Mātiu 23
23
Ko e Valokiʻi ‘e Si̇̄sū ‘a e Kau Faiako Laó mo e Kau Fālesí
(Ma‘ake 12:38-40; Luke 11:37-52; 20:45-46)
1Pea toki folofola ‘a Si̇̄sū ki he fuʻu kakai̇́ mo ʻene kau akó, 2Ko e kau faiako Laó mo e kau Fālesi̇́, ‘oku nau ma‘u mafai ke fakaʻuhigaʻi ʻa e Lao ‘a Mōsesé. 3Ko ia, mou talangofua mo fai ʻa e me‘a kotoa ‘oku nau talaatú, kae ‘oua na‘á mou fa‘ifa‘itaki ki he ngaahi me‘a ‘oku nau fai̇́. He ‘oku ‘ikai te nau fai ki he me‘a ‘oku nau malanga‘aki̇́. 4‘Oku nau hilifaki ʻa e ngaahi kavenga mamafa mo faingata‘a ki he kakai̇́, kae ‘ikai te nau fie ala atu ‘o tokoni‘i kinautolu. 5He ʻoku nau fai pē ‘enau me‘a kotoa, ke mamata ki ai ʻa e kakai̇́. ‘Oku nau ha‘i ki honau la‘é mo honau nimá ha ngaahi veesi folofola laulalahi pea pao lōloa honau kofú, ke pehē ʻoku nau fai ki he folofolá! 6‘Oku nau manako foki ke nofo mu‘a he ngaahi kātoangá mo e ngaahi fai‘angalotú. 7Pea ‘oku nau saiʻia ke fakatapua kinautolu ‘e he kakai̇́ he feituʻu fakapuleʻangá, ʻo lau ko e Faiako Tohitapu.
8Ka ko kimoutolu, ke ʻoua na‘a ui kimoutolu ko e ‟Faiako Tohitapu” he ko e kau tautehina pē ʻakimoutolu, pea ‘oku toko taha pē ho‘omou Faiakó. 9Pea ‘oua na‘a ui ha mou taha ‘i māmani, ko e ‟Tamai” he ‘oku taha pē ho‘omou Tamai̇́, ‘a ia ‘oku ‘i he Langi̇́. 10Pea mou tokanga foki ke ‘oua na‘a ui ha taha ‘iate kimoutolu ko homou Taki, he ‘oku taha pē homou Taki̇́, ko e Mīsaiá.
11ʻIlonga ʻa ia ʻoku fiehoko ko e tuʻukimuʻa ‘iate kimoutolú, ke hoko ia ko ho‘omou sevāniti. 12Pea ‘ilonga ha taha te ne fiemaʻu ha tuʻunga mā‘olunga, kuo pau ke ne fakavaivaiʻi ia, he ‘ilonga ha taha te ne fakavaivaiʻi iá, kuo pau ke hiki hake ia ki ha tuʻunga mā‘olunga.
Ko e Valokiʻi ‘e Si̇̄sū ‘a e Kau Mālualoí
(Ma‘ake 12:40; Luke 11:39-42,44,52; 20:47)
13ʻOku malaʻia ‘a kimoutolu kau faiako Lao mo e kau Fālesi. ʻA e hako‘i lotuloi! ‘Oku mou haʻaki tāpuni ʻa e matapā ki he Pule‘anga ‘o Hēvani̇́ kiate kinautolu naʻe mei hū ki ai̇́. He ‘oku ‘ikai te mou fie hū ki ai, pē te mou tuku ke hū ki ai ‘akinautolu ‘oku fie hū ki ai̇́.#23:13 ʻOku ʻikai hā mai ha veesi 14
15‟ʻOku malaʻia ‘a kimoutolu kau faiako Lao mo e kau Fālesi! ʻA e hako‘i lotuloi! He ‘oku ‘osi ʻa e ngaahi fonuá mo e ngaahi ‘otu motú ho‘omou feinga holo ke fakaului mai ha fo‘i toko taha. Peá ka faifai angé kuo ului mai ha taha, pea ʻoku mou toki ngaohi ia ke liunga ua hake ʻene pau ke ‘alu ki Heli̇́, ‘iate kimoutolu!
