Lok 4

Ciisahs ekiihkoci'ikoowisitc

(Matthew 4.1-11; Mark 1.12-13)

1Ciisahs tahsh kiihkiiwe Cwaartan (Jordan) siipiink ekii'onci maacaatc, emooshkineshkaakotc Kishemanitoon otAhcaahkoni. Miiwan itahsh Ahcaahkwan kaakii'ishi niikaaniiwinikotc pikwatahkamik. 2Mii weti kaakiihtashi kakweci'ikotc maciaya'aan niimitana (40) tahsokiishik minihk. Kaawiin kekoon okii'onci miicihsiin i'iwe minihk. Ahpii tahsh kaaishkwaahsenik, wiinke kii'noontehskate.

3Miitahsh kaa'ikotc maciaya'aan: “Kiishpin Kishemanitoo oKosihsan tenowiwanwen, anoosh a'a ahsin cipahkweshikaniwitc.”

4 # Deu 8.3. Miitahsh Ciisahs kaaishi nahkwehtawaatc: “Mii 'owe Kihcimasina'ikan eshipii'ikaatek: ‘Kaawiin awiya pahkweshikanink ehta taonci pimaatisihsi,’ ” okii'inaan.

5Miinawaa tahsh maciaya'aan okii'ishi wiiciiwikoon wakitatin, kiishaatap iko ekii'-waapanta'ikotc kahkina kaakihci okimaawentaakwaninik o'omaa ahkiink kaa'ayaanikin. 6Miitahsh kaa'ikotc: “Kika miinin o'o kahkina kashki'ewisiwin, i'i kaye citipentaman eshi wenootisiimakahk o'o ahki. Niin kahkina ninkii'-miinikoo ono, cikashkihtooyaan awenen iko enenimak cimiinak. 7Miiwan itahsh onoweniwan kahkina ketipinawewisiyan kiishpin niin ociciinkwaniihtawiyan cianami'ehtawiyan,” okii'ikoon.

8 # Deu 6.13. Miitahsh Ciisahs kaa'ishinahkwehtawaatc: “Kihcimasina'ikan ishipii'ikaate: ‘KaaTipenciketc kiKishemanitoom kika ociciinkwaniihtaw, wiin ehta kaye kika anohkiihtawaa,’ ” kii'ihkito.

9Miinawaa tahsh maciaya'aan Ceroosalamink (Jerusalem) okii'-ishiwinikoon, ekii'ishi pakitinikotc maawac kaaishi ishpahkitenik Kihcianami'ewikamik. Miitahsh kaa'ikotc: “Kiishpin Kishemanitoo oKosihsan tenowiwanwen, mii 'omaa onci kwaashkwanin. 10#Psa 91.11. Aaniihsh Kihcimasina'ikan ishipii'ikaate: ‘Kishemanitoo hsa oka'-anoonaa' otencalima' cinaanaakaci'imihk, cikanawenimimihk aaniin piko keni ishihcikewatc.’ 11#Psa 91.12. Ihkitoomakan kaye: ‘Miiwak itahsh iki keminciminihkwaa ciwiihsakisitehshinowaahsiwatc i'imaa kaashi ahsiniihkaanik,’ ” okii'ikoon.

12 # Deu 6.16. Ciisahs tahsh okii'ishi nahkwehtawaan: “Ihkitoomakan kaye: ‘Kaawiin kika kotenimaahsii kaaTipenciketc kiKishemanitoom,’ ” okii'inaan.

13Ahpii tahsh Ciisahs kaakii'ishkwaa kakweci'ikotc maciaya'aan misiwe kekoonink, mii 'i pinamaa acina kaaishi nakanikotc.

