THILSIAM THU 28
28
1Chun, Isak in Jakob a ko ah, a maljawl ah, thule a pia’n; a kiang in, “Kanaan gam ah nungakte lak ah mi ji’n la neilo ding ahi.
2Kipan inla, Paddan-aram gam ah la nu pa Bethuel In ah chia inla, la nu suapipa Laban chanute lak ah mi ji’n vanei in;
3El Shaddai chun maljawl in, nam chêngkhawmte pu la hung hitheina ding in, chi tam tak suansak in hun hi’pung ta hen.
4 #
Thl 17.4-8
La malzinna gam, Pathian in Abraham kiang ah a piak hi la lua theina dingin, nang leh la suante le Abraham maljawlna chu donsak ta hen,” a ti’n.
5Tichun, Isak in Jakob chu a sawl mang ta’n: Paddan-aram gam ah Jakob leh Esau nu Rebekah suapipa Aram mi Bethuel chapa Laban kiang ah chun a chia tai.
Esau in Ishmaelte Ji A Neibena
6Esau chun, Isak in Jakob maljawl in ji nei ding ah Paddan-aram gam lam in a sawl mang tai ti leh, mal a jawl lai ah khan, “Kanaan gam nungakte ji la neilo ding ahi,” a ti leh,
7Jakob in a nu leh a pa thu awi in Paddan-aram gam lam in a chia tai, ti a hun he ta’n.
8Tichun, Esau in Kanaan gam nungakte a nei chu a pa a lungdam puai ti a he ta’n:
9Esau chu Ishmael kiang in a vachia ah, Abraham chapa Ishmael chanu Mahalath, Nebaioth suapinu chu ji dingin a vanei belap tai.
Bethel Ah Jakob Mang
10Chun, Jakob chu Beer-sheba ah kipat in a pawtdok ah, Haran lam a zuan ta’n.
11Mun khat a hung tung ah, ni a tum tâk ziakin a giak ta’n. Zia mun ah suang pakhat chu la’n, khapchâk in a mang ta’n; a ipmu dingin a lum tai.
12 #
Joh 1.51
Mang a hun nei ah: Lei leh van kikâl ah hin leilawn a hung kidaw ah; chuleh, zia chun Pathian vansawlchâkte a suk a to in a lawn ui.
13 #
Thl 13.14,15 Chuleh, a kiang in Lalpa a hung ding ah: “Kei hi Lalpa, la pu Abraham Pathian, Isak Pathian chu ka hi: la lupna lei kha nangma leh la suante kiang in hun pia’ng ka;
14 #
Thl 12.3; 22.18 la suante chu leivui jat hung hi’n au; thanglam, saklam, mallam leh simlam ah kijak intiu in, nangma leh la suante ah chun lei ah nam tin maljawl in hung um in au.
15La kiang ah um zing ing ka tin, la chiana tapo ah hun vêng zing ing ka tin, la kiang ah ka thugen hi ka bawl masang sia hun nusia lo ding ka hi,” a ti’n.
16Chun, Jakob ipmu chu a hung khanglo ah, “Zia mun ah hin Lalpa chu a um ngei hi ti, ka la he pua ahi!” a ti’n.
17Tichun, a lau ta’n, “Zia mun hi a lau um na e! Zia hi mun dang ahi puai, Pathian In a la hi hilam, zia hi van kotkhak chu ahi,” a ti tai.
18Chun, Jakob chu jingkal ma tak in a tho ah, a suang khapchâk chu a la’n, suang chu a phu ah, sathau a sunkhum a.
19Chuleh, zia mun min chu Bethel#zia chu, Pathian In, ti’na ahi a sak ah, a lim in zia khawmin chu Luz ahi.
20Jakob in, “Pathian ka kiang in a um ah, zia ka chiana lampi hi ei vên ah, nêk ding vaithum leh sil ding puansil Lalpa’n ei piak ahi chun,
21ka pa In lam ah lungmuang tak ah ka chia kitna dingin, Lalpa chu ka Pathian hi’ntin;
22zia suang, suangphu ding ah ka phu hile Pathian In hi’ntin: chun, ka kiang ah lei piak zosia chu sawm ah pakhat hun pia ngêi ngei ing ka,” ti’n a kitiam tai.
Currently Selected:
THILSIAM THU 28: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