16ʻOku malaʻia ‘a kimoutolu kau takimuʻa kui! Ko e ‘ātunga ʻeni ho‘omou faiakó: Tokua ka ai ha taha ‘e fuakava ʻi he Temipalé, ko e me‘a noa pē ia. Ka ‘o ka ai ha taha ‘e fuakava ‘i he koula he Temipalé, kuo pau ke ne fai ki heʻene fuakavá!
17ʻA e kau vale mo kui! He ko fē ‘oku mahu‘inga angé, ʻa e koulá pē ko e Temipalé ‘oku ʻuhinga ai ʻa e toputapu ʻa e koulá? 18‘Oku mou pehē foki ‘ekimoutolu, ʻOka fuakava ha taha ‘i he ‘ōlitá, pea ‘oku ‘ikai mo‘ua ia ke ne fai ki heʻene fuakavá. Ka ‘okapau ‘e fuakava ha taha ia ‘o tuʻunga ‘i ha me‘a‘ofa kuo tuku he funga ‘ōlitá, pea kuo pau ke ne fai ki heʻene fuakavá.
19He toki kau kui mo‘oni! Ko e fē ‘oku mahu‘inga angé; ʻa e me‘a‘ofá pē ko e ‘ōlita ‘oku toputapu ai ʻa e me‘a‘ofá? 20He ka ai ha taha ʻe fuakava he ‘ōlitá, ko e fuakava ai pē ia he me‘a‘ofa kuo tuku ai̇́. 21Peá ka ai ha taha ʻe fuakava ʻi he Temipalé, ko ʻene fuakava ai pē ia ki he ‘Otua ‘okú ne ʻafio ai. 22Peá ka ai ha taha ʻe fuakava ki he Langi̇́, ko ʻene fuakava ai pē ia ki he taloni ‘o e ‘Otua ‘oku ʻafio ai̇́.
23ʻOku malaʻia ‘a kimoutolu kau faiako Lao mo e kau Fālesi. ʻA e hako‘i lotuloi! ‘Oku mou ‘oange ma‘a e ‘Otuá ʻa e vahe hongofulu ‘o e ngaahi fa‘ahinga ʻakaú kai iiki̇́, ‘o hangē ko e miniti̇̄, mo e tili mo e kūmini. Ka ʻoku mou tukunoa‘i ʻa e talangofua ki he ngaahi fakahinohino mahu‘inga he Laó, ‘o hangē ko e faitotonú, mo e faimanava‘ofá, mo e faimoʻoni̇́. ʻOku sai ke fai ʻa e ngaahi me‘a ko eni̇́, pea ‘oua foki na‘a liʻaki ai ʻa e ngaahi me‘a ko ená.
24He toki kau takimuʻa kui! ‘Oku mou heuʻi ʻa e langó mei ho‘omou ipú kae folofua ʻa e kāmeli̇́!
25ʻOku malaʻia ‘a kimoutolu kau faiako Lao mo e kau Fālesi! ʻA e hako‘i lotuloi! ‘Oku mou fufulu ʻa e tu‘a ipú mo e tu‘a peleti̇́, ka ‘oku fonu homou lotó he mānumanú mo e siokitá.
26He toki kau Fālesi kui! Tomu‘a fufulu ʻa e loto ipú mo e peleti̇́ kae fakatou ma‘a ‘a loto mo tu‘a.
27ʻOku malaʻia ‘a kimoutolu kau faiako Laó mo e kau Fālesi! ʻA e hako‘i lotuloi! ‘Oku mou hangē ha ngaahi fonualoto kuo vali hiná, ʻa ia ʻoku hā faka‘ofo‘ofa ‘a tu‘a, ka ‘oku fonu hui mo e ‘anga‘anga ‘au‘aunga ‘a loto. 28Ko homou ‘ātungá ia. ‘Oku mou hā matamatalelei ‘i tu‘a ʻi ho‘omou moʻui̇́ ki he sio atu ʻa e kakai, ka ʻoku fonu homou lotó he māʻoniʻoni loi̇́ mo e faikovi̇́.”