Ciisahs kiimaatanohkiitc Kaalaliink

(Matthew 4.12-17; Mark 1.14-15)

14Miitahsh Ciisahs kaaishi kiiwetc weti Kaalaliink (Galilee), ekiih kikishkaakotc eshi maskawisiinitc Kishemanitoon otAhcaahkoni. Otipaacimikoowin tahsh misiwehkamik kiimisiteshkaamakanini. 15Miitahsh kaakii'-maacihtaatc ekiih kihkino'amaaketc i'imaa Coowa' otanami'ewikamikoniink,#4.15 ekiihkihkino'amaaketc i'imaa Coowa' otanami'ewikamikoniink: mekwaa hsa ehpiintikaaniwaninik, awenen hsa piko tino Coo kiihkanoonaa ciwaawiintamaaketc cinihsitohtaminitc opiintiken eshihsininik Kehtemasina'ikan, aaniin kaye mayaa keishihcikenitc kwayahk cipiminisha'ikaatenik i'iweni kaatashintank. kahkina kaye awiya' okiihkihci nanaahkomikoo'.

Ciisahs kiiaanawenimikotc i'i Naasaritink kaa‑ayaanitc

(Matthew 13.53-58; Mark 6.1-6)

16Ciisahs tahsh kiihpitakohshin i'imaa Naasarit (Nazareth) ootenaank, kaakiihtashi ompikitc. Ahpii tahsh e'Anwepiiwi kiishikaninik, peshikwan kaanihtaa ishihciketc, kii'ishaa anami'ewikamikonk. Kiihpasikwii ekii'-ishaatc enaahsamapinitc cianamihtootc Kihcimasina'ikan. 17Miihsh kaakii'-miinintc titipiikinoomasina'ikan Aaiseyawan (Isaiah) okanootamaaken kaakii'ishi oshipii'ikenikopanen. Okii'aapinihskwekinaan itahsh i'iweni kaatitipiikinikaatenik masina'ikan. Okii'-mihkaan tahsh i'imaa kaaishipii'ikaatenik:

18 # Isa 61.1-2. “Niwiiciiwimik kaaTipenciketc otAhcaahkwan.

Niin aaniihsh ninkii'-onenimik cipiitamawakwaa kaakoohpaatisiwaatc minwaacimowinini.

Ninkiih piicinisha'ok ciwiintamawakwaa kipa'waakanak cipakitinintwaa,

kaye cikiiwe ontinamowaatc owaapiwiniwaan ikiweniwak kaawaapihsikwaa,

cipakitinakwaa ikiweniwak kakakwaataki'intwaa,

19kaye tahsh ciwiintamaan i'iwe aasha eishihsek

ahpii kaaTipenciketc keshawenimaatc opimaatisiima'.”

20Ciisahs tahsh okiihkiiwe titipiikinaan i'i masina'ikan ekii'-miinaatc ini owiici'iwen i'imaa kaa‑anohkiinitc. Miitahsh i'imaa niikaanaya'ii kaaishi onapitc ewii kihkino'amaaketc. Kahkina awiya' i'imaa kaa ayaanitc anami'ewikamikonk okiih kanawaapamikoo'. 21Miitahsh kaa'inaatc emaacii kakanoonaatc: “Mii 'i noonkom kaakiishikaak o'o kaanoontamek ekii'-ocihcihsek i'i kaaihkitoomakahk kihci oshipii'ikewin.”

