Icitendekelo 21

Isaki afyalwa

1Kanshi Yawe alangulukile Sara pamo ngefyo asosele. Kabili Yawe epakucitila Sara ico amulaile. 2#Bahi 11:11Sara epakuba pabukulu, pa nshita ine ilya Lesa alaile epo Sara afyalile Abrahamu umwana umwaume ninshi Abrahamu mukote. 3Abrahamu nao epakwinika umwana umwaume uo Sara amufyalile ishina lya Isaki. 4#Icite 17:12; Imili 7:8Ilyo ubushiku bwalenga cine konse konse apo Isaki afyalilwe bwafikile, Abrahamu amusembulula ukukonka nefyo Lesa amukonkomeshe. 5Abrahamu ali ne myaka yakufyalwa umwanda umo (100) ilyo mwane Isaki afyelwe. 6Sara epakusosa ati, “Lesa nandetela inseko, elyo na onse uukomfwako akaseka pamo na ine.” 7Kabili alundapo nokuti, “Nga nani ali nokweba Abrahamu ukuti Sara akonshapo abana? Lelo mu bukote bwakwe nimufyalila umwana.” 8Umwana asuka akula, asumuka. Ubushiku Isaki asumwike, Abrahamu acitile imitebeto iyikalamba.

Batamfya Haga na mwane

9Lelo Sara amwene ukuti umwana wakwa Haga umwina Egupto uo afyele kuli Abrahamu, alayangala#21:9 alayangala: Ba Baibele bamo batila “alatumfya.” pamo na Isaki, 10#Gal 4:29-30elyo Sara aeba Abrahamu ati, “Tamfya uyu mwanakashi umusha pamo no mwana wakwe, pantu uyu mwana wa musha tekuti akapokeko ifyuma ukasha pamo no mwana wandi Isaki.” 11Ifi fyasosele Sara fyacushishe Abrahamu, pantu mwana Haga nao wine ali mwana wakwe. 12#Roma 9:7; Bahi 11:18Lelo Lesa aebele Abrahamu ati, “Wileka aya mashiwi pa mwaice no musha obe Haga yakucushe. Umfwa fyonse ifyo Sara akwebele pantu ni kuli Isaki eko ukakwatila abantu ba mu lupwa lobe. 13Umwana wa musha nao nkalenga ukuti akabe umushobo uukalamba, pantu nao wine mwana obe.”

14Ubushiku bwakonkelepo, lucelocelofye Abrahamu abuula icakulya ne nyambi umwali amenshi apeela Haga. Afibika pa kubeya kwakwa Haga, amweba no kuya pamo no mwana. Elyo Haga afumapo, aya alelulumba mu matololo ya Beresheba. 15Ilyo amenshi yapwa mu nyambi, Haga asha alalika umwaice mu cimpusa. 16Elyo afumapo aya ikala apataliko, pantu mu mutima wakwe aleti, “Nshilefwaya kumonako uko umwaice alefwa.” Elyo ati ekale nga filya, atampa ukulalila.#21:16 atampa ukulila: Baibele wa mu Cihibulu asosa ukutila ni nyina ewalelila, lelo Baibele wa mu Cigiriki asosa ukutila mwana ewalelila.

17Lesa alyumfwile uko umwaice alelila. Elyo malaika wakwa Lesa abilikisha Haga ukufuma ku mulu amweba ati, “Haga cinshi cilekucusha? Witiina nelyo cimo. Lesa naumfwa ukulila kwa mwaice palya alele. 18Ima, buula umwaice umutalalike, pantu nkalenga ukuti akabe umushobo ukalamba.” 19Elyo Lesa aisula amenso yakwa Haga nao amona icishima ca menshi. Kanshi elyo ayako, aisusha amenshi mu nyambi, apeela no mwaice anwa. 20Lesa alesunga umwaice ilyo alekula. Aleikala mu matololo, kabili ali fundi uwacenjela ukwipaya inama mukubomfya ubuta ne mifwi. 21Ilyo aleikala mu matololo ya Parani, nyina amufwaila umwanakashi umwina Egupto, eo aupa.

Abrahamu apangana Icipangano na Abimeleki

22 # Icite 26:26 Pa nshita ilya Abimeleki no mukalamba wa fita fyakwe Fikoli baishile kuli Abrahamu, bamweba abati, “Iwe Lesa aba nobe muli fyonse ifyo ucita. 23Kanshi nomba lapa pa cinso cakwa Lesa ukuti, iwe tawakancenjeshe ine nelyo abana bandi nangu aba mu lupwa lwandi. Ulange uluse kuli ine na ku calo cino uleikalamo ngo mweni ngefyo ine nakulanga.” 24Abrahamu epakusosa ati, “Ee, nalapa.”

25Elyo Abrahamu ailishenye kuli Abimeleki pa mulandu wa cishima ca menshi ico ababomfi bakwa Abimeleki bamupokele ku maka. 26Lelo Abimeleki asosa ati, “Ine nshishibe abantu abacita ifyo. Iwe tawanjebako ici cintu. Ni lelofye naumfwa pali ici cintu.” 27Elyo Abrahamu abuula impaanga ne ŋombe apeela Abimeleki. Aba bantu babili epakupangana icipangano. 28Elyo Abrahamu apatula pa mukuni wa fitekwa utwana twa mpaanga utukota cine lubali. 29Elyo Abimeleki aipusha Abrahamu ati, “Bushe walosha mwi pakupatula utwana twa mpaanga utukota cine lubali no kutubika tweka?” 30Abrahamu amwasuka ati, “Iwe buula utu twana twa mpaanga twandi utukota cine lubali, etwakwiminina bukambone ukuti nine naimba ici cishima.” 31Kanshi eico iyi ncende baita Beresheba,#21:31 Beresheba: Lishiwi lya mu Cihibulu. Calola mukuti, icishima ca tunama cine lubali nangu icishima ca mulapo. pantu eko aba bantu babili balapile umulapo.

32Ilyo bapwile ukupangana icipangano ku Beresheba, Abimeleki no mukalamba wa fita fyakwe Fikoli babwelelemo ku calo ca Bafilisiti, 33Abrahamu ena alimbile umuti wa tamarisiki mu Beresheba, epo alapepela Yawe, Lesa wa pe na pe. 34Kabili Abrahamu aikele ngo mweni inshita iikalamba mu calo ca Bafilisiti.

Currently Selected:

Icitendekelo 21: ILL15

Highlight

Copy