Salmau 64
64
SALM 64
Duw’n dymchwel y drygionus
Diademata 66.86.D
1-4Clyw di, O Dduw, fy llais
Pan alwaf arnat ti.
Rhag dichell pawb sy’n bygwth trais
O tyrd i’m hachub i.
Mae ar eu tafod fin
Fel cledd; yn gudd a chwim
Anelant saethau’u geiriau blin
At un na phechodd ddim.
5-8Dyfeisiant ffyrdd i wneud
A gosod maglau cêl.
Mor gyfrwys calon dyn! cans dweud
Y maent, “Pwy byth a’n gwêl?”
Ond Duw â’i saethau braw
A ddial am eu sen,
A’u cwymp yn sydyn iawn a ddaw,
A phawb yn ysgwyd pen.
9-10Daw ofn ar bob dyn byw
Wrth weld drygioni’n gaeth.
Cânt ddweud am waith ardderchog Duw,
A deall beth a wnaeth.
Yn Nuw, yr Arglwydd, boed
I’r cyfiawn lawenhau,
Llochesu ynddo fel erioed,
A’i foli a’i fawrhau.
Currently Selected:
Salmau 64: SCN
Highlight
Share
Copy
Want to have your highlights saved across all your devices? Sign up or sign in
© Gwynn ap Gwilym 2008