22Kahkina tahsh okii'-minwaapamikoo' ekii'-maamahkaasihtaakotc kaye kaa'ahpiihci minohtaakositc kaakii'-ihkitotc. Miitahsh kaa'ihkitonitc: “Kaawiin ina wiin Coosap (Joseph) ini okosihsan?” 23Miitahsh kaa'inaatc: “Kehcinaac iko kika wiintamawihshim i'iwe kakiihtaawi kiishwewin, ‘Haw kiin mashkihkiiwinini, antawi'itison.’ Kaye tahsh kikaishim, ‘Taka o'omaa kaaonciiyan ootenaank ishihciken ini peshikwan kaanoontamaank kekoonan kaaishihcikewanen Kaparniyam (Capernaum) ootenaank.’ ” 24#Jhn 4.44. Miihsh kaa'ani inaatc: “Tepwe o'owe kaawiintamawinakook, kaawiin wiihkaa minwenimaakaniwihsii awiya kaakanootamawaatc Kishemanitoon otootenaamink kaaonciitc. 25#1Ki 17.1. Inashke pisintawihshik: tepwe aahpici kiipaahtiinowak kiiwaacihkwek Isriyalink (Israel) mekwaa ahpii Ilaaica (Elijah) kiiayaatc. Kaawiin kii'onci kiminwansinoon nihsopipoon aapihta minihk. Wiinke ekii'-noontehsek miicim misiwehkamik. Isriyal ahkiink. 26#1Ki 17.8-16. Kaawin tahsh Ilaaica kii'ishinisha'waahsii kanake peshik cianta wiici'aatc. Mii ehta 'imaa kaakii'-ishinisha'ontc eshiayaanitc peshik kiiwaacihkwen ciawi wiici'aatc Serahpat (Zarephath) ootenaank i'imaa pehsho kihciootenaank Saaitan (Sidon) kaaicikaatek. 27#2Ki 5.1-14. Aahpici kaye kiipaahtiinowak awiyak wemikiiwaahpinewaatc mekwaa ahpii Kishemanitoo okanootamaaken Ilaaihshahoon (Elisha) kiiayaanitc. Kaawiin tahsh kanake peshik kiionci pehki'aakaniwihsii#4.27 kaawiin kiionci pehki'aakaniwihsii: awiya kaakii omikiiwaahpinetc kii‑inakimaa ekii wiinaahpinetc, miitahsh kaakii onci manaa saaminintc. Waapantan kaye omikiiwaahpinewin Ihkitowinan kaashi oshipii'ikaatekin. i'iweni kaakii'-inaahpinetc, mii ehta Neaman (Naaman), Siiriya (Syria) ahkiink kaaonciitc kaakii'-antawi'intc,” kii'ihkito.

28Ikiweniwak itahsh i'imaa anami'ewikamikonk kaa‑ayaawaatc ahpii e'⁠noontamowaatc o'o, aahpiciko kahkina kii'nishkaatisiwak. 29Miihsh kaa'ishi pasikoncihsewaatc ekiih saakici wepinaawaatc Ciisahsoon i'imaa ootenaank, ekii'-ishiwinaawaatc wakitatin i'imaa eshiayaanik otootenaamiwaa, ewii piniwepinaawaatc kaashi kiishkatinaanik. 30Shaakooc itahsh Ciisahs kii'ani shaaposhkaa mekweya'ii awiya' eshi paahtiinonitc, ekii'ani maacaatc.

Kiihsaakicinisha'amawaatc ininiwan kekishkaakonitc maciahcaahkwan

(Mark 1.21-28)

31Miitahsh Ciisahs kii'ishaa weti Kaparniyam (Capernaum) ootenaank, Kaalalii (Galilee) ahkiink, mii weti kaakiihtashi kihkino'amawaatc pemaatisinitc e'Anwepiiwi kiishikaninik. 32#Mat 7.28-29. Tepwe hsa kahkina awiya' okii'-maamahkaasihtaakoo' i'iweni eshi kihkino'amawaatc, aaniihsh i'i otihkitowin kii'inihtaakwanini ekii'-miinikotc Kishemanitoon kashki'ewisiwin. 33Peshik itahsh inini kii'ayaakopan i'imaa piintikamik anami'ewikamikonk, ekiih kikishkaakotc maciahcaahkwan kaapehkentakosihsinik, enikohk ekii'-noontaakosinitc ehshaakowenitc, 34o'o e'⁠ihkitonitc: “Aai! Aaniin waahtootawiyaank, Ciisahs Naasarit (Nazareth) kaaonciiyan? Kipianta nihshiwanaaci'inaam ina? Kikihkenimin aweneniwiyan Kiin Kishemanitoo kaakiih piicinisha'waatc Okwayahkwaatisiiman!” okii'ikoon.

