Sione 8

Ko e fefine naʻe maʻu lolotonga e feʻauaki

1Pea naʻe foki e tokotaha kotoa ki honau ngaahi ʻapi ka ko Si̇̄suú naʻe ʻalu ia ki he moʻunga ʻOlivé. 2ʻI he hengihengi hokó, naʻá ne foki atu ki he temipalé. Ko e kotoa e kakai naʻa nau nofo takai ʻiate ia pea ne toe tangutu hifo ai mo kamata ke ne faiako. 3Naʻe haʻu ʻa e kau faiako laó pe mo e fālesi̇́ ʻo ʻomai ha fefine naʻe maʻu ʻokú ne fai feʻauaki, pea nau ʻai ke tuʻu ʻa e fefine ʻi muʻa ʻiate kinautolu. 4‟Faiako,” ko ʻenau lea ia kia Si̇̄suú: ‟ko e fefine ko ēni̇́ naʻe maʻu ia ʻokú ne fakahoko ʻa e feʻauaki. 5Ko e Lao ʻa Mōsese ʻoku hā mahino ai koe faʻahinga fefine peheé ko hono tuhá ke tolomakaʻi ki he maté. He taimi ni, koehā hoʻo lau'?” 6Na'ā nau fai ʻeni ke nau maʻu ai ʻa Si̇̄sū, ke nau lava ai ʻo tukuakiʻi ia. Ka naʻá ne punou ia ʻo ne tohitohi he kelekele ʻaki hono tuhú.

7ʻI he ʻenau kei tuʻu ai mo ʻeke fehuʻi̇́, naʻá ne tuʻu hangatonu hake mo ʻeke kiate kinautolu: ‟kohai pe ia ha taha ʻiate kimoutolu ʻoku ʻikai ke ʻi ai haʻa ne angahala. ʻe ngfua ke ke toʻo ʻa e ʻuluaki foʻi maká ʻo tolongi ia.” 8Pea ne punou hifo ʻo toe tohitohi pe he kelekelé. 9ʻI heʻenau fanongo ki heni̇́, naʻa nau kamata ke nau puli atu tahataha pe, ʻo kamata mei kau matuʻotuʻá. Pea naʻe toe pe ʻa Si̇̄sū moe fefine ʻo nau tuʻu pe ai. 10Naʻá ne tuʻu fakahangatonu hake mo ne lea ki he fefiné: ʻoku ʻikai ha taha ia ke ne tukuakiʻi koe?

11‟ʻIkai ha taha, tangata” ko ʻene tali ia.

‟Ko ia ai,” Ko e tali ia ʻa Si̇̄suú: ‟Mo au pe ʻe ʻikai te u tukuakiʻi koé. Ka ke ʻalu, pea ʻoua naʻá ke toe fai angahala.”

Ko Si̇̄suú Ko e Māma‘anga ‘o Māmani

12Ko ia, naʻe toe folofola ai ʻa Si̇̄sū ki he kau Fālesi̇́ ʻo pehē: ‟Ko aú pē ko e māama‘anga ‘o māmani. Ka ai ha taha te ne muimui kiate aú, ‘e ‘ikai ʻaupito te ne toe fononga he poʻuli̇́, ka te ne maʻu ʻa e maama ‘o e mo‘ui̇́.”

13Pea pehēange ‘e he kau Fālesi̇́ kiate ia: ‟‘Okú ke fakamoʻoni pē koe ʻo kau kiate koe, ʻoku ʻikai hano moʻoni ʻo hoʻo fakamoʻoni̇́.”

14Pea tali ‘e Si̇̄sū ʻo ne pehē kiate kinautolu: ‟Neongo ‘oku ou fakamoʻoni pē au ʻo kau kiate au, ka ‘oku mo‘oni ‘eku fakamoʻoni̇́, he ‘oku ou ‘ilo ʻa e feitu‘u naʻá ku ha‘u mei ai̇́, mo e feitu‘u ‘oku ou ‘alu atu ki ai̇́. Ka ‘oku ‘ikai te mou ‘ilo ‘ekimoutolu ʻa e feitu‘u naʻá ku ha‘u mei ai̇́, mo e feitu‘u ‘oku ou ‘alu atu ki ai̇́. 15Ko ho‘omou faifakamaaú, ʻoku fakatatau pē ia ki he meʻa fakakakanó, ka ‘oku ‘ikai te u fakamaau‘i ‘e au ha taha. 16Pea kapau te u fakamaau‘i ha taha, ko ‘eku fakamaaú ʻoku totonu, koe‘uhi̇̄ he ‘oku ‘ikai ko au toko taha pē ia, ka ko au ia mo e Tamai̇́, ‘a ia naʻá ne fekau mai aú. 17Kuo hikitohi foki ʻi hoʻomou Laó, ‘o ka fakamoʻoni ha ongo tangata ʻe toko ua, pea lau ʻoku falalaʻanga ia. 18Ko au ʻa e Toko Taha ʻoku fakamo‘oni ʻo kau kiate aú, pea ko ʻeku fakamoʻoni ʻe tahá, ko e Tamai̇́, ʻa ia naʻá ne fekau mai aú.”

