chiat a.
14Dawkan jawnna ding molte kithunna kolte chu a gei jul chin in a siam a.
15Dawkân jawnna ding mol chu thinggi thing, sana tui kiluankhum ahi.
16Chun, zia dawkân chung ah matchâk ding zosia: gimtui halna ding kuang leh kuangkûmte, dawn chi thillatte sunthâkna ding belbu leh uain thawlte chule sana thiang ngen in a siam a.
Thaumei Tunna
(Pdt 25.31-40)
17Thaumei tunna dingle sana thiang in a siam a. A ngulpi leh a tunna ding bâk ka’hiangte chu sêk thaw ngen ahi; a no te, a pâkbomte, a pâkjamte chu a leng ua kimat a hiu a.
18A ngulpi ah kipat chun a bâk hiang paguk a sik langkhat lam ah thaumeitunna ding bâk ka pathum; a sik langkhat lam ah chun thaumei tunna ding bâk ka pathum ma a jamdok a;
19a ngulpi ah kipat hung kâdok thaumei tunna pagukte chiat ah um ding ah chun ka’ khat ah um dingin vaisuaklu pâk gual ah no pathum, a pâkbom leh a pâk jamte um chiat dingin a siam a.
20Thaumeitunna ngulpi ah chun no pali, vaisuaklu pâk, a pâk bom leh a pâkjamtele a siam a.
21Thaumeitunna bâk kâ paguk, a kâ jamdok tuak nite nuai chiat ah chun pâkbom khat jel a um a.
22A pâk bom leh a ka’hiangte chu kibang chiat, a leng ua sana thiang kisek ngen a hiu a.
23A thaumei ding pasagite leh a châichete leh a meivâm kholna ding kuangte pum in a leng in sana thiang, ngen in a siam a.
24Zia thaumeitunna ding leh a matchâk zosiate siamna ding ah chun sana thiangtho talent khat a mang hi.
Gimtui Halna mâichâm
(Pdt 30.1-5)
25Gimtui hâlna ding mâichâm thinggi thing in a siam ah; a dung lam tong khat, a vailam tong khat ma ahi: a ning pali nei, a sân dan chu tong ni ahi, a ningbawkte chu tawh sakhat ahi.
26A chungsip leh a pang kîmvêl leh ah ningbawkte chule sana thiang tui a luan khum suak ah; chuleh, a gei kîmvêl ah chun sana geikawl tuam a bawl a;
27chuleh, a geikawl nuai tak ah a ningte gêl ah um dingin a kol pani a siam ah, ziate ni chu a sîkte gêl ah a ning gêl chung ah chun a bul ah: zia chu a jawnna mol kithunna ding chu ahi.
28Chun, a jawnna mol dingin thinggi thing jawl a siam ah; zia chu sana tui a luan khum hi.
Kinu’ Ding Sathau leh Sathau Gimtuite
(Pdt 30.22-38)
29 #
Pdt 30.22-38
Chuleh, gimtui siamte’n a bawl gual un, sathau thiangtho kinu’ ding chi tawh gimtui thiangtho ding chule a bawl hi.
Currently Selected:
PAWTDAWNA THU 37: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
