KO ‘EKISOTO 2

Ko e Fā‘ele‘i ‘o Mōsesé

1PEA ‘alu ha motu‘a ‘i he fāmili ‘o Līvai, ‘o ne mali mo ha ‘ōfefine ‘o Līvai. 2Pea feitama ‘a e fefine, ‘o ne fā‘ele‘i ha tama tangata: pea ‘i he‘ene vakai ko e tamasi‘i faka‘ofo‘ofa, na‘a ne fufū ia ‘o tolu māhina.#Ngā 7.20; Hep 11.23 3Pea ‘i he ‘ikai te ne kei lava ke fufū ia, na‘a ne ma‘u mo‘ona ha ‘a‘ake na‘e ngaohi ‘aki ‘a e mahelehele, ‘o ne vali ‘aki ‘a e kelepulu mo e tā; pea ne ‘ai ki ai ‘a e tamasi‘i, ‘o ne tuku ‘i he vao kutu ‘i he tafa‘aki vaitafe. 4Pea na‘e tu‘u hono tuofefine mei he mama‘o ke vakai pe ko e hā ‘e hoko.

5Mo e ‘alu hifo ‘a e ‘Ōfefine ‘o Felo ke pālutu ‘i he vaitafe; pea ‘alu holo hono kau fefine ‘i he ve‘e vai; pea na‘a ne vakai ‘a e ‘a‘ake ‘i he loto kutu, ‘o ne fekau atu ‘ene kaunanga ke ‘omai. 6Pea ‘i he‘ene to‘o ia, na‘a ne mamata ki ai, ki he tamasi‘i, pea tā ko e tama pea ‘oku ne tangi, pea ne manava‘ofa ki ai, ‘o ne pehē, Ko si‘i me‘a eni ‘i he fānau ‘a ha‘a Hepelū!

7Pea lea ange ‘e hono tuofefine ki he ‘Ōfefine ‘o Felo, Ka u ‘alu ‘o ui mai ha fefine tauhi mei he kau fefine Hepelū ke tauhi ma‘au ‘a e tamasi‘i?

8Pea me‘a mai ki ai ‘e he ‘Ōfefine ‘o Felo, ‘Alu pē. Pea ‘alu ‘a e ta‘ahine ‘o ne ui mai ‘a e fa‘ē ‘a e tamasi‘i. 9Pea me‘a mai ki ai ‘a e ‘Ōfefine ‘o Felo, ‘Ave ‘a e tamasi‘i ni, ‘o tauhi ma‘aku, pea te u ‘atu ‘e au ha‘o totongi. Pea to‘o ‘e he fefine ‘a e tamasi‘i, ‘o ne tauhi. 10Pea ‘i he‘ene tupu ‘a e tamasi‘i, na‘a ne ‘ave ia ki he ‘Ōfefine ‘o Felo, pea na‘a ne tama ‘aki ia. Pea na‘a ne fakahingoa ia ko Mōsese (ko Toho-mai) he‘ene pehē, He na‘a ku toho mai ia mei he vai.#2.10 Mōsese; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e toho mai ki tu‘a. #Ngā 7.21

Ko e Hola ‘a Mōsese ki Mitiani

11Pea ‘i he faifai pea lahi ‘a Mōsese, na‘a ne ‘alu atu ki tua‘ā ki hono kāinga, ‘o mamata ki he‘enau kavenga‘ia: pea ne vakai ha siana ‘Isipite ‘oku ne taa‘i ha Hepelū, ko e taha ‘i hono kāinga.#Hep 11.24 #Ngā 7.23-28 12Pea ne fakasio ki hē mo ē, pea ‘i he‘ene vakai ‘oku ‘ikai ha taha, na‘a ne te‘ia ‘a e ‘Isipite, ‘o ne tanu ia ‘i he ‘one‘one. 13Pea ne toe ‘alu atu ‘i he ‘aho na‘a na feholoi, pea tā ko e ongo tangata Hepelū ‘oku na fuhu: pea ne lea ki he toko taha na‘e halaia, Ko e hā kuo ke taa‘i ai ho kaume‘a?

14Pea ne tali, Ko hai na‘a ne fakanofo koe ko e ‘eiki mo e fakamaau kiate kimautolu? ‘oku ke pehē ‘apē ke tāmate‘i au, ‘o hangē ko ho‘o tāmate‘i ‘a e ‘Isipite? Pea na‘e manavahē ‘a Mōsese, ‘o ne pehē, Ta kuo ‘iloa ‘a e me‘a. 15Pea ‘i he fanongo ‘a Felo ki he me‘a ko ia, na‘a ne feinga ke tāmate‘i ‘a Mōsese. Ka ka hola pē ‘a Mōsese mei he ‘ao ‘o Felo, ‘o ne nofo ‘i he fonua ko Mitiani: pea ne nofo hifo ‘o ofi ki he vaikeli.#Ngā 7.29; Hep 11.27 16Pea ko e taula‘eiki ‘o Mitiani na‘e toko fitu hono ngaahi ‘ōfefine ‘o‘ona: pea na‘a nau omi ‘o ‘utu vai, ‘o fakafonu ‘a e ngaahi kumete ke fakainu ‘a e fanga manu ‘a ‘enau tamai.

17Pea ha‘u ‘a e kau tauhi sipi, ‘o kapusi kinautolu; ka ka tu‘u ‘a Mōsese, ‘o tokoni‘i kinautolu, ‘o ne fakainu ‘enau fanga manu. 18Pea ‘i he‘enau a‘u ki he‘enau tamai ko Leueli, na‘a ne pehē, Ko e hā kuo mou foki vave pehē ai he ‘aho ni?

19Pea na‘a nau tali, Ko e siana ‘Isipite na‘a ne fakahaofi kimautolu mei he nima ‘o e kau tauhi sipi, kae‘uma‘ā na‘a ne touvai ma‘amautolu, ‘o fakainu ‘a e fanga manu.

20Pea me‘a ia ki hono ngaahi ‘ōfefine, pea kofa‘ā ia? Ko e hā kuo mou fai pehē ai, ‘o li‘aki ‘a e siana? mou ui mai ke ne ha‘u ‘o kai.

21Pea na‘e loto ‘a Mōsese ke nofo mo e matāpule: pea na‘a ne ‘ange kia Mōsese ‘a hono ‘ōfefine ko Sīpola. 22Pea na‘a ne fā‘ele‘i ha tama tangata, ‘o ne fakahingoa ia ko Kēsome (ko Nofo-muli);#2.22 Kēsome; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e tokotaha muli. he na‘a ne pehē, Kuo u ‘āunofo au ‘i ha fonua muli.

23Pea fuoloa fuoloa pea pekia ‘a e Tu‘i ‘Isipite: pea na‘e to‘e ‘a ha‘a ‘Isileli koe‘uhi ko e fatongia, pea na‘a nau tautapa; pea na‘e a‘u hake kia ‘Elohimi ‘enau tangi tokoni koe‘uhi ko e fatongia. 24Pea na‘e ongo‘i ‘e he ‘Otua ‘enau to‘e, pea ne manatu ki he‘ene fuakava mo ‘Epalahame mo ‘Aisake mo Sēkope.#Sēn 15.13-14 25Pea na‘e hāngaifofonga ‘a e ‘Otua ki ha‘a ‘Isileli, ‘o ne tokanga‘i.#2.25 ‘o ne tokanga‘i; ‘Oku pehē he hiki fuoloa ‘e taha: na‘á ne fakahā ange ia kiate kinautolu.

Currently Selected:

KO ‘EKISOTO 2: TMB

Highlight

Copy