19Pea nau pehēange kiate ia: ‟Pea ko e fē‘ia ho‘o tamai̇́?”

Pea tali ʻe Si̇̄sū: ‟‘Oku ‘ikai te mou ʻiloʻi au pē ko ʻeku Tamai̇́. Kapau na‘a mou ʻiloʻi au, naʻa mou ʻiloʻi foki mo ‘eku Tamai̇́.”

20Ko e ngaahi meʻa ko eni̇́, naʻá ne folofolaʻaki, lolotonga haʻane faiako ‘i he Temipalé, ʻi he feitu‘u na‘e tānaki ki ai ʻa e paʻangá. Ka na‘e ‘ikai ha taha ‘e fie ala ki ai, he kuo te‘eki ke hokosia hono taimi̇́.

Ko e Teu Māvae ‘a Si̇̄sū mo ‘Ene Kau Akó

21Ko ia, naʻe toe folofola ʻa Si̇̄sū kiate kinautolu: ‟Ko aú, te u ‘alu, pea te mou kumi kiate au, ka te mou mate pē ‘i ho‘omou ngaahi angahalá. Ko e feituʻu ʻoku ou ʻalu ki ai̇́, ʻe ʻikai te mou lava ke ʻalu ki ai.”

22Pea pehē ʻe he kau Siú: ‟Te ne tāmate‘i nai pē ‘e ia, ʻa ia? Na‘a ko e ‘uhinga koā ia ‘o ʻene pehē: Ko e feitu‘u ‘okú ou teu ‘alu ki ai̇́ ʻe ʻikai te mou lava ke ʻalu ki ai?”

23Pea naʻe folofola kiate kinautolu: ‟Ko kimoutolú, ko hoʻomou haʻu pē mei lalo ni, ka ko aú, ko ʻeku haʻu ʻaʻaku mei ‘olunga. Ko kimoutolú, ko e faʻahinga ʻo e maama ko eni̇́. Ka ko aú, naʻe ʻikai te u haʻu mei he maama ko eni̇́. 24Ko hono ‘uhinga ia ʻeku talaatu, te mou mate pē ho‘omou ngaahi angahalá, he kapau ‘e ‘ikai te mou tui ko au ia, te mou mate pē ho‘omou ngaahi angahalá.”

25Ko ia, naʻa nau pehēange kiate ia: ‟He ko hai koā koe?”

Pea folofola ʻa Si̇̄sū kiate kinautolu: ‟Talu mei̇ he kamataʻangá mo ʻeku tala kiate kimoutolu. Ko e hā koā ʻoku ou kei tala ai kiate kimoutolu? 26‘Oku kei toe lahi mo e ngaahi me‘a ke u lea ki ai, ko hono fakamāau‘i kimoutolú. Ka ko e Toko Taha naʻá ne fekau mai aú, ko e moʻoni̇́ ia, pea ko e ngaahi me‘a pē kuo u maʻu meiate iá, ko ia pē ‘oku ou leaʻaki ki māmani̇́.”

27Ka na‘e ‘ikai ke mahino ki ha taha, ko ʻene lea kiate kinautolú, ʻoku kau ki he Tamai̇́.

28Ko ia naʻe folofola ʻa Si̇̄sū kiate kinautolu: ‟Ko e taimi te mou hiki hake ai ki ‘olunga ‘a e Foha ʻo e Tangatá, pea te mou toki ʻilo ai ko au ia, he ʻoku ‘ikai te u fai pē ‘iate au ha me‘a ʻe taha, ka ko e ngaahi me‘a pē kuo ako‘i mai ‘e he‘eku Tamai̇́, ko e ngaahi meʻa pē ia ʻoku ou leaʻaki̇́. 29Pea ko e Toko Taha naʻá ne fekau mai aú, ʻokú ne ʻiate au maʻu pē. Heʻikai te ne liʻaki tokotaha au, he ʻoku ou fai maʻu ai pē ʻa e ngaahi meʻa ʻoku fakahōifua kiate ia.”

30Pea ʻi heʻene folofolaʻaki ʻa e ngaahi meʻa ko iā, naʻe tui ha fuʻu tokolahi kiate ia.

