KO ‘EKISOTO 1

Ko Hono Ngaohikovia ‘o e Kakai ‘Isilelí ‘i ‘Isipité

1KO eni ‘a e ngaahi hingoa ‘o e ngaahi foha ‘o ‘Isileli na‘e omi ki ‘Isipite fakataha mo Sēkope,#Sēn 46.8-27 ‘o takitaha mo hono ‘api.#Sēn 46.8-27 2Ko Lūpeni, Simione, Līvai mo Siuta; 3ko ‘Īsaka, Sepulone, mo Penisimani; 4ko Tani mo Nafitalai, ko Kata mo ‘Āseli. 5Pea ko e lau kātoa ‘o e kakai na‘e tupu mei he manava ‘o Sēkope ko e toko fitungofulu.#1.5 fitungofulu; ‘Oku pehē he hiki fuoloa ‘e taha: fitungofulu mā nima (vakai kia Ngāue 7.14). Pea ko Siosifa, kuo ‘i ‘Isipite ia. 6Pea na‘e pekia ‘a Siosifa mo hono ngaahi tokoua kotoa pē, mo e to‘utangata ko ia kātoa. 7Pea na‘e hako ‘a ha‘a ‘Isileli, ‘o nau tupu ‘o hangē ha neveneve, ‘io, na‘a nau hoko ‘o tokolahi mo kaukaua ‘aupito ‘aupito; pea na‘e fonu ‘a e fonua ‘iate kinautolu.#Ngā 7.17

8Pea na‘e hoko ‘o pule ki ‘Isipite ha tu‘i kehe, ‘a ia na‘e ‘ikai te ne ‘ilo ‘a Siosifa.#Ngā 7.18 9Pea ne pehē ki hono kakai; Vakai, ko e kakai ni ko ha‘a ‘Isileli ‘oku nau tokolahi mo mālohi ‘iate kitautolu; 10‘ē, tau fai fakapotopoto ki ai; na‘a nau toe tokolahi ange, pea ka faifai pea hoko ha tau, pea nau kau foki kinautolu mo hotau ngaahi fili, ‘o tau‘i kitautolu, ‘o nau ‘alu ai mei#1.10 ‘alu… mei; pe puke ‘o pule‘i. he fonua.#Ngā 7.19 11Ko ia na‘a nau fakanofo kiate kinautolu ha kau ‘ōfisa ‘o e fatongia, koe‘uhi ke fakavaivai‘i kinautolu ‘aki ‘a e fua kavenga. Pea na‘a nau langa mo‘o Felo ‘a e ongo kolo tuku‘anga koloa, ko Pītomi mo Lamesisi. 12Ka ko e lahi leva ‘enau fakamamahi‘i kinautolu, pea lahi ai foki ‘enau tupu mo ‘enau mafola. Pea na‘a nau puputu‘u telia ‘a ha‘a ‘Isileli. 13Ko ia na‘e hanga ai ‘a e kakai ‘Isipite ‘o fakangāue mamafa ‘a ha‘a ‘Isileli: 14pea nau ‘ai ke konā ‘enau mo‘ui ‘aki ‘a e ngāue fakaongosia, ‘a e ngaohi kelepulu mo e maka ‘umea, pea mo e ngāue kehekehe ‘i he vao: ko e ngāue kotoa na‘a nau fakangāue‘i ai kinautolu na‘e mamafa.

15Pea me‘a ‘a e Tu‘i ‘Isipite ki he ongo mā‘uli Hepelū, ‘a ia ko e hingoa ‘o e taha ko Sīfila, pea ko e hingoa ‘o hono ua ko Pua. 16Pea ne folofola ‘o pehē, ‘I ho‘omo fai ho‘omo ngāue mā‘uli ki he kau fefine Hepelū, ‘o mamata ki he fā‘ele, kapau leva ko ha tama tangata, pea te mo tāmate‘i ia; ka ‘o kapau ko ha ta‘ahine, ‘e mo‘ui pē ia. 17Ka ko e ongo mā‘uli na‘a na manavahē kia ‘Elohimi, pea na‘e ‘ikai te na fai ‘o hangē ko e tu‘utu‘uni ‘a e Tu‘i ‘Isipite kiate kinaua, ka na‘a na tuku ke mo‘ui ‘a e tamaiki tangata. 18Pea ui ange ‘e he Tu‘i ‘Isipite ‘a e ongo mā‘uli, ‘o ne folofola kiate kinaua, Ko e hā kuo mo fai pehē ai, ‘o tuku ke mo‘ui ‘o e tamaiki tangata?

19Pea tali ‘a e ongo mā‘uli kia Felo, Ko hono ‘uhinga he ko e kau fefine Hepelū ‘oku ‘ikai te nau hangē ko e kau fefine ‘Isipite; ka ‘oku nau mālohi, pea ‘i he te‘eki ke a‘u ‘a e mā‘uli kiate kinautolu kuo nau fā‘ele. 20Ko ia na‘e fai lelei ‘a e ‘Otua ki he ongo mā‘uli; pea na‘e tupu ‘a e kakai, ‘o hoko ‘o kaukaua ‘aupito. 21Pea ko e me‘a ‘i he manavahē ‘a e ongo mā‘uli kia ‘Elohimi, ko ia na‘a ne fakaai hona fale. 22Pea fai fono ‘e Felo ki hono kakai kotoa, ‘o pehē, ‘Ilonga ha tamasi‘i tangata ‘e fā‘ele‘i, te mou lī ki he vaitafe, ka ‘ilonga ha ta‘ahine te mou tuku ke mo‘ui.#Ngā 7.19

Currently Selected:

KO ‘EKISOTO 1: TMB

Highlight

Copy