LEVITIKO 12
12
Ko e Ouau Fakama‘a ke Fai ki ha Fefine kuo Toki ‘Osi Fā‘ele
1PEA folofola ‘a e ‘Eiki kia Mōsese, ‘o pehē, Lea ki ha‘a ‘Isileli, ‘o pehē, 2Ka feitama ha fefine, ‘o fā‘ele‘i ha tama tangata, te ne ta‘ema‘a ‘o ‘aho fitu; ko ‘ene ta‘ema‘a ‘e fuoloa tatau mo ‘ene pehē ‘i he mahaki fakafefine. 3Pea ‘i hono ‘aho valu ‘e kamu ‘a e kili ‘o hono ‘ao.#Sēn 17.12; Luk 2.21 4Pea te ne nofo ke a‘u ‘i he ‘aho ‘e tolungofulu mā tolu; ‘e ‘ikai te ne ala ki ha me‘a ‘oku tapu, pea ‘e ‘ikai te ne hū ki he feitu‘u tapu, kae‘oua ke kakato hono ngaahi ‘aho ‘au.
5Ka ‘o kapau te ne fā‘ele‘i ha ta‘ahine, te ne ta‘ema‘a ‘o uike ua, ‘o hangē ko ha‘ane mahaki fakafefine: pea te ne nofo ke ‘au ‘o ‘aho onongofulu mā ono.
6Pea ‘i he kakato hono ngaahi ‘aho ‘au, pe ko e tama, pe ko e ta‘ahine, te ne ‘omi ha lami ‘uluaki ta‘u ma‘ane feilaulau-mōifua, mo ha lupe mui, pe ha kulukulu ma‘ane feilaulau-angahala; te ne ‘omi ki he mata Tēniti Fe‘iloaki‘anga ki he taula‘eiki. 7Pea te ne ‘atu ia ki he ‘ao ‘o Sihova, ‘o fai‘aki ia ha fakalelei ma‘ana, pea fakama‘a ia mei he‘ene ‘au toto. Ko e lao ia ki he fefine fā‘ele, pe ko e tama, pe ko e ta‘ahine.
8Pea kapau kuo ‘ikai te ne lava ke ‘omi ha lami, te ne ha‘u mo ia ha ongo kulukulu pe lupe mui, ko e taha ki ha feilaulau mōifua, mo e taha ki ha feilaulau-angahala; pea ‘e fai ha fakalelei ma‘ana ‘e he taula‘eiki, pea te ne toki ma‘a.#Luk 2.24
Currently Selected:
LEVITIKO 12: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.