SOERA MOZE II. FAZA 24.
FAZA 24.
I. Fawoeʼoesa li. II. Iʼoromaʼõ ia Lowalangi ba zatoea Ndraono Gizeraëli. III. Ifoeli mõi mijaw̃a ba hili Moze ba õfa woeloe wonginia ba daʼõ.
1I. Ba imane chõ Moze: Ae mijaw̃a chõ Jehowa, jaʼoegõ ba ira Aʼaroni, Nadabi, Elihoe ba satoea Ndraono Gizeraëli, fitoe ngafoeloe, ba miʼangaloeloe chõnia; ba zarõoe so ami. 2Ba ha Moze zi hatõʼõ jaʼia chõ Jehowa; jaʼira andrõ, ba lõ tola lahatõʼõ ira, ba sato, ba bõi fao chõnia, weʼamõi mijaw̃a. 3Ba mõi Moze, iʼombachaʼõ ba zato goroisa Jehowa andrõ fefoe ba amachoitania fefoe. Ba latema linia sato, ha sara li, lamane: Oroisa andrõ fefoe, nibeʼe Jehowa, ba maʼoʼõ! 4Ba itanõ ba zoera goroisa Jehowa fefoe Moze. Ba mahemoloe õ, ba ihoelõ wongi ifaʼanõ naha wameʼe soemange, ba gahe hili, awõ harefa, felendroea, iʼohiaõ waʼoja mado Ndraono Gizeraëli, si felendroea. 5Ba iw̃aʼõ ba nono matoea Ndraono Gizeraëli labeʼe zoemange nitoenoe chõ Jehowa ba lataba nono zaw̃i, si matoea, soemange fangorifi. 6Ba ihalõ zi matonga ndro Moze, ilaoe ba wiga, ba si matonga, ba ibeʼe fanefe naha wameʼe soemange. 7Ba ihalõ zoera wawoeʼoesa li andrõ, ba ifarongogõ ba zato wombaso. Ba lamane: Fefoe hadia ia niw̃aʼõ Jehowa, ba mafondrondrongo, maʼoʼõ. 8Ba ihalõ ndro no mege Moze, itefe zato, imane: Do wawoeʼoesa li andrõ daʼe, fawoeʼoesa li nilaoe Jehowa chõmi, dali goroisa andrõ fefoe. (Mat. 26, 28. Heb. 9, 20).
9II. Ba mõi mijaw̃a Moze ba ira Aʼaroni, Nadabi, Abihoe ba satoea Ndraono Gizeraëli, fitoe ngafoeloe. (F. 19, 13). 10Ba oroma chõra Lowalangi Ndraono Gizeraëli; barõ gahenia, ba hoelõ mbatoe nila nifaʼanõ, si mane banoea si jaw̃a waʼohahaoe. (F. 33, 20. Jes. 6, 1. Hes. 1, 26). 11Ba nitoetoejoe andrõ ba Ndraono Gizeraëli, ba lõ ibabaja. Ba me no lanehegõ Lowalangi, ba manga ira.
12III. Ba imane Jehowa chõ Moze: Ae mijaw̃a chõgoe ba hili ba ba daʼõ iagõ, ba oebeʼe chõoe gara wanoera andrõ, ba nisoera goroisa ba amachoita andrõ, nisoeragoe, ba wamahaõ jaʼira. 13Ba maoso Moze, iʼohe genoninia Josoea andrõ; ba mõi mijawa ba hili Lowalangi Moze. 14Ba ba zatoea no mege, ba imane: Mibaloiga ba daʼe, irege mangawoeliga chõmi; so sa atṍ awõmi Gaʼaroni ba Hoeri. Na so zi so hoehoeo, ba jamoeʼohe chõra. 15Ba me no iroegi jaw̃a hili, ba ibaloegõ hili lawoeo. 16Ba iʼiagõ hili Zinaʼi lachõmi Jehowa. Õnõ ngaloeo waʼara ibaloegõ hili lawoeo andrõ; ba me loeo si fitoe, ba hoemede ia chõ Moze, moroi ba lawoeo. 17Ba ba wamaigi Ndraono Gizeraëli, ba hoelõ galitõ si mangamanga hadia ia lachõmi Jehowa andrõ ba zoezoe hili. (Moz. V. 4, 24. Heb. 12, 29). 18Ba mõi bacha ba lawoeo Moze, mõi ia mijaw̃a ba hili. Ba õfa woeloe ngaloeo ba õfa woeloe mbongi Moze ba hili. (F. 34, 28. Moz. V. 9, 9).
Currently Selected:
SOERA MOZE II. FAZA 24.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.