Ko e Mo‘oní mo e Tauʻatāiná

31Ko ia, naʻe folofola ʻa Si̇̄sū ki he kau Siu na‘e tui kiate iá: ‟Kapau te mou pukemaʻu ki heʻeku ngaahi akonaki̇́, te mou hoko mo‘oni ai ko e kau ako ʻaʻaku. 32He te mou toki ʻilo ai ʻa e mo‘oní, pea ‘e fakatau‘atāina‘i kimoutolu ‘e he mo‘oni̇́.”

33Pea nau tali kiate ia: ‟Ko e hako kimautolu ia ‘o ‘Ēpalahame, pea kuo te‘eki ai ke mau pōpula ki ha taha, ʻi ha taimi. Ko e hā hoʻo ‘uhinga, ʻi ho‘o pehē: ‘E toki fakatau‘atāina‘i kimoutolú?”

34Pea tali ‘e Si̇̄sū kiate kinautolú: ‟Ko e mo‘oni̇́ ʻeni ‘oku ou tala kiate kimoutolú, ko ia kotoa pē ‘oku fai angahalá, ko e pōpula ia ‘a Angahala. 35Pea ‘oku ‘ikai ha pōpula te ne kau ai pē ki he fāmili̇́ ʻo taʻengata. Ko e fohá pē ʻokú ne kau maʻu ai pē ki ai ‘o ta‘engatá. 36Ko ia, kapau ʻe toki fakatau‘atāina‘i kimoutolu ‘e he Fohá, ko ho‘omou toki tau‘atāina mo‘oni̇́ ia. 37‘Oku ou ʻiloʻi pē ko e hako kimoutolu ‘o ‘Ēpalahame. Ka ‘oku mou feinga ʻeni ke tāmate‘i au, he ‘oku ‘ikai ke mou loto ke tali ‘eku akonaki̇́. 38Ko e ngaahi me‘a kuó u mamata ai ʻi heʻeku Tamai̇́, ʻoku ou leaʻaki ia kiate kimoutolu. Ka kimoutolú, ʻoku mou fai pē ʻa e ngaahi me‘a kuo mou maʻu mei ho‘omou tamai̇́.”

‟Ko Ho‘omou Tamaí ko e Tēvoló”

39Pea nau tali kiate ia ʻo pehē: ‟Ko ‘Ēpalahame, ʻemau tamai̇́.”

Pea folofola ʻa Si̇̄sū kiate kinautolu: ‟Ka ne ko e fānau kimoutolu ‘a ‘Ēpalahame, te mou fai pē ʻa e ngaahi ngāue naʻe fai ʻe ʻĒpalahamé. 40Ko e lolotongá ni, ʻoku mou feinga ke tāmateʻi ha tangata, ʻa ia ʻokú ne talaatu kiate kimoutolu ʻa e mo‘oni kuó ne fanongo ai mei he ‘Otuá. Naʻe ‘ikai ke fai ‘e ‘Ēpalahame ha me‘a pehē. 41ʻOku mou fai pē ʻe kimoutolu ʻa e ngaahi ngāue ‘oku fai ‘e ho‘omou tamai̇́.” Pea nau pehēange kiate ia: ‟‘Oku ʻikai ko ha fānau tu‘utāmaki kimautolu. ‘Oku taha pē ‘emau Tamai̇́, ko e ‘Otuá pē.”

42Pea folofola ʻa Si̇̄sū kiate kinautolu: ‟Ka ne ko e ‘Otuá hoʻomou tamai̇́, pehē ne mou mei ‘ofa kiate au. He kuo u ha‘u mei he ‘Otuá, pea ‘oku ou ‘i heni. Na‘e ‘ikai te u ha‘u ‘iate au pē, ka ko ia ia naʻá ne fekau mai aú. 43Ko e hā ‘oku ‘ikai ke mahino kiate kimoutolu ʻa e meʻa ʻoku ou leaʻaki̇́? Ko hono ʻuhingá pē, he ʻoku ʻikai te mou lava ke tali ʻeku akonaki̇́. 44Ko ho‘omou tamai̇́ ʻamoutolu, ko e tēvoló, pea ʻoku mou moʻuiʻaki pē, ʻa e fai ki he ngaahi meʻa ʻoku loto hoʻomou tamai̇́, ke fai̇́. Ko e toko taha tāmate ia, talu pē mei he kamataʻangá, pea ʻoku ʻikai te ne tuʻu ʻi he moʻoni̇́, he ʻoku ʻikai ha moʻoni ʻiate ia, Ka ne ka lea loi, ʻokú ne leaʻaki pē ʻene meʻa ʻaʻaná, he ko e loi ia, pea ko e tamai ia ‘amoutolú.