Ko e Tomu‘a Tala ‘e Si̇̄sū hono Tauteá
(Luke 11:47-51)
29‟ʻOku malaʻia ‘a kimoutolu kau faiako Laó mo e kau Fālesi̇́. ʻA e hako‘i lotuloi! ‘Oku mou fokotu‘u ʻa e ngaahi maka fakamanatu ‘o e kau palōfitá, mo fakasanisani ʻa e ngaahi fonualoto ‘o e kakai lotú. 30Pea mou toki pehē: ‛Kapau na‘e fanau‘i kimautolu he kuonga ‘o ‘emau fanga kui̇́, na‘e ‘ikai te mau kau mo kinautolu he lilingi ʻo e toto ‘o si‘i kau palōfitá.’ 31‘A ia ‘oku mou fakamo‘oni‘i aipē, ko e hako kimoutolu ‘o e kakai na‘á nau fakapoongi ʻa e kau palōfitá. 32Pē‘i mou fai atu ā, ke mou fakakakato ʻa e ngāue kovi na‘e kamataʻi ‘e ho‘omou ngaahi kui̇́!
33He toki kau lotuloi mo e hako‘i kākā. Te mou hao fēfē mei Heli̇́? 34Ko ia, te u tuku atu kiate kimoutolu ha kau palōfita mo ha kau tangata poto mo ha kau faiako. Peá te mou tāmate‘i ʻa e ni‘ihi ‘iate kinautolu, pea tukifaʻo ʻa e ni‘ihi. Te mou tā ʻa e ni‘ihi ‘i homou ngaahi falelotú. Peá te mou fakatangaʻi kinautolu mei he kolo ki he kolo. 35Pea ‘e ‘eke kiate kimoutolu ʻa e toto ‘o e kau māʻoniʻoni kotoa pē kuo tāmate‘i ‘i māmani, ‘o kamata meia ‘Ēpeli ʻo a‘u kia Sākalaiá, ʻa e foha ‘o Palakaiá, ‘a ē na‘a mou fakapoongi he vaha‘a ‘o e potu tapú mo e ‘ōlitá. 36Ko hono mo‘oni̇́ ʻeni ‘oku ou tala atú, ko e kotoa ʻo e tautea ‘o e ngaahi tāmate kotoa ko ʻeni̇́ ‘e tō mai ki he toʻutangatá ko ʻeni̇́!”
Ko e ‘Ofa ‘a Si̇̄sū ki Selusalemá
(Luke 13:34-35)
37‟‘E Selusalema! Selusalema ē! ‘A kimoutolu ‘oku mou tāmate‘i ʻa e kau palōfitá mo tolomakaʻi ʻakinautolu kuo tuku mai ‘e he ‘Otuá kiate kimoutolú. Kuo tā tu‘o fiha ʻeni ‘eku fie fakatahataha‘i mai ho‘o fānaú, ‘o hangē ko ha motu‘a moa ‘okú naʻe ‘ō‘ōfakiʻi hono fāngangá ki hono lalo kapakaú, ka na‘e ‘ikai te mou loto ki ai. 38Pea ko ʻeni: Kuo pau ke li̇̄ ʻaki homou falé ʻo ʻikai ke toe nofoʻi. 39Pea ʻoku ou talaatu foki kiate kimoutolu, ‘E ‘ikai te mou toe mamata kiate au, kae‘oua kuo mou leaʻaki ʻeni ‘ekimoutolu, ‛Tauange ke tāpuaki‘i ‘e he ‘Otuá,
‘A ia ‘oku hā‘ele mai ‘i he huafa ‘o e ‘Eiki̇́.’”
Currently Selected:
Mātiu 23: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