35Ciisahs tahsh okiih kanoonaan iniweniwan maciahcaahkwan: “Kitoompiikihs, onci saaka'an i'imaa a'a inini opimaatisiwinink,” okii'inaan. Miitahsh a'a maciahcaahk kaaishi ahpakinaatc ini ininiwan i'imaa mekwe eshiayaanitc pemaatisinitc, kaye ekii'-nakanaatc. Kaawiin tahsh kekoon okiih tootawaahsiin ini ininiwan.

36Kahkina tahsh kii'maamahkaatentamook o'o ekii'-ayitiwaatc: “Wekonen tahsh o'o tino kihkino'ikewin, e'⁠ayaatc a'a inini kashki'ewisiwin, tako kaye mashkawisiiwin ekashki'maatc kaapehkisihsinik maciahcaahkwa', cisaaka'aminitc!” kii'ihkitowak. 37Ciisahs tahsh otinaacimikoowin misiwehkamik kii'ani kihkentaakwanini.

Ciisahs kiiminwaaci'aatc niipiwa' pemaatisinitc

(Matthew 8.14-17; Mark 1.29-34)

38Miitahsh Ciisahs kaa'ishisaaka'ank i'imaa anami'ewikamikonk, Saaimanoon (Simon) eshitaanitc ekii'-ishaatc. Saaiman tahsh osikohsan kii'aahkosiwan, aahpici ekiihkihci kishisowaahpinenitc. Ciisahs itahsh kii'wiintamawaa aaniin eshi ayaanitc ini ihkwewan. 39Miitahsh Ciisahs kaaishianta waapamaatc ihkwewan, ekii'-niipawitc ciiki nipewinink. Miitahsh kaaishi kanootank i'iweni kishisowaahpinewin. Miitahsh a'a ihkwe kaakii'-nakanikotc otaahkosiwin. Miihsh shemaak ekii'-wanishkaatc ekiih pami'aatc Ciisahsoon, i'i kaye kaakii wiiciiwikonitc.

40Ahpii e'⁠ani pankishimotc kiisihs, kahkina awiyak kaakiih kanawenimaawaatc kaa‑aahkosinitc pepahkaani aahkosiwin enaahpinenitc okiih piitamawaawaan Ciisahsoon. Kahkina tahsh okiih saaminaani entahso peshikonitc ekii'-minoayaanitc. 41Kiipaahtiinowa' kaye maciahcaahkwa' kaakii'-nakanaanitc pemaatisinitc, “Kiin Kishemanitoo oKosihsan,” ekii'ishi shaakowaanikotc.

Ciisahs tahsh okii'-onci'aa' kekoon ci'ihkitohsinik, aaniihsh okiih kihkenimikoo' ekii'-onenimikotc Kishemanitoon ciPimaaci'iwewininiiwitc.#4.41 ekii onenimikotc Kishemanitoon ciPimaaci'iwewininiiwitc: waapantan 2.26.

Ciisahs kiihpapaakakiihkwetc anami'ewikamikohkaank

(Mark 1.35-39)

42Ahpii e'⁠ani kiishikaninik Ciisahs i'imaa ootenaank kii'onci maacaa ekii'-ishaatc eshinihshihke ayaanik. Awiya' itahsh okii'maaci nanaantawaapamikoo'. Ahpii tahsh kaa'mihkaakotc otaanakiih kakwe kihciwimikoo' cimaacaahsik. 43Miitahsh kaa'inaatc: “Ishihse kaye oncita kotak ini ootenawan ciwiintamaakeyaan i'iweni minwaacimowin Kishemanitoo kaawii'ishi oshihsitootc oTipencikewin, mii 'i Kishemanitoo kaakiihonci piicinisha'otc ci'ishihcikeyaan,” kii'ihkito.

44Miitahsh kaa'ishi papaakakiihkwetc anami'ewikamikohkaank i'imaa Cootiiya (Judea) ahkiink.

Currently Selected:

Lok 4: OJBR

Highlight

Copy