THILSIAM THU 21
21
Isak Pianna
1 Lalpa’n a gen gual ngei in Sarah chu a vakantha ta’n; tichun, Lalpa’n a tiam dungzui in Sarah chung in a tunsak tai.
2 #
Heb 11.11
Sarah chu a gâi ta’n, Pathian in a kiang ah a gen hun tak in, Abraham têksiat nung ah chun chapa a hinpiak tai.
3Abraham chun, Sarah in a hinpiak a chapa min dingin Isak#zia chu, Nui, ti’na ahi a sak ta’n.
4 #
Thl 17.12; Nas 7.8 Pathian in a kiang ah thu a piak dungzui in, Abraham in a chapa Isak chu a ni giat tin ni chun a zek a tan piak tai.
5Abraham in chapa Isak a nei lai ah chun kum za khat mi ahi tai.
6Chuleh, Sarah in, “Pathian in ei nuisak tai; ei he’pha tapo in ei nuipi in au,” a ti tai.
7Chuleh, “Abraham kiang in Sarah hin nau hun nei piak ding ahi ti gen ngaina he kua a hem um ding? Ahi’n la, a têksiat nung in chapa ka hun nei piak ta mai in,” a ti kit a.
Hagar leh Ishmael Sawlmangna
8Nausen chu a hung khang lian deu deu ah, a nawichep haisak hun a hung tung ta’n: Isak in a nawichep a haisan hun a hung tun in, Abraham in luaithe’na lopi tak a bawl a.
9Chun, Aigupta mi Hagar in Abraham â ding ah chapa a hinpiak khan Isak tawtbawlna a mat lai tak Sarah in a mu ta’n.
10 #
Gal 4.29,30 Tichun, Abraham kiang in, “Zia suaknu hi a chapa tawh sawl mang in; zia suaknu chapa hin ka chapa Isak goluapi thei pua’n a,” a ti’n.
11Zia thu chun Abraham lungthim a giksak ma ma ah; a chapa ma a hi tho ngal a.
12 #
Rom 9.7; Heb 11.18 Himaleh, Pathian in Abraham kiang in, “Naupang chungchâng thu leh la suaknu chungchâng thu ah hin lungthim nopmawna’n nei kin la; Sarah in la kiang ah thu a gen zosia hi zawm ziang in: Isak ah kipat hin la suante hung kigen bep ding ahi ngal in.
13Chuleh, la suaknu chapa hile nangma cha ma ma ahiziak in, nam ti kham zet in hun siam ing ka,” a ti’n.
14A jing ah chun Abraham jingkal ma tak in a tho ah, vaithum bang a hem jat tawh, tuithawl tui ah dim tawh Hagar a pia’n. A liangko in a sawt ah, naupang chu tawh a sawl mang ta’n. A mau le a chia tau ah, Beer-sheba gamthip ah chun a vâkvâi tau a.
15Tuithawl ah tui a hung bei phatin, naupang chu hampa buk nuai khat ah koi in a nusia ta mai a:
16“Naupang thi ding chu ka en ngam puai,” a ti ziakin gâlkâng deu, thalchang kâp phâkna ding tiang in a chia mang ah, a mazawn ah chun a kichu ta mai hi: Chuleh, naupang chu hung dakdok in, ha-kâ in a hung kap ta’n.
17Chun, Pathian in naupang aw chu a he ta’n: Van ah kipat in Pathian vansawlchâk in Hagar chu a hun ko ah, a kiang in, “Hagar, bang a hem la lunggimna? Lau kin, naupang kâ thawm kha Pathian in a henai.
18Tho inla, naupang kha kaitho in, la khut in tu’n la: ama chu nam thupi tak ah siam ding ka hi ei vei,” a hun ti’n.
19Ziaphatchun, Pathian in a mit a hi’vâk piak ah, tuikul pakhat a vâk mu, a vachia ah, a tuithawl chu a va thâldim ah, naupang chu a dawnsak ta’n.
20Pathian in naupang chu a umpi ah, a hung khang lian ta’n; tichun, gamthip ah chun a chêng ah, thal kap thiam tak a hung hi tai.
21Paran gamthip ah chun a chêng den ta’n; a nu chun Aigupta gam ah mi a ji dingin a vapui piak tai.
Abraham Tawh Abimelekh Thuthung Siamna
22 #
Thl 26.26
Zia lai ah chun, Abimelekh tawh a sepai hotu Phikol chun Abraham kiang in, “La thilbawl tapo ah Pathian in a hun umpi ah;
23tu’hin, zia tak ah hin Pathian min in kei tawh, ka suante tawh, amau suan sawn sawn tiang ah le zuau lo ah, ka hun hepi tâk gual ah khan, kei tawh la umna gam hi hepi thuk dingin ka kiang in thu tiam in,” ti’n a vachial tau a.
24Abraham in, “Tiam nama ing ka,” a la tia.
25Abimelekh suakte’n tuikul a kichu’pi ziak ua chun Abraham in Abimelekh chu a awimaw ta’n.
26Abimelekh in, “Zia gual thilbawl pen chu kua a hem ka la hekhalo hial ah; nang inle la lei hil pua’n: tu’ni tilo ah hin ka la hekha nai puai,” a ti’n.
27Tichun, Abraham in belamte leh bawgchalte chu a kai ah, Abimelekh kiang in a pia ta’n; a paniu in thuthung a siam tau a.
28Abraham in a belam hon lak ah chun belampi sagi a koichuam ah.
29Abimelekh in Abraham kiang ah, “Belampi sagi la koichuam hi bangtidan a hem?” ti’n a dong a.
30Ama’n a kiang in, “Zia tuikul hi keima chaw ngei ahi ti lei hetpina ding ahi,” a ti’n.
31Zia chun a paniu in thuthung a siam gêl tâk ziak un, a mun min in Beer-sheba#zia chu, Thu tiamna Tuikul, ti’na ahi a sak tau a.
32Chutichun, Beer-sheba mun ah thuthung a siam zaw phat un, Abimelekh tawh a sepai hotu Phikol chu a kipandok ua, Philistin gam ah chun a kile’kit tau a.
33Abraham in Beer-sheba ah chun thing pakhat a phu ah; zia tak ah chun El-Olam#zia chu, Lalpa, Kumtuang Pathian, ti’na ahi min chu a ko ta’n.
34Tichun, Abraham chu Philistinte gam ah chun sawt tak a châm tai.
Currently Selected:
THILSIAM THU 21: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
