SOERA MOZE II. FAZA 25.
FAZA 25.
I. Fangoemaʼõ bobotolõ ba niʼamoniʼõ. II. Tawõla gamaboeʼoela li. III. Meza roti nifaigifaigi andrõ. IV. Naha wandroe.
1I. Ba hoemede Jehowa chõ Moze, imane: 2W̃aʼõ ba Ndraono Gizeraëli, enaʼõ labeʼe mbobotolõ chõgoe; midozigõ zi no aoha gõlõ, wangai, chõra. (F. 35, 5). 3Ba daʼõ gameʼela nihalõmi chõra: anaʼa ba firõ ba tõla; ba oengoe sowōē 4waroewaroe ba oengoe sojo ba kirimisi, ba tarafali ba boe nambi; 5ba oeli mbiribiri nilaoe sojo ba oeli mina goeaza ba bana (eoe); 6ba fanicha ba wandroe, ba rembaremba ba wanicha famajoini ba ba nitoenoe samohoea; 7ba feremata oena, ba feremata bõʼõ, talachoi nono mbaroe andrõ, awõ ba mbola waetasa andrõ. (Sangoehoek. 8, 27). 8Ba lafaʼanõ chõgoe nahia niʼamoniʼõ, enaʼõ sosodo ba chõra. (F. 29, 45. Heb. 9, 1). 9Mitõngõni sibai wamaedo nahia ba famaedo wakakenia andrõ fefoe niʼoromaʼõgoe chõoe dania, wamazõchi jaʼia.
(A. 25, 10—22: Moz. II. 37, 1—9)
10II. Ba lafazõchi dawõla, bana geoenia, 2 1/2 bela waʼanaoe ba 1 1/2 hela waʼebolo ba 1 1/2 hela waʼalaw̃a. 11Ba õfoʼoeli si ndroehoe mbalaki tánõ bacha ba tánõ baero õfoʼoeli ba õfasoei wamosinga jaʼia anaʼa. 12Ba õfa õfahele toembo niʼogaolo, anaʼa, ba õfachai ba gahenia si õfa, domboedomboea fatambai. 13Ba õfazõchi heahea bana, ba õfoʼoeli anaʼa. 14Ba heahea andrõ, ba õfatõrõ ba doembo niʼogaolo no mege, ba ngai dawõla, enaʼõ tobali famahea dawola. 15Bõi teboelõ ba doembo niʼogaolo andrõ ba ngai dawõla heahea andrõ; lõ tola aheta ba daʼõ. 16Ba barõ dawõla andrõ õbeʼe zoera goroisa, nibeʼegoe ba dangaoe dania. 17Ba õfazõchi, lagõlagõ, si ndroehoe mbalaki 2 1/2 hela waʼanaoe ba 1 1/2 hela waʼebolo. 18Ba domboea õfazõchi keroebi anaʼa, — nibõbõzi wamazõchi jaʼia — fafõfõ lagõlagõ andrõ; faoma fafõfõ õbeʼe keroebi andrõ. 19Ba dete lagõlagõ andrõ õbeʼe keroebi andrõ fafõfõ. 20Ba keroebi andrõ, ba samologõ afira, mijaw̃a, wamaloegõ lagõlagõ andrõ afira, si fatahõ ira, laʼotahõgõ lagõ dawõla keroebi andrõ. 21Ba õbeʼe ba dete dawõla lagõlagõ andrõ; ba bacha barõ dawõla õbeʼe zoera goroisa andrõ, nibeʼegoe ba dangaoe dania. (Raz. I. 8, 9. Heb. 9, 4). 22Ba ba daʼõ oeʼoromaromaʼõ ndraʼo chõoe dania, moroi ba lagõlagõ andrõ fahoehoeo ndraʼo chõoe, moroi ba gotaloea keroebi andrõ si domboea, si so ba dete dawõla wamadoehoeʼõ andrõ, ero na so niw̃aʼõgoe, nifaʼemaoe ba Ndraono Gizeraëli. (Moz. IV. 7, 89).
(A. 25, 23—29: Faz. 37, 10—16)
23III. Ba õfazõchi meza, bana geoenia, 2 hela waʼanaoe ba sahela waʼebolo ba 1 1/2 waʼalaw̃a. 24Ba õfoʼoeli ia si ndroehoe mbalaki ba õfosinga anaʼa, fasoei. 25Ba õfolambelambe, laloeʼa waʼebolo, fasoei, ba õfosinga gõi anaʼa lambelambe andrõ, si fasoei gõi. 26Ba õfa õfazõchi chõnia toembo niʼogaolo, ba ba watalinga gahenia õfachai doembo andro. 27Si fatõfa ba lambelambe doembo andrõ, naha heahea, ba wolohe meza andrõ. 28Ba heahea andrõ, ba bana, nifoʼoeli anaʼa; daʼõ wamahea meza andrõ. 29Ba õfazõchi zogoena ba daʼõ, mako ba figa ba koendri ba mako ba wamadoe, fameʼe zoemange nibadoe; si ndroehoe mbalaki õʼogoenaʼõ wamazõchi jaʼia. 30Ba ba meza andrõ, ba lõ õboelõʼõ roti nifaigifaigi, fõnagoe. (Moz. III. 24, 5).
(A. 25, 31—39: Faz. 37, 17—24)
31IV. Ba õfazõchi na naha wandroe si ndroehoe mbalaki, nibõbõzi naha wandroe andrõ, ahenia ba tõlania; ba nifoboenga ia, bowo sawena aboto. (F. 37, 17). 32Ba nifodaha fatambai, tõloetõloe dambai ndraha. 33Ba sarasara daha, ba tõloetõloe tebeʼe niʼobowo kanari, samboesamboea bowo, sawena aboto; si manõ ba ndraha andrõ fefoe, si õnõ, daha naha wandroe andrõ. 34Ba ba dõla, ba õfa tebeʼe boenga niʼobowo kanari, sawena aboto. 35Samboesamboea bowo tooe zi doeadoea daha chõnia, ba ndraha andrõ, si õnõ, daha naha wandroe andrõ. 36Ba bene mbowo andrõ ba daha andrõ, ba ha sara, awõ dõla; nibõbõzi fefoe, ba ha sara, si ndroehoe mbalaki. 37Ba fitoe õfazõchi fandroe chõnia, nibeʼe jaw̃a dania, ba wohagami naha andrõ fõnania. 38Ba goeti wandroe chõnia ba sife andrõ, ba si ndroehoe mbalaki gõi. 39Otoe a doea woeloe balaki õʼogoenaʼõ si ndroehoe mbalaki, wamazõchi jaʼia, fabaja gamagamania no mege. 40Ba faigi, fa õtõngõni sibai doelada andrõ, niʼoromaʼõ chõoe ba hili, wamazõchi jaʼia. (Hal. zin. 7, 44. Heb. 8, 5).
Currently Selected:
SOERA MOZE II. FAZA 25.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.