45Ka koeʻuhi̇̄ ʻoku ou leaʻaki ʻe au ʻa e moʻoní, ko ia, ʻoku ʻikai ai te mou tui mai kiate au. 46Ko hai ‘iate kimoutolu te ne lava ke fakamoʻoni ʻo kau ki ha angahala kuo u fai? Kapau ‘oku ou leaʻaki ʻa e moʻoni̇́, pea ko e hā leva ‘oku ‘ikai te mou tui mai ai kiate aú? 47Ko ia ‘okú ne ʻi he ʻOtuá, ‘okú ne talangofua ki he ngaahi folofola ʻa e ʻOtuá. Ko hono ʻuhinga ia ‘oku ‘ikai te mou talangofua ai̇́, he ʻoku ʻikai te mou ʻi he ʻOtuá ʻakimoutolu.”

Ko Si̇̄sū mo ‘Ēpalahame

48Pea tali ‘e he kau Siú ʻo nau pehē kiate ia: ‟Tā na‘e moʻoni pē ‘emau pehē: ko e Samēlia koe, pea ʻokú ke puke fakatēvolo.”

49Pea tali ‘e Si̇̄sū: ‟‘Oku ‘ikai te u puke fakatēvolo, he ʻoku ou fakalāngilangi‘i ‘e au ‘eku Tamai̇́, ka ʻoku mou fakangalivaleʻi ʻe kimoutolu au. 50Pea ʻoku ‘ikai te u kumi ki ha ku lāngilangi. Ka ‘oku ‘i ai ʻa e toko taha ‘okú naʻe finangalo ke u lāngilangiʻia, pea ko ia ia ʻa e fakamāaú. 51Ko e moʻoni̇́ ʻeni ʻoku ou tala kiate kimoutolú, ka ai ha taha te ne tauhi ʻeku akonaki̇́, ‘e ‘ikai ʻaupito te ne mate ‘o ta‘engata.”

52Ko ia, naʻe lea kiate ia ʻa e kau Siú: ‟Ko ʻeni kuo mau ʻilo ʻokú ke puke fakatēvolo. Kuo pekia ʻa ‘Ēpalahame, pea pekia foki mo e kau palōfitá, ka ko ʻeni ʻokú ke talamai ‘e koe, ʻo ka tauhi ʻe ha taha ʻeku akonaki̇́, ʻe ʻikai ʻaupito te ne aʻusia ʻa e maté, ʻo taʻengata. 53Ko e lahi koā koe ‘i heʻetau kui ko ‘Ēpalahamé, he kuo pekia ia, pea pekia foki mo e kau palōfitá. Ko hai koe, ʻi he anga hoʻo laú?”

54Pea tali ‘e Si̇̄sū: ‟Kapau ko ‘eku fakalāngilangi‘i pē ‘e au ʻa au, tā ko e koto maumau taimi pē hoku lāngilangi̇́. Ka ko ‘eku Tamai̇́ ʻokú ne fakalāngilangiʻi aú, ʻa ia ko ē ‘oku mou pehē: ko homou ‘Otuá ia. 55Ka ʻoku ʻikai te mou ʻiloʻi ia, ka ʻoku ou ʻilo ʻe au kiate ia, he kapau te u pehē atu ‘oku ‘ikai te u ʻiloʻi ia, te u faitatau ai mo kimoutolu, ʻo loi. Ka ‘oku ou ʻiloʻi ʻe au ia, pea ʻoku ou tauhi ʻene folofolá. 56Na‘e fiefia lahi ʻa e loto ‘o ho‘omou kui ko ‘Ēpalahamé, ʻi heʻene mamata mai ki hoku taimi̇́. ʻIo, naʻá ne mamata mai ki ai ʻo ne fiefia.”

57Ko ia, naʻe talaange ʻe he kau Siú kiate ia: ‟Kuo te‘eki ke ke ta‘u nimangofulu, ka kuó ke mamata koā koe kia ‘Ēpalahame?”

58Pea folofola ʻa Si̇̄sū kiate kinautolu: ‟Ko e moʻoni̇́ ʻeni ʻoku tala kiate kimoutolú, na‘e te‘eki ke fanau‘i ‘a ‘Ēpalahamé, kuo u ‘osi ‘i ai au.” 59Ko ia, naʻe tufi maka leva ʻa e kakai̇́ ke tolongi ʻaki ia. Ka na‘e toitoi pē ʻa Si̇̄sū, ʻo ne toki moulu atu ʻo ʻalu mei he Temipalé.

Currently Selected:

Sione 8: TCNT

Highlight

Copy